1Timote 4:3 - BII BILA

³ Vanaa kan a co vannda pɛɛkoo maa o niŋ mì vana yil lanɔ, te kon te mì vana cal pɔnɔ o ba o nɔ̀u nin te, maa vana dia vɛlɛ ɲɔɔn pum te. Nduyɛ, Hala soli ɲɛm mun haliko mi vanaa laalannda piɛi ndu Hala, mà de mun, mà mel ndu balika, nda vanaa laalaŋaa sina toɲaa-a pɛɛn.

1Timote 4:3 Referans Kwoze

1Timote 4:4

Nduyɛ, ɲɛm Hala cɔw-von kpow n naŋ. O bɛnda mì n kɛɛ mun dio le, haliko sii n mel Hala balika o mun dioo,

Hebreea 13:4

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

Rɔmnda 14:6

Vana co yiyanndo maa palɛi i pum i hiow naŋɔɔ-o, le Maalii bɛɛlen keo o co ndi cɔu lende ni. Vana dia ɲɛ-ɲɛ ka-o bɛɛ, le Maalii ndu co dioo ni, kani o co Hala balikaa mello. Vana di ɲɛ-ɲɛ ka loo bɛɛ, le Maalii o kɛɛ n'pum dioo ni, ndu bɛɛ co Hala balikaa mello.

Kolɔsea 2:16

Lelan vana-vana kialu niaa iyama le ɲɛ niaa co dioo-o le, te kon te le o niaa co kolɔɔ-o, le dɛnɛ lakafoo, dɛnɛ paangun sɛnɛiyo a le dɛnɛ palɛi pɛngiaa,

1Korɛntea 8:8

O co ɲɛdiaa le tosanin mì n sɔɔnguu Hala ikɛi le, hali mì n di bɛɛ ndu le, n fola ɲɛ-ɲɛ lelan te, n sɔla vɛlɛ ɲɛ-ɲɛ lelan te.

O Kandɔɔ 9:3

Ɲaa yoomaa co kelaa o lɛŋnden coo-a kpede vanin ɲɛ niaa diaa ni. Mɛɛ ya yɔngu niaa bil kiyɛiyo a yɔmii koamɛi le dioo yɛ, lende koni ya yɔngu vɛlɛ niaa ɲaa yoomaa kan ni.

Kolɔsea 3:17

Ɲɛ-ɲɛ niaa va pɛ dimio, te kon te tosaa, la tosà ndu o diola Maalii Yeesu lan, mì la mel Hala Fuɲaa balika o diola Yeesu lan.

1Korɛntea 7:28

Kɛ taa yil pɛ vanalanɔɔ o nɔ̀u nin, a tosa haki le. Kɛ vanaa cɛlan pɛ le nɔu, sangala co o ceendo coo lan taw la komal nda ni. Nduyɛ, i hɛnan mì la sɔla sangala lan te.

Rɔmnda 14:3

Vana dia ɲɛ-ɲɛ ka-o pɛɛsa vana di ɲɛ-ɲɛ ka loo le, vana di ɲɛ-ɲɛ ka loo bɛɛ kialu vana dia ɲɛ-ɲɛ ka-o iyama le, kani Hala cɛl ndu.

Hebreea 13:9

La del pɛɛkula súú-súù ka kɔɔli le. Kani o naŋ mì kɔllo sɔla kpaayaa o kɛndɛi Hala-e nin, kɛ o va a tɔŋnda ɲɛdiaa le. La mala vanaa bii lan-nda le lan.

1Timote 2:4

o yeema mì vannda kpow a sɔla cindaa, mà bii toɲaa bila.

1Korɛntea 6:13

La co vɛlɛ dimio aa: «Le ɲɛm dian demboo co ni, mì demboo ndu va le ɲɛm dian.» Kɛ nduyɛ, Hala tɛɛmbuunin ndan tan tiɔn kpow. Diallon n co le suunda le, le Mɛlɛka n co ni, mì Mɛlɛka ndu va le diallon.

Rɔmnda 14:17

Kani masale Hala len le co dɛnɛ ɲɛdiaa te kon te dɛnɛ kolaa le, kɛ dɛnɛ sandaa, kɔlɲuloo a ɲaaloo dɔwnɔnndo, o Kɔl-Diandaa yɔngu vana-o.

Matie 15:36

Mó cua bulula ŋɔmmɛwla lan a suvaa kan. Ndóò ciiyo balikaa malɔɔ, mó yimiyimi lan, mó yɔngu kaandeŋaa ndɔa lan, mí nda piɔw vannda lan.

Vana Kɔlkaloo 5:18

Handɔɔ o kon coo, vana-vana Hala ke pɛ bolofaa a ɲɛ-sɔlaa taw, ndu dɔwnun ɲaale o baala ndɔɔ nin. Ó ndɔɔ co kon ni.

Matie 14:19

Mó dimul sɛ́lɔ́ɔ́ le calle o billo coo. Mó cua bulula ŋuɛɛnula lan a suvaa ŋiɔŋaa kan, mó heelu hɔlla o halataala, mó dɔaw duaa. O kon mó yimiyimi buloo, mó yɔngu kaandennda, mí kaandennda piɔw sɛ́lɔ́ɔ́ ndu.

Dɛnnda kiilaa 27:35

Mɛɛ o cii kon dimi, mó cua buloo, mó piɛi Hala nda kpow o hɔl. O kon kɔɔli, mó yimiyimi ndu, mó dia.

Nsaŋ 6:23

Kɛ mí dɛ̀ndɛ̀la celen la fula Tiberiade, mí la hun o fonda Maalii ndóò dɔw buloo duaa mí vannda dia-o ikɛi.

Luke 24:30

Telen Yeesu cal le dioo nda ndaa-o, mó cua buloo, mó dɔaw duaa, mó yimiyimi ndu, mó yɔngu nda.

Daniɛl 11:37

Masa kon nɔnin lebɛɛ le halaa fuɲaa ndɔa mamaa biilu-a le, o nɔnin vɛlɛ lebɛɛ a hala vanlaandua kaola taw-vo le. O vonin vɛlɛ hala celen te, kani o cannunnin maa ndu hiow halaa kpow ni.

1Samiɛl 9:13

La tiiya dɔ́ɔ́ pɛ ciee, la co ndu cɔ. La cua niko kɔlan, mì la suukan a ndu lɔ́ɔ́ pá o hel o fonda-loamaa-lasálàá le ɲɛdiaa dioo. Kani ndu bɛnda ni mo dɔw sálàá duaa lɔ́ɔ́ pá mì vanaa nda veelu-a de ndu.»

Matie 15:11

O co ɲɛ luɛì vanacieo o sondo-o le nɔɔliaa ndu le. Kɛ ɲɛ fulà ndu o sondo-o, ndu nɔɔliaa vana ni.»

1Timote 5:14

Lelan, i yeema mì cuavaa laandua felengia piaandaa ndaa vi-a cal o nɔla celen, mà sɔla cuawva, mà bii yungule ndalen, yɔŋii yaamɔɔa sɔla nɛiyo le sɔɔn vɔɔnndon dimio a naa o kɔɔ.