1Timote 4:16 - BII BILA

¹⁶ Nɔm pila mandan a pɛɛkula n co vannda yɔngoo lan. Lo lecoo, kani taa tosa pɛ lende, nɔm pila sɔlanin cindaa, mà ciindiaa vɛlɛ vanaa co nɔm nilan yaŋɔɔ-a.

1Timote 4:16 Referans Kwoze

Tite 1:9

Mɛɛ mò yiinun a diom Hala kpeekpeiyo mɛɛ o sɔla pɛɛkoo yɛ, haliko mo tiwba vanaa celen yoomuan lueiyo o pɛɛkula toɲalan nin, mò va vanaa sɛɛngiaa mingio o nɛi.

Tite 2:7

Nɔm pila cɔm tɔɔmaseloo o dɛnnda kɛndɛlan tosaa nin, mì pɛɛku nɔmndo dendu, mò va pɛɛku kpeekpeiyo.

1Dɛnnda lemasalan 28:10

Sina nihau maa Mɛlɛka cii nɔm hɛli, haliko ma tangul Cɛiyo, ó vanin Cɛi-Diandaa-o. Luei niko yoomuan mà tosa vallo.»

2Timote 4:2

tiiyal vannda sɔɛi Hala-e. Dimul nda ndi o telenndan kpow bɛngu, o va telen kɛndɛ, o va telen vɔɔn, soo vannda mà cɔm tɛɛmbuulan, mà luei nda yoomuan, mà biwnun, mà biwnun pɛɛkoo lɔ́ɔ́-lɔ́ɔ̀.

Efɛsea 4:14

O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda.

Hebreea 13:9

La del pɛɛkula súú-súù ka kɔɔli le. Kani o naŋ mì kɔllo sɔla kpaayaa o kɛndɛi Hala-e nin, kɛ o va a tɔŋnda ɲɛdiaa le. La mala vanaa bii lan-nda le lan.

Hebreea 12:15

La caa dɛ! Vana-vana fula o kɛndɛi Hala-e bɛngu le. Vana-vana va maa tɔlɔɔ vɔɔn vul o tɔlɔɔ kɛndɔɔ tɛɛn mò tɛɛmbuu ndu-o le.

2Timote 3:14

Nɔm nɔm, sɔɔn n pɛi má laalan mun-ndon, lo mun biyɔɔ tuŋ. A sínà vana n pɛɛku mun o ba-o,

Luke 21:34

«La caa taw! Yɔŋii niaa laasiaa kɔlta niaalan a pululen, a mɔiyan kolɔɔ a á buulannda ceenndan. Bau, paale Po vanacieo hunnin-nden le co tiiya, la venin nden kɔl te.

Esai 55:11

Lende koni sɔɛi fula ya (Mɛlɛka) o sondo-e co ni: sɔɛi nii muungu ya o ibuŋ mì i kɛɛ ɲɛ pum tosa le. Fɔ mì i tosa hɛnan nuu, mí i peelu ɲɛ ya vem ndi le tosaa-o ɲɛkɛndɛi.

1Timote 4:6

Taa yɔngu pɛ puapilɛa silalan ndan, mɛɛ a vanin vana baala kɛndɛ Yeesu Krista-o. A dɔawnunnin balo a sɔɔn laalanndon a á pɛɛku toɲaa, o n del kɔɔli ma lo lecoo-o.

1Timote 1:3

Lɔ́ɔ́ ya va kɔlan Maseduan-ndo, mí sila nɔm le lou Efɛs, haliko ma kpaa vanaa pum, mà pɛngi pɛɛkula lacòòvalan yɔngoo.

Rɔmnda 16:17

Puapilɛa nia, i co niaa sila, la mandan a vanaa luei piɔvianndo o kundaa tɛɛn-nda, a luei kan vannda o pɔwlan nin a pɛɛku niaa sɔla-o o kɔɔ-a pɛɛn. La faŋan nda kɔɔli few.

2Timote 2:10

Lelan i co dɛnndan kpow biuvɔn le dɛnɛ kɛndɛ vanaa Hala hɛli-a, haliko mi nda bɛɛ sɔla cindaa, o fula Yeesu Krista o ba-o, mà sɔla vɛlɛ biilu fɛɛn-fɛɛndo.

1Korɛntea 9:27

Kɛ i co dialun nun yɛlen tollo, mì va sangaa handɔɔ coo, yɔŋii ya cii caanda pɛɛku mì ya pila del.

Dɛnnda kiilaa 6:4

Naa naa, n hiawnin laci a Hala piɛiyo mì n va sɔɛi Hala-e dimio.»

Marke 13:9

La caa le niaa pila. A kɔanin a niaa o fondala kialaa n'yamalan, mà lɔɔ niaa o cɛila lekaanndan nin. A kɔanin a niaa o masaa n'bungaa lo a o masaa bɛndua lo le ya, mì la kɔ soli seilen nda o hɔl.

Yeremi 23:22

Te ndáà va pɛ nɛɛ ya va sɔɛi-ya, a va vanaa nia sɔɔn ya dimi-on tɛɛngul, mì ndáà faŋa nda o nɛi nda vɔɔndo coo, mì ndáà mal dɛnnda vɔɔnnda nda co tosaa lan.»

Nsaki 5:20

mɛɛ o sina pɛngu maa vana pum co, o mìngì vana lahakio o nɛi, mò faŋa ndu o pɔwlan nin-ndo. Ndu baŋa yoomoo o piɔ́mndo hɔl-ndɔ ni, mó kumbu hakila bɔɔ-bɔɔ, mí la ɲum.

Tite 2:15

Dɛnnda n bɛnda ma pɛɛku vannda lan la co laan ni. Luei nda yoomuan mà soo nda a kpaayaa. Cɛ̀l mì vana-vana kelun nɔm yii le.

Kolɔsea 4:17

La dimul Arsipe le hɔlla landɔɔ o vali o sɔla Maalii o ba-o coo, o tosá ndu ɲɛkɛndɛi.

1Korɛntea 9:22

Mí siingun vana nɔ mayoomu loo vanaa yoomuma lepɛŋnda tɛɛn le nda sɔlaa. Mí cɛl dɛnnda vannda kpow haliko mi yáà kei o nɛi oo nɛi coo le vanaa pum ciindiaa.

Rɔmnda 11:14

I nɔ kɔlkɛsiaa maa te i dimi pɛ lende, ken co kɔl paŋalaa luei vanaa naa n co súú pilɔɔ-a nin, o kon mì vanaa pum a sɔla cindaa.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

Dɛnnda kiilaa 26:22

Kɛ háá paalen nden hau, Hala nɔ ya baa coo tuŋ. I co vɔ nanu le vannda kpede seilen nden tɛndallo, cuaambɔa a kaasonnda. I co ɲɛ-ɲɛ celen dimi le, mɛɛ ɲɛ vanaa-tɛɛngaa-diom Hala-a dimio a ɲɛ Moise dimi maa o co hunɔɔ tosanndo kínɛí.

2Dɛnnda lemasalan 19:6

Mó dimul nda aa: «La tosa baalaa mɛɛ o bɛnda yɛ, kani o co le n'vanndaciee le niaa kialunin yaman te, kɛ le Mɛlɛka niaa. Telen oo telen niaa va pɛ yamɛi kiolɔɔ, ndu pila vanin niaa ikɛi.

Filemɔn 1:19

Ya Pol, ya pila co nɔm diomndan ndan sɛval-lo nuaa ni: i mingulnin nɔm. Sínà maa hali mì i yiyalan nɔm bɛɛ le, mɛɛ mà yɔngu ya yoomu nɔmndo.

1Tesalonikea 2:16

A va kindinndo mì ndáà kuuna naa vanaa co N'Yuifi le-a sɔɛi Hala-e tiiyallo, yɔŋii ndáà sɔla cindaa. Lende nda lo hakilan dengelaa o hakilan coo ni. Kɛ mí kɔltuw Hala-o toal nda coo o mɛɛlulan.

Fulaa 23:13

La bɛnda mì la bii sɔɔn ya dimul niaa-on kpow. La sooluu halaa celen te, la pial bɛɛ nda diolan te.»

1Korɛntea 1:21

Le mɛɛ ceendo a kɔlkalu ndɔɔ siná Hala o kɔlkalu ndu Hala-o nin te yɛ, mí ɲɔɔ hɛnan Hala le vanaa laalannda ciindiaa a sɔɛi ndɔɛi vannda co ken cɔu diɔmnde-e.

1Timote 4:15

Kindin mì nɔm pila yɔngun kpow o baala kon nin, o kon mì vannda kpede a ce mɛɛ n co hiovɔɔ laci yɛ.