1Timote 5:10 - BII BILA

¹⁰ mò nɔ tɔ́ɔ́ kɛndɔɔ le dɛnnda kɛndɛla ndɔlan, mò va vana caa cuavaa ndɔa biyɔɔ-o, mò va vana caa mialla biyɔɔ-o, mò va vanaa diandaa pelon pulɔɔ, mò va vanaa sangaa co coo-a malaa, mò kindin le dɛnnda kɛndɛlan kpow tosaa.

1Timote 5:10 Referans Kwoze

1Timote 6:18

Dimul nda mà a tosa dɛnɛ kɛndɔɔ, mà tosal vannda kɛndɛi taw, mà cɛl le vanaa celen ɲɛm ndan piɔwvo.

Tite 3:8

Sɔɛi toɲɛi co hee ni. I yeema ma tiinda pelei lecoo ɲɛkɛndɛi, haliko mi vanaa laalan Hala-a yɔngun nda pila, mà va dɛnnda kɛndɛlan tosaa. Dɛnnda naŋ mì la co vannda tɔnɔɔ lueiloo lan.

Dɛnnda kiilaa 9:36

Kaandennɔ laandu pilɛ va Yopé diolan Tabita, o krɛkiei nin aa «Dɔrkas». O va vannda dɛnɛ kɛndɔɔ tosallo lɔ́ɔ́-lɔ́ɔ̀, mó va vɛlɛ vanaa bala fondoa malaa.

Tite 3:1

Yiyilan vanaa laalannda maa a tuisin tootoo a simlacia a á masaa lelɛŋnda, mà bii sɔɔn ndan, mà va a bɛɛndiannda lɔ́ɔ́-lɔ́ɔ̀ le dɛnnda kɛndɛlan kpow tosaa.

Tite 2:7

Nɔm pila cɔm tɔɔmaseloo o dɛnnda kɛndɛlan tosaa nin, mì pɛɛku nɔmndo dendu, mò va pɛɛku kpeekpeiyo.

2Timote 3:17

haliko mi vana baala Hala-o va o bɛɛndian, nduyɛ mo va o tiwnan ɲɛkɛndɛi le dɛnɛ kɛndɛ súú-súù ka tosaa.

Rɔmnda 12:13

La sɔɔnguu vanaa laalaŋaa co o balahavɛilan nin-nda ikɛi. La kindin le mialla biyɔɔ a ɲaaloo.

Luke 7:44

O kon, mó muli hɔlla a kpengii cuaa va-e, mó dimul Simɔn aa: «A ce cuaa ho? I hin o nɔm ndo, a ke ya mamɛn mì pulu n'pelu le. Kɛ ndu ndu, o pilu ya pelon a mɛmɛma ndɔan, mó vɔɔsu mun a yiiŋii ndɔɛi.

Matie 5:16

Ɲɛ-tengaa niaa bɛnda mò tenga lende vannda o hɔl, haliko ma ce dɛnnda niaala kɛndɛlan, o kon mà biilu fuɲa niaa co o halataala-o.»

1Piɛr 2:12

La nɔ kela kɛndɔɔ vanaa co vanaa laalan te-a tɛɛn, haliko a ɲiinduu niaa bɛɛ còòlan coo maa vanaa tosaa dɛnnda vɔɔn, mà ce dɛnnda kɛndɛla niaalan, mà biilu Hala paale o hunnin-nden.

Hebreea 13:21

Màá Hala kon ke niaa kpaayaa le dɛnnda kɛndɛla súú-súù ka tosaa, mì la nɔla hɛnan ndɔɔ tosaa. Màá o mala naa o diola Yeesu Krista lan mì n tosà hɛnan ndɔɔ. Màá biiloo va le ndu Yeesu Krista le fɛɛn a fɛɛn! Amiina!

Hebreea 13:2

La pɔɛɛnun le mialla biyɔɔ le, kani o mialla biyɔɔ vanaa pum a yiya mɛlɛkaa ni, a ve sina le.

Hebreea 10:24

N nɔnnan hɔlten kɔɔli vellaa-velle, haliko mi n lueinan yoomuan le kaolaa cɔmanndo a le dɛnnda kɛndɛlan tosaa.

Tite 3:14

Mɛɛ mì vanaa naa bɛɛ a pɛɛku, mà yɔngun le dɛnnda kɛndɛlan tosaa, mà malà vanaa co o balahavɛilan nin-nda, yɔŋii nda kɛɛ mako nɛŋi.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Luke 7:38

Mó kɔ sim Yeesu a makɔɔ o pelon ikɛi, mó va caŋndo, mó va Yeesu pelon liwviaa a mɛmɛan. O kon kɔɔli, mó va ndu pelun mun vɔɔsuuo a yiiŋii ndɔɛi, mó va mun vɔɛiyo, mó va cuɛima cun kɛndɛan taaliaa lecoo.

O Kandɔɔ 18:4

La cum ndɔ mì kɔ kondu niaa mɛnndan ɲɛ-pɔmbɔ le pelon pulɔɔ. La cii pɛ pelon pulɔɔ, la cal, la pɛngi o yɔmndo ho bɛngu.

3Nsaŋ 1:12

Vannda kpow a co diola kɛndɛla Demetrius lan dimio. Toɲaa pila bɛɛ co lan dimio. Naa bɛɛ, n sínà maa toɲaa sɔɔn naa n dimi-on co ni.

1Piɛr 4:9

La va vanaa bii mialla-a vellaa-velle, o va a sɔɔn pɔmbɔ le.

2Timote 3:15

a sínà vɛlɛ mɛɛ n loonun sɛbɛ Hala-o cɔn o cuaambɔyɛi nɔmnde nin yɛ. Kon nɔla mo ke nɔm kɔlkaloo haliko ma sɔla laalan yɔngunin nɔm cindaa sɔlaa o Yeesu Krista nin-ndo.

2Timote 2:21

Lelan te vanndo dindin pɛ le dɛnnda ya dimi lan ndan kpow, o siŋnun volɔɔ baalaa le makola sɔvɛlan, vana vana ndɔ bɛndoo solin mako-o pɛɛn, o toosian le dɛnɛ kɛndɛ súú-súù ka tosaa-o.

2Timote 1:5

I co loonɔnndo a laalan kpeekpei n nɔ-o o kɔɔ, laalan Lois mama nɔm ndóò nɔ sindɛ-o, laalan kon pɛɛn, ó va vɛlɛ Enise kala nɔm nin-ndo. Nduyɛ, i nɔ kɔlkɛsiaa maa laalan pilɛ kon koni co vɛlɛ nɔm nin nuaa ni.

1Timote 5:25

Lende koni, dɛnnda kɛndɛlan bɛɛ, cɔmnɔmndo la cɔmnun ni vakpa, la co yɛ la kɛndɛ le, lan bɛɛ la lo la vianaa le.

1Timote 2:10

kɛ a tosa dɛnnda kɛndɛlan mɛɛ o bɛnda le vanlaandua tuisìn tootoo-a yɛ.

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.

Efɛsea 2:10

Kani Hala toosiaa naa ni, o cɔw naa o Krista nin haliko mi n va dɛnnda kɛndɛlan tosaa, dɛnnda kɛndɛla ndóò tuu paandu pá haliko mi n tosa lan-ndan pɛɛn.

Dɛnnda kiilaa 22:12

Langbanɔɔ pum va lon diolan Ananias, vana óò vo Hala-o a vana va tɔŋndan ndɔlan biyɔɔ-o o yɔŋnun ni, vanaa va Damas-a kpow a va seile ndɔle kɛndɛlen tɛndaa.

Dɛnnda kiilaa 10:22

Má mulul ndu aa: «Kɔrnɛil co simlacinɔ vanaa cɔvaa kɛmɛa-o vem naa ni. Vana sandaa o co ni, o vo Hala-o, Yuifia kpow a co diola ndɔla kɛndɛlan dimio. Mɛlɛkanɔ diandaa Hala-o dimul ndu ni maa nɔm kɔ o ndu lo cɛinin, mò tuei ɲɛ n kɔ va ndu dimul-lo.»

Dɛnnda kiilaa 9:39

Fɔ́ɔ́fɔ̀, mí Piɛr kɔa nda ndaa. Ndóò tiiyaa, má kɔa a ndu cɛinin o cɛi coocoo nin. Mí vanlaandua piaandaa ndaa vi-a kpow a kɔ balu ndu a caŋndo. Má cɔm ndu domalan a ɲɛ-ɲɛ celen Dɔrkas toosiaa lɔ́ɔ́ o va yoomu-o.

Dɛnnda kiilaa 6:3

Lelan, puapilɛa naa, la hɛli vanpiaandua nda ŋɔmmɛw niaa tɛɛn, a nɔ diola kɛndɛlan, mà pia a Hala Kɔl-Diandaa-a, a nɔ kɔlkaloo-a, mì n yɔngun nda baala kon.

Esai 1:17

La pɛɛku le dɛnɛ kɛndɔɔ tosaa, la kindin le dɛnɛ sandaa nuwviaa, la kanda vana nda co saangiaa-o, la tosal vííyo dɛnɛ sandaa, la lɔɔnun ibuŋ le vanalanɔ pɔnɔ ndɔ vi-o.›»

Condii lisai 119:4

Nɔm Mɛlɛka, a cii nɛilan cɔm, la naa n bɛnda mì n kela coo lan.

Tɔŋ lasálàá 25:35

«Te kuɛi tol pɛ puapilɛ niaa coo, mì ɲɛ-ɲɛ luɛi ndu pɛŋnden, la bɛnda mi la mala ndu, haliko mɛɛ o nɔla mò va yoomu niaa ikɛi yɛ. Lende koni niaa bɛnda le tosaa a miallo, te kon te a vana hin icali niaa o bɛngu coo-o ni.

O Kandɔɔ 24:32

O kon, mí langbanɔɔ kɔ luɛi cɛinin ndon. Mí Laban tuisi volɔɔla va ɲɔɔmɛɛa o kɔɔ lan, mó yɔngu nda foeende a bil puiyaa le dioo. Mó soli vɛlɛ mɛnndan le ndu pila a le vanaa va ndu kɔɔli-a pelon pulɔɔ.

O Kandɔɔ 19:2

Mó dimi aa: «A yandi vanaa nia bɛndua, la cɛl mì la kɔ pɛngi o vana niaa baalaa lo cɛinin. La kɔ pulu pelon mì la lɔl lon. Siɔdii idii, la pena hiovɔɔ nɛɛ niaa co kɔlan-nda.» Kɛ má mulul ndu aa: «Mal haki. O bɛɛ co o cieo tɛɛn-ndo naa n co malɔ ni.»

1Timote 5:16

Kɛ te vanalanɔ laalanndo nɔ pɛ vanlaandua piaandaa ndaa vi-a o vanayan ndɔn nin, o bɛnda mò mala nda. O handu vanaa Krista-aa sɔɛi ken coo le, haliko mi vanaa Krista-a kan mala vanaa piaandaa ndaa vi mà lo nda pilɛ-a.

1Timote 3:7

Mɛɛ mì vanaa ceenda tɛnda seile ndɔle kɛndɛlen, yɔŋii o tambu tɔ́ɔ́ mo haw o yaŋɔɔle ɲina vɔɔndo.

O Kandɔɔ 43:24

Mó luei nda niko o Yosɛf lo cɛinin. Mó yɔngu nda mɛnndan le pelon pulɔɔ, mó yɔngu sofɛlɛa ndaa billo le dioo.

1Timote 3:2

Simlacinɔ vanaa laalannda bɛnda mò va vana yaalan too, o bɛnda mò nɔ lanɔɔ ndu pilɛ kpé, mo va vana tosa sɔɔn tùúlen-ndo, vana taasio, vana bii kɔl ndɔɔ-o, mo va vana caa mialla biyɔɔ-o, mo tiwba pɛɛkoo,

Matie 25:17

Mí vana sɔla sianin n'kpungban kɛmɛ lediin-ndo bɛɛ kɔ tosa lende, mó sɔla tɔnɔɔ sianin n'kpungban kɛmɛ lediin lecoo.