1Timote 4:13 - BII BILA

¹³ Lɔ́ɔ́ pá ya hun, kindin mà va sɔɛi-Hala-e dimio vannda o hɔl, mà va nda silaa, mà va nda pɛɛkoo.

1Timote 4:13 Referans Kwoze

Dɛnnda kiilaa 6:4

Naa naa, n hiawnin laci a Hala piɛiyo mì n va sɔɛi Hala-e dimio.»

Tite 2:15

Dɛnnda n bɛnda ma pɛɛku vannda lan la co laan ni. Luei nda yoomuan mà soo nda a kpaayaa. Cɛ̀l mì vana-vana kelun nɔm yii le.

2Timote 4:2

tiiyal vannda sɔɛi Hala-e. Dimul nda ndi o telenndan kpow bɛngu, o va telen kɛndɛ, o va telen vɔɔn, soo vannda mà cɔm tɛɛmbuulan, mà luei nda yoomuan, mà biwnun, mà biwnun pɛɛkoo lɔ́ɔ́-lɔ́ɔ̀.

1Timote 4:16

Nɔm pila mandan a pɛɛkula n co vannda yɔngoo lan. Lo lecoo, kani taa tosa pɛ lende, nɔm pila sɔlanin cindaa, mà ciindiaa vɛlɛ vanaa co nɔm nilan yaŋɔɔ-a.

1Timote 4:6

Taa yɔngu pɛ puapilɛa silalan ndan, mɛɛ a vanin vana baala kɛndɛ Yeesu Krista-o. A dɔawnunnin balo a sɔɔn laalanndon a á pɛɛku toɲaa, o n del kɔɔli ma lo lecoo-o.

Dɛnnda kiilaa 17:11

Mí Yuifia va Beeree-a bii nda ɲɛkɛndɛi hiovɔɔ biyɔɔ haa Tesalonike a bii nda-o coo. Má cɛl sɔɛi Hala-e a kɔlta ndalan kpede. Lepalaa-lepala, a va Sɛbɛ Hala-o yaasiaa le sinaa te toɲaa sɔɔn Pol va dimi-on co ni.

Nsaŋ 5:39

La co O-Sɛvanndo yaasiaa ɲɛkɛndɛi, kani la yiyan maa lenin niaa sɔlanin cinda fɛɛn-fɛɛndo ni. O-sɛvan kon-ndo kpeekpei co seile nilen timbio ni.

Yosue 1:8

Sɛbɛ tɔŋndo ho kɔa sondo nɔmndo levil te, va ndu dimio a kɔllo keelaa lecoo idii a icɔl, haliko ma bii sɔɔn co n'sɛvaa lenin-ndon kpow. Kon tosanin ni mì tuula nɔmndan kpow la bɛnda nɔm o ba.

Tɔŋ miingua 17:19

Tɔŋ o sɛvanin kon-ndo bɛnda mò kɔɛ ndu levil te, o bɛnda mò va ndu dimio lepalaa-lapala o ceen ndɔɔ nin, haliko mo nɔ siòòŋii Mɛlɛka Hala ndɔɔ, mò bii tɔŋ kon, mò kela o silala lan kpow coo.

1Korɛntea 14:26

Puapilɛa nia, vɛ̀ɛ̀ vana tosa yɛ niko? Te la cuungian pɛ, mì vana pum nɔ le condei solio, mì o pum nɔ pɛɛkoo le yɔngoo, mì o pum nɔ dɛnɛ cɔɔmun ndu-o, mì o pum nɔ yoongoo le dimio o sɔɛi mangalɛi celen nin, te kon te mì o pum ndu nɔ sɔɛi pum le tɛɛsiaa, kon kpow bɛnda mò tosan le vanaa laalannda yoomuan lueiyo.

1Korɛntea 14:3

Kɛ vana-vana tɛɛngul pɛ vanndacieea diom Hala-o, ndu hivi nda laci o laalanndo nin, o luei nda yoomuan, o ɲɔɔlu nda.

1Korɛntea 14:6

Puapilɛa nia, te i kɔɛ pɛ o niaa lo, mì kɔ soo o sɔɔn mangalan celen nin, yɛɛ kon nɛŋul-lɛnin niaa? Kon nɛŋul niaa ɲɛ-ɲɛ le, mɛɛ mì tɛɛngul niaa sɔɛi cɔmnun-nde, te kon te dɛnɛ sinaa, te kon te mì tɛɛngul niaa diom Hala-o, te kon te vɛlɛ mì pɛɛku niaa?

Rɔmnda 12:8

Vana nɔ vallo le vannda yoomuan lueiyo-o, ndu luei vannda yoomuan. Vana nɔ vallo le kɛndɛi tosaa-o, ndu tosa kɛndɛi. Vana nɔ vllo le vannda simndan lacio, ndu tosa baala kon a dialun fulan, mì vana nɔ vallo le vannda ɲííye tuinɔnndo-o ndu tuinun vannda iɲíí a kɔlkɛndɔɔ.

2Timote 3:15

a sínà vɛlɛ mɛɛ n loonun sɛbɛ Hala-o cɔn o cuaambɔyɛi nɔmnde nin yɛ. Kon nɔla mo ke nɔm kɔlkaloo haliko ma sɔla laalan yɔngunin nɔm cindaa sɔlaa o Yeesu Krista nin-ndo.