1Timote 3:6 - BII BILA

⁶ O va vana laalan sɛnɛi-yo le, yɔŋii yongaa piɔ ndu nin, mò sɔla yaalaa maa mɛɛ ɲina vɔɔndo sɔla yaalaa yɛ.

1Timote 3:6 Referans Kwoze

1Timote 6:4

mɛɛ yongaa pɛ ndu lende nin ni, o sínà ɲɛ-ɲɛ le. Yeemɛi o nɔ lende le sɛɛngianndan a le diomndan hiŋanndo o sɔɔn pum coo ni. Nduyɛ o kon nin paŋalianndan, sɛɛngianndan, yeowlan, sɔɔn vɔɔnndon tuuvo

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

1Piɛr 2:2

Maa mɛɛ cɛlɛkpɛa yeema mɛɛyan yɛ, la kaola mɛɛma sɔɛi Hala-an lende, haliko mi la hindu, mi la sɔla cindaa,

2Korɛntea 12:7

Kɛ nduyɛ, yɔŋii yongaa piɔ ya nin ca le kaamaala bɛndula ya ce o vunduan nin-ndan, mí sɔla sangaa o falon nin taw vana ca ko aa mɛlɛkanɔ Setana-o hun lɔɔ ya le ya kuunaa yɔŋii yongaa piɔ ya o n'dial ni.

1Korɛntea 8:1

Le visin nda co piɔmnda sálàlan solullo-on yɛ, muli ndɔɔ co hoo ni. I co toɲa maa «Naa kpow n sínà dɛnɛ» maa mɛɛ niaa co dimio yɛ. Kɛ nduyɛ, kuundianndo dɛnɛ sinaa yɔngu vana ni. Kaolaa yɛ, diom pilɔɔ o luei vannda tɛɛn ni.

1Korɛntea 3:1

Puapilɛa nia, yáà tiwba sɔɛi niaa o lani maa vanaa Hala Kɔl-Diandaa co nin-nda le, kɛ mí soaa maa mɛɛ ya soaa vanaa ceenda o lani yɛ, mɛɛ ya dimul vanaa sɔla laalanndo sɛnɛi o Krista nin-nda sɔɔn yɛ.

Esai 2:12

Kani Mɛlɛka-Nɔ-Kpaayaa-Kpow-vo nɔ paalen le vanaa kuundiannda, vanaa heelannda a le vanaa co cuannɔnndo-a cɔlɔbaa haliko ma tuisin tootoo,

Talelan 29:23

Yongaa hun a siɛmbulan ni, kɛ kɔl tuisianndo tosà mì sɔla biiloo.

Talelan 18:12

Yongaa pɛ̀ pɛ vanacieo o kɔl, mɛɛ delɔɔ ndɔɔ tiiya. Kɛ tuisinndo hun a heeloo sɔlaa ni.

2Dɛnnda lemasalan 32:25

Kɛ Esekia yɔŋnun vana sinaa ikɛndɛ le dɛnɛ kɛndɛ ndóò sɔla Mɛlɛka o ba-o le, kani mí kɔl yongaa luɛi ndu nin. O kon mí kɔltuw Mɛlɛka-o toal ndu pila coo, Yudaa coo a Yerusalɛmnda coo.

2Dɛnnda lemasalan 26:16

Kɛ mɛɛ Osias sɔla kon kpaayaa lende, mí yongaa luɛi ndu o kɔl, mó mulul Mɛlɛka Hala ndɔɔ kɔɔ. Paale pilɛ, mó luɛi o Cɛi-Mɛlɛka-o nin le sálàla cuɛima cun kɛndɛlan lomɔɔ o fonda-loamaa-lasálàá coo.

2Masaa 14:10

Le tùú n nɔla Edɔmnda-o n heelu hɔlla nuaa ni nɛ? Cal o nɔm ndo ma kuundian mɛɛ n yeema yɛ. Le yɛɛ n yeema yɛ le dɛnɛ palaa tuisio nɔm pila a vanaa cɔwva Yuda coo?»

Tɔŋ miingua 17:20

Kon tosan pɛ, o kuundiannin mo cennun maa o hiow puapilɛa ndɔa le, o túndùnin tɔŋndo o ba kɛndɛ coo, te kon te o ba mɛl coo le. O kon, ndu pila a cuavaa ndɔa a viow o masalen coo o lɛŋnde Israɛl-ten nin taw.»

Tɔŋ miingua 8:14

fɔ mì la mandan, yɔŋii niaa luɛi yongaa mì la pɔɛɛnun Mɛlɛka Hala niaa. Nduyɛ, Hala kon soli niaa Esipte nɛɛ niaa va o cɛlen nin-nda ni.

Yude 1:6

La yiyan-ndɔ sɔɛi mɛlɛkaa cɛl le lou o fonda ndaa le-a, kɛ má faŋan o calta ndalan, mí Hala bii nda o yɔlɔn le fɛɛn a fɛɛn. A co cumndo o ɲumma bɛnduan nin le paale bɛndule yamɛi kialunnin-nden.

2Piɛr 2:4

Kani Hala mɛi mɛlɛkaa tosa hakio-a lon te, kɛ mó ɲindu nda o soonnda maɲumndan nin, nɛɛ nda co a mandaa le telen kialaa iyamaa-a.

2Timote 3:4

Vanaa tosà yalalen-nda a vanaa tosà hɛnan ndaa-a. A vanin vanaa hɔlaa heelaa bɛndu. A kaolanin ɲaale ceendo hiovɔɔ Hala coo.

Luke 10:18

Mí Yeesu dimul nda aa: «I ce Setana delɔɔ fulaa o halataala maa piɔɔ-volia.

1Timote 3:7

Mɛɛ mì vanaa ceenda tɛnda seile ndɔle kɛndɛlen, yɔŋii o tambu tɔ́ɔ́ mo haw o yaŋɔɔle ɲina vɔɔndo.

Daniɛl 11:12

O puusiaanin nda, mò kuundian taw le vanaa sɛ́lɛ́a o tɛɛmbuunin kan-nda, kɛ o lonin o nɔla kon coo le.