1Timote 4:10 - BII BILA

¹⁰ Lelan, te n co pɛ baalaa mì n va sangaa taw, le tùú naa n tiindan Hala nɔ yoomoo o ba-o ni, o co vana ciindiaa le vannda kpow-vo, kɛ taama-taama vanaa laalannda.

1Timote 4:10 Referans Kwoze

1Timote 2:4

o yeema mì vannda kpow a sɔla cindaa, mà bii toɲaa bila.

1Nsaŋ 2:2

Kani ndu pila solin sálà le hakila naalan faŋaa ni. O co ka le la naalan te, kɛ le la ceendo kpede.

1Timote 2:6

Ndu yɔngun ndu pila le vannda kpow baŋaa ni. Mí seile len le fula o telen bɛnda-o.

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

1Nsaŋ 4:14

Naa yɛ, cɔu naa n ce ni, mí n va seilen timbio maa Pua vem Poo ni, mò va vana ciindiaa le ceendo kpede.

Nsaŋ 4:42

má va cuaa dimullo aa: «O co lɛ le ɲɛ n dimul naa-o le naa n laalan te, kani naa pila n tuei, nduyɛ n sina maa ndu co Vana ciindiaa ceendo lekɛ́ndɛi ni.»

Nsaŋ 5:24

Mí Yeesu hiaw laci a nda dimullo aa: «I co niaa toɲaa dimul kpendekele, vana-vana tuei pɛ sɔɛi nii mò laalan vana vem ya-o, vana kon ndu sɔla cinda fɛɛn-fɛɛndo, o sɔla yaala le, kɛ o fula o piɔ́mndo nin, mó muungu yoomu.

Condii lisai 84:12

Kani paalen a kɔ̀ɔ̀ cɔwvo Hala co ni, o co naa kɛndɛi tosal-lo mo va naa bɛɛlen keo. O kɛɛ le vanaa co kelaa o nɛila ndɔlan coo-a dɛnɛ kɛndɔɔ tosal-lo le.

Hebreea 13:13

Mɛɛ n kɔnnun o ndu lo o dɔ́ɔ́ngɔ́ɔ̀ kɔɔli, mì n cɛlnun sɔɔlɛmaa maa ndu.

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

Condii lisai 118:8

Mɛlɛka yɔngɔnndo co fisa a vanacieo tiindanndo.

Condii lisai 52:8

Vanaa sandaa canin dɛnɛ kon, mà siòònde bii nda. À mamnin nɔm aa:

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

Hebreea 11:26

Mó ca maa sangaa sɔlaa le Krista co fisa a bolofaa Esipte. Kani vɔ̀ngɔ́ va ndu laci-o caando va cɔu ni.

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.

1Timote 3:15

kɛ te i yala lakɔ le, sɛbɔɔ ho malanin nɔm pɔɔ le sinaa mɛɛ vannda bɛnda mà va kelaa o Cɛi-Hala-o nin yɛ, vanaa laalaŋaa Hala nɔ yoomoo o ba-o-a pɛɛn, nduyɛ nda co sungbulen a tiindan toɲaa ni.

Matie 27:43

Hala o tiindan ni, te Hala yeema pɛ ndu, mɛɛ o baŋa vɔ ndu niko. Kani o dimi maa Po Hala-o o co ni.»

Nahum 1:7

Mɛlɛka naŋ bɔɔ! Ndu co nɛɛ viannanda o palɛi dɛnɛ palai nin ni. O nɔ hɔlten vanaa viannun ndu o ba bɛngu-a kpede coo,

Daniɛl 3:28

Mí Nebukanɛsar heelu diomndo, mó dimi aa: «Biiloo co le Hala Sadrak, Mesak a Abɛd-Neko-o! Ndu vem mɛlɛkanɔ ndɔɔ ni mó hun baŋa vanaa ndɔa baalaa, a kɛsi ndu kɔllo coo má kɛɛ diom masaa biyɔɔ-a pɛɛn. A cɛl le sangaa sɔlaa haliko a sooluu hala celen o Hala ndaa kɔɔli le-a.

Yeremi 17:7

Kɛ duaa co le vana kalifan ya Mɛlɛka-o, ò ya Mɛlɛka co kɔlkɛsiaa ndɔɔ-o pɛɛn!

Esai 50:10

O niaa tɛɛn, vana-vana nɔ pɛ siòòŋii Mɛlɛka-e, mɛɛ o yaŋ nilan o diom vana baala ndu Mɛlɛka-o! Vana-vana co kelaa o ɲumndan nin mì ɲɛ-tengaa va ndu pɛŋnden, mɛɛ vana kon kɔngan diola Mɛlɛka lan, mò tiindan Hala ndɔɔ!

Condii lisai 107:2

Niaa vanaa o baŋa-a, la dimi lende, niaa vanaa o baŋa yaamɔɔa o ba-a,

Condii lisai 37:40

Mɛlɛka co nda malaa, o co nda baŋaa. O co nda hiɔlɔɔ vanaa kɔlvesɛiya o ba. O co nda ciindiaa le tùú nda vennun ndu o ba bɛngu-o.

Condii lisai 36:6

Mɛlɛka, vanakɛndɛyɛi nɔmnde co o halataala, Kaola nɔmndo tiiya coocoo di.

Matie 16:16

Mí Simɔn Piɛr muli aa: «Nɔm co Krista ni, Po Hala kiyɛiyo.»

1Korɛntea 15:10

Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.

2Korɛntea 1:10

Ndu baŋa naa ni, nduyɛ o baŋanin naa o piɔ́m vaa lende sondoo. A toɲa, n nɔ tiindanndo maa o baŋanin naa vɛlɛ.

1Timote 2:3

Ɲɛ naŋ mo hɛnan Hala vana ciindiaa naa-o co kon ni,