1Timote 4:5 - BII BILA

⁵ kani sɔɛi Hala-e a piɛilen le tosà ni mì ɲɔɔn kpow n dendu Hala o hɔl.

1Timote 4:5 Referans Kwoze

1Timote 4:3

Vanaa kan a co vannda pɛɛkoo maa o niŋ mì vana yil lanɔ, te kon te mì vana cal pɔnɔ o ba o nɔ̀u nin te, maa vana dia vɛlɛ ɲɔɔn pum te. Nduyɛ, Hala soli ɲɛm mun haliko mi vanaa laalannda piɛi ndu Hala, mà de mun, mà mel ndu balika, nda vanaa laalaŋaa sina toɲaa-a pɛɛn.

1Korɛntea 7:14

Kani vanapɔnɔ nɔ laalan too sɔɔnguu Hala ikɛi laa ndɔ kɔɔli, mì vana pɔnɔ ndɔ co vana laalan too sɔɔnguu Hala ikɛi laa ndɔ kɔɔli. Kɛ te i yɔŋnun lende le, cuavaa vanaa ŋiɔŋaa kan a siŋnun maa vanaa nɔɔlɛi Hala o hɔl, nduyɛ a diandaa nda co ni.

Luke 4:4

Mí Yeesu mulul ndu aa: «O co o sɛvaa aa: ‹O co ko ɲɛdiaa daama le vanacieo dia mò va yoomu le.›»

Tite 1:15

Ɲɛ-ɲɛ co o diandaa le vanaa diandaa, kɛ ɲɛ-ɲɛ dindu le vanaa co a nɔɔlɛi Mɛlɛka o hɔl, mà kɛɛ laalan nda le, kani kɔlkalu ndaa a yiyan ndaa kpede la dindu le.

Luke 11:41

Lelan, la yɔngu vɔ fɔlɔn ɲɛ co o hɛngɛiyo nin-ndo a ɲííye, o kon mì ɲɛ-ɲɛ dendu le niaa.

O Kandɔɔ 1:31

Mí Hala mɛɛndan ɲɛm o cɔw-von kpow, mó ca maa n naŋ taw. Mí ɲɔɔ yɔŋnun icɔllo a ipalaa. Paale ŋɔmpumndɔlen le yɔŋnun nden ni.

O Kandɔɔ 1:25

Mí Hala toosiaa visia yondoa mɛɛ nda co a súúlan yɛ, mó toosiaa cɔlua cieeninnda mɛɛ nda co a súúlan yɛ, mó toosiaa visia pɔmbɔa kela lɛŋ-nda mɛɛ nda co a súúlan yɛ. Mó ca maa a naŋ.

Hebreea 11:3

N laalàn Hala, lelan naa n bii bila ni maa a Sɔɛi Hala cɔw ceendo ni. O kon mí ɲɛm vana ca-on toosian a kpaaya ɲɛm vana ci le-on.