1Timote 4:15 - BII BILA

¹⁵ Kindin mì nɔm pila yɔngun kpow o baala kon nin, o kon mì vannda kpede a ce mɛɛ n co hiovɔɔ laci yɛ.

1Timote 4:15 Referans Kwoze

Matie 5:16

Ɲɛ-tengaa niaa bɛnda mò tenga lende vannda o hɔl, haliko ma ce dɛnnda niaala kɛndɛlan, o kon mà biilu fuɲa niaa co o halataala-o.»

Condii lisai 143:5

I co yiyanndo a sindɛ o kɔɔ, i co loonɔnndo a dɛnnda n tosa lan kpow o kɔɔ, i co kɔllo keela o dɛnnda n tosa a laba lan coo.

Condii lisai 104:34

Màá o cɛl piɛile nilen! Ya, i yeema mì dɔwnun ɲaale o Mɛlɛka nin.

Dɛnnda kiilaa 6:4

Naa naa, n hiawnin laci a Hala piɛiyo mì n va sɔɛi Hala-e dimio.»

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Condii lisai 119:97

Àá! I kaola bɔɔ tɔŋ nɔmndo, niinoo kpɛŋ, i co ndu kɔllo keelaa coo.

Yosue 1:8

Sɛbɛ tɔŋndo ho kɔa sondo nɔmndo levil te, va ndu dimio a kɔllo keelaa lecoo idii a icɔl, haliko ma bii sɔɔn co n'sɛvaa lenin-ndon kpow. Kon tosanin ni mì tuula nɔmndan kpow la bɛnda nɔm o ba.

1Timote 4:6

Taa yɔngu pɛ puapilɛa silalan ndan, mɛɛ a vanin vana baala kɛndɛ Yeesu Krista-o. A dɔawnunnin balo a sɔɔn laalanndon a á pɛɛku toɲaa, o n del kɔɔli ma lo lecoo-o.

Condii lisai 119:148

Lɔ́ɔ́ pá mi ɲɔɔ tenga, i kumbi hɔlla le kɔllo keeliaa o pɛɛkula nɔmndan coo.

Condii lisai 119:99

I hiow vanaa co ya pɛɛkoo-a sɔɔn sinaa, kani i co kɔllo keelaa o tɔŋnda nɔmndan coo.

Condii lisai 119:48

I co piɛilen bala heelaa, i yeema mì keela kɔllo o hɛnan nɔmndo coo.

Condii lisai 119:15

I co kɔllo keeliaa o silala nɔmndan coo, mì va kelaa o nɛila tɔŋ nɔm kon co ya cɔmndo lan coo.

2Korɛntea 8:5

Nda pila fɔlɔn aa yɔngun Mɛlɛka ni, o kon kɔɔli má yɔngun le naa o kɛndɛi Hala-e bɛngu.

Condii lisai 105:5

Niaa fula o polale Abraham, vana baala ndɔɔ len nin-nda, niaa poaa Yakɔb, vana o hɛli-o-a, la loonun dɛnnda kaamaala o tosa lan, mì la yiyan dɛnnda kɔndɔfilta ndɔlan a yaman fula ndu o sondo-on.

Condii lisai 49:3

Niaa vanaa pɔmbɔa a niaa vanaa bɛndua, nia vanaa bolofaa a niaa vanaa bala fondoa kpow, la yaŋnun!

Condii lisai 19:14

Kanda ya a vanaa yongaa. Cɛ̀l mà tiw ya ba le. O kon, ì sandu, yɔŋii ya tosa haki vɔɔn-vɔɔndo.

1Korɛntea 16:15

Puapilɛa nia, la sínà maa yungu Stefanas-o yɔŋnun vanaa laalaŋa tasea Akaii ni, má va vanaa diandaa baalaa tosallo. Lelan i co niaa yoomuan luei,

Condii lisai 119:23

Simlacia cal bɛɛ nɛɛ pilɛ le ya dúmbóó yiiyo, ya vana baala nɔmndo, i co kɔllo keelaa o hɛnan nɔmndo coo.

Condii lisai 77:12

Mɛlɛka, i yiyannin dɛnnda nɔmnda n tosa lan, a toɲa, i yiyannin vɛlɛ dɛnnda kɔndɔfilta n tosa sindɛ lan.

Condii lisai 63:6

Kɔl nuu pumnin dɛnɛ kɛndɔɔ mɛɛ vana pum balo kɛndɔɔ nuaa yɛ. I yondanin a ɲaaloo mì solul nɔm condon.

Condii lisai 1:2

Kɛ o dɔawnun ɲaale o tɔŋ Mɛlɛka-o nin-ndo, o keela kɔllo lecoo paalen a ɲumndan-ndo.

2Korɛntea 4:14

Kani n sínà maa Hala mingi Maalii Yeesu yoomu fulaa vanvílɛ́iya tɛɛn. O minginin naa vɛlɛ yoomu naa Yeesu-a, o kon kɔɔli mò kɔɛ a naa kpow o ndu lo.

1Timote 4:14

Kialun ke Hala ke nɔm-ndo yii le, o n sɔla lɔ́ɔ́ vanaa-tɛɛngaa-diom Hala-a a vanaa bɛndua vanaa Hala-a a handu nɔm balan coo-o.

1Timote 4:16

Nɔm pila mandan a pɛɛkula n co vannda yɔngoo lan. Lo lecoo, kani taa tosa pɛ lende, nɔm pila sɔlanin cindaa, mà ciindiaa vɛlɛ vanaa co nɔm nilan yaŋɔɔ-a.

Kundalan 8:26

A bɛnda mà mala vanaa tɔ̀a co vali pilɛ kon tosaa-a vallo o cɛi-kola-toandaa-labɔɔŋianndo nin, kɛ nda pila nɔ lɛnin vali vana kelu ilal te. Sɔɔn n bɛnda ma tosa a vali yɔngun leviia-o o kɔɔ-on co mun ni.»