1Timote 4:6 - BII BILA

⁶ Taa yɔngu pɛ puapilɛa silalan ndan, mɛɛ a vanin vana baala kɛndɛ Yeesu Krista-o. A dɔawnunnin balo a sɔɔn laalanndon a á pɛɛku toɲaa, o n del kɔɔli ma lo lecoo-o.

1Timote 4:6 Referans Kwoze

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Tite 2:1

Kɛ nɔm yɛ, pɛɛku vannda kaannde sandaalen.

Kolɔsea 4:7

Le o co a sɔɛi nii o kɔɔ-o yɛ, Tisike downunnin niaa kona kpede. Puapilɛ naa naa n kaola taw-vo o co ni, vana baala sɔvɛ Maalii-o a caan ni naa n co vali Maalii-o tosaa latulu-o.

Matie 13:52

Mó dimul nda aa: «Lelan vana sɛvaa latɔŋ kɛ́-kɛ̀ sɔla pɛ pɛɛkoo a masale halataala len o kɔɔ, ndu vel simlacinɔ cɛi soli sɔɔn sɛnɛiyon a n'paandon o bolofaa ndɔɔ nin-ndo.»

Yude 1:5

La sínà sɔɛi ken ɲɛkɛndɛ-kɛndɛ, i yeema mi yiyalan niaa mɛɛ Mɛlɛka baŋa Israɛlla o lɛŋnde Esipte len nin, kɛ mó diw vanaa kɛɛ le ndu laalanndo-a.

2Nsaŋ 1:9

Vana-vana kɔɛnnun pɛ polon, mò lo o pɛɛkuu Krista-o nin te, mɛɛ ndu co latulu nda Hala le. Vana lo pɛ o pɛɛkuu kon coo, ndu nɔ Fuɲaa a Poo.

1Piɛr 2:2

Maa mɛɛ cɛlɛkpɛa yeema mɛɛyan yɛ, la kaola mɛɛma sɔɛi Hala-an lende, haliko mi la hindu, mi la sɔla cindaa,

2Timote 4:3

Kani telen pum co hunɔɔ tiiya, kaannde kpeekpeile Mɛlɛka len le hɛnannin vannda le, kɛ nda pila vanin yeemɛi le ɲɛ hɛnannin nda-o tueyɔɔ o pɛɛkoo.

2Timote 3:10

Kɛ nɔm Timote, a bii pɛɛkula nilan bila, a sínà niinu nuu, a sínà dɛnnda ya tuwnun o kɔltan, laalan nuu, biuvɔn nuu, kaola nuu, a mɛɛ ya sim yili o tiindan nuu coo yɛ,

2Timote 1:6

Lelan i co nɔm yiyalan, mà bii ke n sɔla tuma ya handu nɔm balan coo-o-o ɲɛkɛndɛi.

1Timote 6:3

te vanndo pɛɛku pɛ vannda pɛɛku celen, mò co ɲɛ pilɛ a sɔɔn diandan Maalii naa Yeesu Krista-on te, mò ve vɛlɛ ɲɛ pilɛ a kpɛɛku naa n nɔ a laalanndo o kɔɔ-o le,

1Timote 4:16

Nɔm pila mandan a pɛɛkula n co vannda yɔngoo lan. Lo lecoo, kani taa tosa pɛ lende, nɔm pila sɔlanin cindaa, mà ciindiaa vɛlɛ vanaa co nɔm nilan yaŋɔɔ-a.

1Timote 1:10

le vanaa tosaa dɛnnda nɔɔlɛiya a vanaa co laasianndo-a, le vanaa co yulale n'cɛlen-nda, le vanaa co còòlan dimio-a, le vanaa co mɛɛniannda lacòòvalan-nda a le vanaa-vanaa co pɛɛku toɲaa simullo.

1Tesalonikea 3:2

O kon mí n vim niaa Timote puapilɛ naa, o co baala Hala-o tosaa naa ndaa le vannda Yoongu kɛndɛ Krista-o tiiyallo-o. Mó cɔɔlu niaa kpaayaa luei, mó luei vɛlɛ niaa yoomuan o laalan niaa nin,

Kolɔsea 2:19

A lo a yiinan a Krista le, o co bollen-ndo. Nduyɛ, ndu Krista kon kpeekpei co tosaa ni mì kɔɔle tɔ̀len kpow le va baloo sɔlaa, mì le va le yiw-yiwaalen o boondon, mì la va hindɔɔ mɛɛ Hala yeema yɛ.

Filipea 3:16

Telen naa n tiiya vɔ hoo-o, n kɔnnun diom pilɛ.

Efɛsea 6:21

Tisike, puapilɛ naa naa n kaola taw-vo, o co naa malaa lɔ́ɔ́-lɔ́ɔ̀ o baala Maalii-o nin-ndo cɔmnin niaa sɔɔn nun kpow, haliko mi la sina mɛɛ ya co yɛ.

2Korɛntea 6:4

Kɛ o dɛnndan nin kpow, n co vannda cɔmndo maa vanaa baalaa Hala-a lekɛ́ndɛi naa n co ni: n co sangalan biwnɔnndo taw, sɔɔn imɔnɔn a sɔɔn yɔngu vana buulannda bɛndulan-ndon.

2Korɛntea 3:6

Kani ndu siinguu naa vanaa baalaa kpema sɛnɛiya ni. O co le tɔŋ sɛvanndo le, kɛ le Kɔl-Diandaa. Kani sɛbɛ sɛvaa ndu, diyɔɔ o dii ni, kɛ Kɔl-Diandaa ndu, yoomoo o yɔngu vana ni.

1Korɛntea 4:17

Le hee, i co Timote po ni ya kaola taw-vo vomɔɔ o niaa lo, vana lo o lediom coo a Mɛlɛka-o o co ni. O yiyalannin niaa nɛila ya co kelaa coo o Krista nin-ndan a mɛɛ ya co keiyo pɛɛkoo vanaa laalannda tɛɛn nɛɛ-nɛɛ ka yɛ.

Rɔmnda 15:15

Nduyɛ, mí sɛval niaa ndi kpéŋ-kpéŋ le niaa yiyalanndo le kɛndɛi Hala tosal-la-e,

Dɛnnda kiilaa 20:35

O dɛnndan nin kpow, mí cɔm niaa maa mɛɛ mì vana tosa baalaa le vanaa bala fondoa-a malaa, mì vana loonun a sɔɔn Maalii Yeesu pila dimi-on aa: Vanndo ɲɔɔ keo hiow vana dɛnɛ kɛndɔɔ yɔngoo a vanndo nɔm ɲɔɔ keo.»

Dɛnnda kiilaa 20:31

Lelan, la va lahɔl mì la loonun maa vɔsilan tan yáá co hoo ni, niinoo a lɔan, i va niaa kanalanndo, hali a mɛmɛan o hɔl.

Yeremi 15:16

Mí candu sɔɔn nɔmndon, o kon mí dia mun. N co ya kɔllo nɛŋio, kani le nɔm ya co ni, nɔm Mɛlɛka, Hala-Nɔ-Kpaayaa-Kpow-vo.

Talelan 4:2

Kani sinapɛngu kɛndɔɔ ya co niaa yɔngoo ni, la kɛ́ɛ̀ pɛɛku nuu le.

Condii lisai 19:7

Le cɛn pɛ o halataalaa baa pilɔɔ, le kɔ del o mɛɛlulan baa pilɔɔ, ɲɛ-ɲɛ tiwba hangul ndɔɔ vionnɔnndo le.

Luke 1:3

Lelan, ya vɛlɛ bɛɛ, kabi o kandɔɔ, mí yaasiaa ɲɛ-ɲɛ yɔŋnun ɲɛkɛndɛi, mí ca maa o naŋ mì sɛval nɔm ndan o polalen, nɔm Teofil vana bɛndoo pɛɛn,

Dɛnnda kiilaa 1:15

Paale pilɛ, mí vanaa laalannda cuungian, a va le vannda kɛmɛ bidiin. Mí Piɛr can nda tɛɛn, mó dimi aa:

2Korɛntea 11:23

Hee ndi maa vana seemɛi kpeekpei ya co ndi dimi ni. Vɛ̀ɛ̀ vanaa baalaa Krista-a nda co ni? Ya, i hiow nda o nɛi kon coo, kani i kei o sangalan taw nin mí hiaw nda, a mal-la o kaasoolan taw mí hiaw nda, i sɔla lɔɔ hiovɔɔ o nda sɔla-o. Mbɔ̀ piɔ́mndo bindibindi ya bɔɔ!

Filipea 2:20

Kani i nɔ vana celen te, o buulan dɛnɛ niaa-o, vana nɔ̀ kɔllo lekɛ́ndɛi o sɔɛi niɛi coo-o,

Filipea 2:22

Kani niaa pila sínà mɛɛ Timote lo lediom coo a ya yɛ. Mɛɛ poo va fuɲaa ikɛi le ndu malaa nuaa yɛ, lende o co ya malaa le Yoongu kɛndɔɔ yondaa ni.