1Timote 4:8 - BII BILA

⁸ Kani diallon kindio naŋ, kɛ kon nɔ tɔnɔ bɔɔ le. Siòòŋii Hala-e nɔu o dɛnndan kpow nin hiow naŋɔɔ polon, kani kon yɔngu naa tiindanndo sɔlaa le ceendo ho sunsun a le ceen hunnin-ndo ni.

1Timote 4:8 Referans Kwoze

Matie 6:33

La nuwviaa vɔ fɔlɔn masale Hala len a dɛnɛ sandaa ndɔɔ. O kon, ɲɛm mun kpow n hendulun niaa lecoo.

1Timote 6:6

Nduyɛ i co toɲa maa Hala laalanndo, bolofaa bɛndoo co kon le vanacieo ni, te n hini pɛ kɔl a o naa n nɔ o ba-o.

Talelan 22:4

Vanndo tuisin pɛ, mò nɔ siòòŋii Mɛlɛka-e, o sɔla bolofaa, bɛɛlen a yoomu vilɛiyo.

Talelan 19:23

Vana nɔ pɛ siòòŋii Mɛlɛka-e ndu vannun yoomu. O pim pɛ o hinin, dɛnɛ palaa komal ndu le.

1Nsaŋ 2:25

Ɲɛ o dimi le naa keo-vo co yoomu fɛɛn-fɛɛndo ni.

Marke 10:30

ɲɛla lan kpede la mingulunnin ndu fɔ́ɔ́fɔ̀, kɛmɛlan a kɛmɛlan o ceendo coo nanu: cɛilan, puapilɛa, yemaa, kalla, cuawva a yondolan, yɛle tolaalen bɛɛ. O sɔlanin yoomu fɛɛn-fɛɛndo o ceen co naa laci-o nin.

Condii lisai 37:29

Vanaa sandaa sɔlanin lɛŋnden kɛ́ɔ, mà cal lenin le fɛɛn a fɛɛn.

Condii lisai 37:11

Kɛ vanaa tuisin tootoo-a sɔlanin lɛŋnden kɛ́ɔ, a vannunnin o kɔlɲulu bɛndoo nin.

Hebreea 13:9

La del pɛɛkula súú-súù ka kɔɔli le. Kani o naŋ mì kɔllo sɔla kpaayaa o kɛndɛi Hala-e nin, kɛ o va a tɔŋnda ɲɛdiaa le. La mala vanaa bii lan-nda le lan.

Esai 3:10

La yonda mì la dimul vana sandaa maa o sɔlanin dɛnɛ kɛndɔɔ, bau o dianin kɔmnde dɛnnda ndɔlan tɔnɔ.

Vana Kɔlkaloo 8:12

Vana lahakio nɔla mò tosa dɛnɛ vɔɔndo háá bɛmbɔɔ kɛmɛ, mò viownun yoomu taw. Nuaa ndáà dimi ni aa: ‹Vanaa co Hala bɛɛlen keo-va a vanin o dɛnɛ kɛndɔɔ nin, kani a sinà kpaaya ndɔ lemasaa.

Condii lisai 145:19

O co vanaa nɔ siòòŋii ndɔɛi-ya o nda yeema-o yɔngoo, o co cɛɛŋɔnnda ndalan tuieyɔɔ mo va nda ciindiaa.

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

Dɛnnda cɔɔmuanndan 3:21

Vana nɔlanin-ndo, i kɛsinnin ndu ikɛi o kpɛŋɛ ni lemasaa coo maa mɛɛ ya nɔla, mí n kɔ cal naa Fuɲa nuu o kpɛŋɛ ndɔ lemasaa coo yɛ.

Tite 3:8

Sɔɛi toɲɛi co hee ni. I yeema ma tiinda pelei lecoo ɲɛkɛndɛi, haliko mi vanaa laalan Hala-a yɔngun nda pila, mà va dɛnnda kɛndɛlan tosaa. Dɛnnda naŋ mì la co vannda tɔnɔɔ lueiloo lan.

SƐBƐ YƆB-O 22:2

«Vanacieo nɔla pá mò solul Hala kpekoo? Vanaciee kendu kɔl-lo, ndu pila ka o nɛŋulun makoo ni.

1Samiɛl 15:22

Mí Samiɛl ɲuna aa: «Vɛ̀ɛ̀ o sálàla loamaalan a o sálàla súú celen ndu solullo nin Mɛlɛka hini kɔl ni baa o sɔɛi ndɔɛi biyɔɔ nin? A toɲa, sɔɛi biyɔɔ hiow naŋɔɔ a sálàlan solio, Sɔɛi biyɔɔ co fisa a cɔlua macuɛiya sálàá solio.

Dɛnnda cɔɔmuanndan 3:12

Vana nɔlanin-ndo, i siinguunin ndu sungbulen o Cɛi-Hala nuu nin, o fula lɛnin lɔ́ɔ́-lɔ́ɔ̀ le. I sɛvanin diola Hala nuu a diola kobi Hala nuu, Yerusalɛm sɛnɛi co fula o halataala o Hala nuu lo-o a diola nila sɛnɛilan ndu coo.

1Korɛntea 8:8

O co ɲɛdiaa le tosanin mì n sɔɔnguu Hala ikɛi le, hali mì n di bɛɛ ndu le, n fola ɲɛ-ɲɛ lelan te, n sɔla vɛlɛ ɲɛ-ɲɛ lelan te.

Yeremi 6:20

Kpeku yɛɛ ya nɔ yɛ a ansan co fulaa Saba-o, te kon te a ɲɛm cun kɛndɛn fula o lɛŋii celen nin pɔ́-pɔ́-on? Sálàla loamaala niaalan la hɛnan ya le, sálàla niaalan la nɛŋi ya kɔl te.»

Esai 33:16

Vana súú vaa lendeo ndu calnin o fondala yesalan coo ni, powta kpovala bɛndulan la vanin calta ndɔlan ni, ɲɛdiaa yɔngunin ndu mì mɛnndan ma kennun ndu.

Condii lisai 37:9

Kani vanaa yɔŋ vɔɔnda cuunin, kɛ vanaa tiindan Mɛlɛka-a sɔlanin lɛŋnden kɛ́ɔ.

Rɔmnda 8:28

N sinà maa dɛnndan kpow la co tosanndo le dɛnɛ kɛndɛ vanaa kaola Hala-a, vanaa o veelu mɛɛ tuu ndɔɔ co yɛ-a.

1Korɛntea 3:22

O va Pol, o va Apolɔs, te kon te Piɛr, o va ceendo, o va yoomoo, o va piɔ́mndo, o va ɲɛm n co sunsun-ndon, o va n co hunɔɔ-on, mun kpede le niaa n co ni.

Matie 19:29

Nduyɛ vana-vana mɛi pɛ cɛila ndɔlan, puapilɛa ndɔa, yemaa ndɔa, fuɲa ndɔ, kala ndɔ, laa ndɔ, cuavaa ndɔa, te kon te yondola ndɔlan le diola nilan, ndu sɔlanin o hiow kon polon-ndo. O kon kɔɔli, o sɔlanin yoomu fɛɛn-fɛɛndo.

SƐBƐ YƆB-O 36:11

Taa tuei pɛ mà bii sɔɔn mun, mɛɛ a siownin palɛi ndɛi o dɛnɛ kɛndɔɔ nin, mì vɔsila ndalan la siŋnun vɔsila yeelɛilan.

Matie 12:32

Te vanndo dimi pɛ diomnde vɔɔnnden a Po vanacieo, o malnun haki le ken, kɛ vana-vana solin pɛ diomnde vɔɔnnden o sondo a Hala Kɔl-Diandaa, ò sɔla hakio malɔɔ o lɛŋnden coo nanu le, ò sɔlanin vɛlɛ hakio malɔɔ o ceen co laci-o nin te.»

1Timote 4:7

Kɛ mal talela fondolan, la vanlaandua yuuvɛiya dimi lan ndan, mà kindin ma vo Hala.

1Timote 6:3

te vanndo pɛɛku pɛ vannda pɛɛku celen, mò co ɲɛ pilɛ a sɔɔn diandan Maalii naa Yeesu Krista-on te, mò ve vɛlɛ ɲɛ pilɛ a kpɛɛku naa n nɔ a laalanndo o kɔɔ-o le,

1Timote 6:5

a sɛɛngiannda cuu le lan la fula ni, la vanaa yiyannda ndalan la laasian, a sínà lɛ toɲaa le-a pɛɛn. Vanaa kan a co yiyanndo maa Hala laalanndo yɔngù vana ɲɛ-sɔlaa ni.

2Timote 3:5

A vanin Hala vow a lahɔl, kɛ mà kɛɛ kpaaya Mɛlɛka kpeekpeiyo. Faŋan vanaa vaa lende kɔɔli.

Luke 5:38

Kɛ o bɔlɔla yáwla sɛnɛilan nin vana vow man ni.