1Timote 4:4 - BII BILA

⁴ Nduyɛ, ɲɛm Hala cɔw-von kpow n naŋ. O bɛnda mì n kɛɛ mun dio le, haliko sii n mel Hala balika o mun dioo,

1Timote 4:4 Referans Kwoze

Rɔmnda 14:20

Tɛɛmbuu baala Hala-o le ɲɛdiaa le. O toɲaa nin, ɲɛ-ɲɛ fee co o diandaa. Kɛ dɛnɛ vɔɔndo o co le vanacieo ɲɛdiaa pum dioo, mò siŋnun pow boŋaa le vana celen ni.

1Korɛntea 10:25

La dio ɲɛm nda co pisio o lɔ́ɔ́ nin-ndon kpow, kɔlta niaalan la sanga a ɲunaa le,

Rɔmnda 14:14

I laalan maa te vanndo va pɛ o Maalii Yeesu nin, ɲɛ-ɲɛ co o nɔɔlɛi ndu o hɔl te. Kɛ te vana pum yiyan pɛ maa ɲɔɔ pum co o nɔɔlɛiyo, mɛɛ le ndu pila ɲɛ kon co o nɔɔlɛiyo ni.

1Korɛntea 10:23

La co dimio aa: «Dɛnndan kpow la bɛnda le tosaa.» I co toɲa, kɛ o co dɛnndan kpow le la naŋ te. «Dɛnndan kpow la bɛnda le tosaa», kɛ o co dɛnndan kpow le la hivi vana laci o laalanndo nin te.

Dɛnnda kiilaa 21:25

Le vanaa co yɛ N'Yuifi le-a yɛ, a siŋnun vanaa laalannda-a, n co nda sɛbɔɔ sɛval, mì n dimul nda yiyan naa maa o bɛnda mà de visin nda co sálàlan solio o máánndan nin-ndon te, a dia visin cɔlua nda ŋɔw bololan mó vu-o le, maa a mandan vɛlɛ a dɛnɛ suundaa.»

1Timote 4:3

Vanaa kan a co vannda pɛɛkoo maa o niŋ mì vana yil lanɔ, te kon te mì vana cal pɔnɔ o ba o nɔ̀u nin te, maa vana dia vɛlɛ ɲɔɔn pum te. Nduyɛ, Hala soli ɲɛm mun haliko mi vanaa laalannda piɛi ndu Hala, mà de mun, mà mel ndu balika, nda vanaa laalaŋaa sina toɲaa-a pɛɛn.

O Kandɔɔ 1:31

Mí Hala mɛɛndan ɲɛm o cɔw-von kpow, mó ca maa n naŋ taw. Mí ɲɔɔ yɔŋnun icɔllo a ipalaa. Paale ŋɔmpumndɔlen le yɔŋnun nden ni.

Tɔŋ miingua 32:4

Pow kpova bɛndoo Hala co ni, dɛnnda ndɔlan la co la tiuvanndan. Kani nɛila ndɔlan kpede la co lasandaa. Hala lo o lediom coo-o a Hala nɔ lakafa loo o co ni. Hala sandaa a Hala sakpoo o co ni.

Dɛnnda kiilaa 15:29

la dia visin nda co halaa fondoa sálàlan solullo-on te. La dia kooma cɔlua te kon te visin visi nda kundikundi mí koovan ma lo ndu nin-ndo le, la suunda le. Te la kpakpala pɛ dɛnndan ndan kpow, mɛɛ o naŋ. La lɔl kɛndɛ!»

Dɛnnda kiilaa 10:15

Mí diom kon dimul ndu vɛlɛ o diinndɔɔ aa: «Ca ɲɛ Hala cii dindi-o o nɔɔlɛi le.»

Rɔmnda 14:6

Vana co yiyanndo maa palɛi i pum i hiow naŋɔɔ-o, le Maalii bɛɛlen keo o co ndi cɔu lende ni. Vana dia ɲɛ-ɲɛ ka-o bɛɛ, le Maalii ndu co dioo ni, kani o co Hala balikaa mello. Vana di ɲɛ-ɲɛ ka loo bɛɛ, le Maalii o kɛɛ n'pum dioo ni, ndu bɛɛ co Hala balikaa mello.

1Korɛntea 10:26

kani lɛŋnden a ɲɛm co lenin-ndon kpede, Hala nɔ ni.

1Korɛntea 10:30

Te i mel pɛ Hala balika le ɲɛ pum dioo, le yɛɛ mì vannda congu ya o ɲɛ kon dioo?