1Timote 5:11 - BII BILA

¹¹ Kɛ cɛ̀l le vanlaandua felengia piaandaa ndaa vi-a diolan sɛvaa le, kani taa yiyan pɛ le calle piaandua celen o ba o nɔu, a mulul Krista kɔɔ.

1Timote 5:11 Referans Kwoze

1Timote 5:14

Lelan, i yeema mì cuavaa laandua felengia piaandaa ndaa vi-a cal o nɔla celen, mà sɔla cuawva, mà bii yungule ndalen, yɔŋii yaamɔɔa sɔla nɛiyo le sɔɔn vɔɔnndon dimio a naa o kɔɔ.

Osee 13:6

Mɛɛ niaa tiiya o yondo puiyaa nin, mí la dia, mí lapum cá. Mɛɛ niaa pim, mí kɔlta yongalan la luɛi niaa nin, mí la pɔɛɛnun ya.

Nsaki 5:5

La vìlí ceen niaa o kɔlkɛndɔɔ a o ɲɛm kɛndɔn nin, la pímí kɔlta niaalan le paale diyaalen.

Esai 3:16

Mɛlɛka dimi aa: «Le co cuavaa laandua Siɔn co vanaa heelannda-o, le kɔla nda kɔa a kɛson kindio a á tofa heelanndo lan, le kɔla nda kɔa a nɛiyo ɲɛɛngi-ɲɛɛngi a bamban co nda o labɛngu-on biiŋoo vɔkɔlɔ-vɔkɔlɔ-o,

Dɛnnda cɔɔmuanndan 18:7

Mɛɛ o kelun yongaa o kɔl, le tùú o va o ɲɛ kɛndɛ ndóò handu kɔllo coo-o nin-ndo yɛ, lende koni niaa tuisi ndu dɛnɛ palaa coo, mì la luei ndu mɔnɛi. Kani o co diminndo o kɔl nin aa: ‹Sɔngɔ masa koni ya cal nanu ni, i co vanalanɔ pɔnɔ vi le, lelan dɛnɛ palaa kɛ́-kɛ̀ komalnin ya le.›

2Piɛr 2:18

Sɔɔn fondon mala vana loon nda dimi ni, a yeemɛi ndɛi lasiɛmbuei nda bii vanaa hɛlun sɛnɛi vanaa luei vannda o pɔwlan nin-nda ni.

1Timote 5:9

Le diola vanalanɔ pɔnɔ ndɔ vi-o sɛvaa o diola vanlaandua piaandaa vi-a coo, mɛɛ mò nɔ vɔsilan kandɔɔ belaŋɔmpum. Handɔɔ o kon coo, mò va vana kei vanapɔnɔɔ ndu pilɛ o ba o nɔu-vo,

1Timote 4:3

Vanaa kan a co vannda pɛɛkoo maa o niŋ mì vana yil lanɔ, te kon te mì vana cal pɔnɔ o ba o nɔ̀u nin te, maa vana dia vɛlɛ ɲɔɔn pum te. Nduyɛ, Hala soli ɲɛm mun haliko mi vanaa laalannda piɛi ndu Hala, mà de mun, mà mel ndu balika, nda vanaa laalaŋaa sina toɲaa-a pɛɛn.

Tɔŋ miingua 32:15

Kɛ mɛɛ Yesurun de mó luɛi cuɛiyan, mó kandu nila kalulan tosaa. Mó kɛɛ Hala cɔw ndu-o, mó pɛɛsa Pow kpova baŋa ndu-o.

1Timote 5:12

O kon yɛ, yaalaa nda sɔlanin ni, le tùú nda tɛɛmbuu kpema tase nda yii-o o.

Dɛnnda cɔɔmuanndan 18:3

Kani vanaa-mangalaa-isɔɔa kpow a kol mɔima kɔltuwma dɛnɛ laasiɛi ndɔɔ. Masaa co o lɛŋnden coo-a vow balan o dɛnɛ laasiɛi ndɔɔ nin, mì yulaa co o lɛŋnden coo-a sul a kpaaya co o bolofaa dɔ́ɔ́ nin-ndo.»

Dɛnnda cɔɔmuanndan 18:9

Masaa kɛ́-kɛ̀ co o lɛŋnden coo, má del ndu kɔɔli o laasianndo a o ɲɛm ndɔn kɛndɔn nin caŋnin mà cɛɛŋun le ndu telen nda canin kumnde helɔɔ o ndu lomɔɔ-o.