1Timote 3:16 - BII BILA

¹⁶ A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

1Timote 3:16 Referans Kwoze

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Marke 16:19

Yeesu ciiyo nda sɔɔn mun dimullo, mó hel o halataala, mó kɔ cal Hala o ba kɛndɔɔ coo.

Rɔmnda 16:25

N candun Hala! Ó nɔ kpaayaa le niaa yoomuan lueiyo o laalanndo nin-ndo, maa mɛɛ Yoongu kɛndɛ ya cuu niaa-o a sɔɛi Yeesu Krista ya tiiyal niaa-e co yɛ, a mɛɛ sɔɛi vianaŋii naa n sɔla Hala o ba-e i co yɛ. O Yoongu kɛndɛ kon nin Hala co kaamaa co o viannanndo kabi masindɛ-o cɔmndo ni.

Luke 24:4

A lo kɔltan keeliaa, mí vanpiaandua nda ŋiɔn a cɔmnun nda o lepilɔɔ a volɔɔla ŋɛlɛŋi-ŋɛlɛŋilan lekɔɔ.

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

1Nsaŋ 1:2

kani cindaa cɔmnun, mí n ca ndu. A ndu o kɔɔ naa n co seilen tɛndaa ni, a cinda fɛɛn-fɛɛndo o kɔɔ naa n co sɔɛi ni, o va Pua ikɛi mó cɔmnun naa-o pɛɛn.

1Piɛr 3:22

Yeesu hel o halataala mó kɔ cal Hala o ba kɛndɔɔ coo-o pɛɛn, o nɔ̀ mɛlɛkaa, masɛi a kpaayalan kpow ndu o ba bɛngu-o.

1Piɛr 1:12

Mí Hala cɔm vanaa-tɛɛngaa-diom Hala-a maa yoongu nda va tɛɛnguo-o ve le nda pila le, kɛ le niaa. Yoongu kon vanaa hiviaa Yoongu kɛndɔɔ a tiiyal niaa nihau nuaa ni, má dimi ndu a kpaaya Hala Kɔl-Diandaa fula o halataala-o. Hali mɛlɛkaa bɛɛ a yeema mà sina sɔɛi ken.

Esai 9:6

Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»

Kolɔsea 2:2

haliko ma sɔla yoomuan, mà va diom pilɛ o kaolianndo nin, mà sɔla laalan kɔlkalu kpeekpeiyo. O kon mà sínà dɛnɛ viannan Hala-o, Krista pɛɛn.

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

Kolɔsea 1:6

Mí Yoongu Kɛndɛ kon tiiya o niaa lo. Mɛɛ o co yoomuan sɔlaa mò va hiovɔɔ laci o ceendo nin yɛ, lende koni o co niaa tɛɛn kabi paale niaa tuei, mí la sínà kɛndɛi Hala-e a toɲaa ni.

Luke 22:43

O kon, mí mɛlɛkanɔɔ fula o halataala le ndu yoomuan lueiyo.

Matie 3:16

Yeesu sɔlaa yinɔɔ, mó fula o mɛnndan nin. Fɔ́ɔ́fɔ̀, mí halataalaa kumbin, mó ca Kɔl Hala-o tolɔɔ maa kangbo, mó cal ndu coo.

1Nsaŋ 3:5

Nduyɛ la sínà maa le hakilan faŋaa Maalii fula ni, haki co o ndu nin te.

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

1Timote 3:9

mà va vanaa bii sɔɛi toɲa kpeekpeiye a laalanndo a á yiyan kɛndɔɔ-a.

Nsaŋ 20:12

Mó ca mɛlɛkaa nda ŋiɔn, volɔɔla humbulan la va nda lekɔɔ, a va icali o fonda ndáà kɛsi dialun Yeesu-on-ndo. O pilɛ o fonda bollen le va-o, o pilɔɔ o fonda pelon va-o.

Matie 1:23

«Cuaambɔ lembu sina vɔ dɛnɛ vanapɔnɔ loo cuanin folio, mò velu hɔ́ɔ́ piaandoo, mà ke ndu diolan aa Emmanuɛl», kɔlɔ ndɔɔ co ni aa: «Hala co naa ikɛi».

Dɛnnda cɔɔmuanndan 7:9

O kon kɔɔli, mí tofa, mí ca sɛ́lɛ́ bɛndu vanaa nɔla cɔm too, fulaa o lɛŋnde kpow nin, o polan kpow nin, o vannda súúlan kpow nin a o vanaa-mangalaa-isɔɔa súúlan kpow nin. A va isisi o kpɛŋɛ lemasaa hɔl-ndɔ a Saa téndóó laci, domala bɛndula humbulan la va nda lekɔɔ, mí siɔ̀ɔ́lan la va nda o laba.

1Piɛr 1:20

Mó sɔla hɛlio lɔ́ɔ́ pá mí ceendo cɔawnun, mó fula ceen vakpa o palɛi mɛɛlɛi he le dɛnɛ niaa kɛndɔɔ.

Hebreea 7:7

Nduyɛ, vana-vana sina maa vana dɔaw vanndo duaa-o, ndu hiow a vana o dɔw kon duaa-o.

Efɛsea 6:19

La piɛi vɛlɛ Hala le ya, haliko te i va pɛ sɔɛi, mò ke ya diomnda bɛnda lan, mì soo a kɔlkɛsiaa, mì cɔm vannda sɔɛi vianaŋii co o Yoongu kɛndɔɔ nin-nde.

Efɛsea 1:9

O cɔm naa sɔɛi vianaŋii ndóò yeema le tosaa-e, sɔɛi vianaŋii kɛndɛ-kɛndɛ ndóò tuu le tosaa o Krista nin-nde.

Kalatea 4:4

Kɛ telenndo tiiyaa, mí Hala viam Po ndɔɔ, o vanalanɔɔ velu-o, o velun o tɔŋndo bɛngu-o,

1Korɛntea 15:47

Adam tasoo a puuloo Mɛlɛka toosiaa ndu ni, kɛ o diinndɔɔ ndu, o halataala o fula ni.

1Korɛntea 2:7

Kɛ kɔlkalu Hala-o, kɔlkalu dɔaw vanndacieea kɔndɔfilio, o co o vianaa-o, o Hala ndóò cii nin hɛli le biilu naa lɔ́ɔ́ pá mí ceendo ho kandun-ndo.

Rɔmnda 10:18

Kɛ i co ɲuna: Mò va maa Israɛlla tui sɔɛi ken te? A tuei ndi tɛ́ɛ́. «Kani diom ndaa kɔɛ, mó tiw o lɛŋnden kpow coo, mí sɔɔn ndan tiiya o ceendo mɛɛlulan di.»

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Kalatea 2:8

Kani Hala tosa mí Piɛr siŋnun kiilaa le Yuifia-o, ndu koni tosa vɛlɛ ni, mí siŋnun kiilaa le vanaa co N'Yuifi le-a.

Rɔmnda 9:5

A fuɲaa ndaa mamaa yɔŋnun vanaa bɛndua o laalanndo nin-nda, a Krista co ɲɔɔn kpow bollen-ndo fula o polale ndalen coo o falon nin-nda. Màá biiloo va le Hala le fɛɛn a fɛɛn! Amiina!

Dɛnnda kiilaa 10:34

O kon mí Piɛr cua sɔɛi, mó dimi aa: «I sina nihau lekɛ́ndɛi maa Hala hiyan vanndacieea le,

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Dɛnnda kiilaa 14:27

Mɛɛ nda tiiya Antiɔs, má bɔɔŋiaa vanaa Krista-aa, má downun nda kona a ɲɛ-ɲɛ Hala tosal nda, a mɛɛ o kumbil vanaa ve N'Yuifi le-a dioo, mí nda bɛɛ a laalan yɛ.

Nsaŋ 16:28

O Pua lo ya fula ni, mì hun o ceendo coo. Sunsun, i co faŋan o ceendo coo, mì muungu o Pua lo.

Nsaŋ 13:3

Yeesu pila ndóò sina nin maa o Hala lo ndóò fula ni, o Hala lo o va muungoo ni, ndóò sina vɛlɛ maa Fuɲa ndɔ ndóò cii ndu ɲɔɔn kpow downɔn.

Luke 24:51

O lo o nda duaa dɔvɔɔ, mó sɛyan a nda, mó helnun o halataala.

Dɛnnda cɔɔmuanndan 17:7

Mí mɛlɛkanɔɔ ɲuna ya aa: «Le yɛɛ nɛ n dɔwnun yɛ kɔndɔfili? I cɔmnin nɔm kɔlɔ vuɛɛndo ho a kɔlɔ visi o cal ho coo a bolle ndii ŋɔmmɛw a leelan tɔ́-o.

Dɛnnda cɔɔmuanndan 17:5

Diolan lapum la va lasɛvaalan ndu o itendu, diola kɔndɔfiltan pila aa: «Babilɔn bɛndoo, kalaa vanlaandua suundɛiya a mààla co o lɛŋnden coo lan.»

Hebreea 8:1

O sɔɔn naa n co dimio-on kpow nin, i hiow va isɔvɛ-e co hee ni: n nɔ bolle vanaa-solia-lasálàá, o co icali o kpɛŋɛ lemasa Hala-o o ba kɛndɔɔ coo o halataala-o.

2Tesalonikea 2:7

Kpaaya viannan laalan lepɛŋndo co nin baalaa. O lo cobe, mì ɲɛ bii ndu kon-ndo faŋan ndu o nɛi.

2Tesalonikea 1:10

paale o hunnin-nden, mò sɔla biiloo vanaa ndɔa diandaa tɛɛn, mò sɔla lisaa vanaa laalan ndu-a kpow tɛɛn. Niaa bɛɛ, la vanin vanaa kan tɛɛn, kani la laalan seile naa n tɛndal niaa len.

Dɛnnda kiilaa 1:19

Mí vannda Yerusalɛm kpow a tuɛi dɛnɛ kon, má ke yondo kon diolan o sɔɛi ndɛi nin aa: ‹Hakɛldama›, kon co dimio ni aa: ‹Lɛŋnde makòó len›.

Nsaŋ 17:5

Lelan Pua, biilu ya nɔm pila ikɛi, maa biilu naa n va paandu nin naa ŋiɔn lɔ́ɔ́ pá mi ceendo fula-o.

Nsaŋ 15:26

Telen vana nia ɲɔɔlaa hunnin fulaa Pua o ba-o, Kɔl toɲa fula o Pua lo-o timbinin seilen a ya o kɔɔ,

Nsaŋ 6:62

Te la hun cɔ yɛ pɛ niko Po vanacieo helɔɔ nɛɛ o va o tasendɔ-a, vɛ̀ɛ̀ niaa dimi yɛnin?

Luke 2:32

ndu co ɲɛ-tengaa cɔmnin vannda kpow sɔɛi nɔmnde-o ni, ndu vanin vɛlɛ biiloo le Israɛlla ni, vanaa nɔmnda.»

Marke 16:5

Má luɛi o sɛiyo nin, má ca langbanɔɔ pum icali o ba kɛndɔɔ coo, doma bɛndu humboo va ndu lekɔɔ, mí siòònde bii nda.

Marke 1:13

Mó kɔ tosa lon palɛi belehiɔɔlu, Setana va ndu tɔɔndanndo. Nda visia yondoa va latulu ni, mí mɛlɛkaa va ndu ikɛi.

Matie 28:2

Fɔ́ɔ́fɔ̀, mí lɛŋnden le ɲiiya taw, kani mí mɛlɛkanɔ Hala-o toal fulaa o halataala, mó hun ɲindu powvo, mó cal lecoo.

Matie 13:11

Mí Yeesu mulul nda aa: «Niaa, la sɔla sinapɛngoo le dɛnnda viannanndan bilaa biyɔɔ a masale halataala len o kɔɔ, kɛ nda sɔla sinapɛngu vaa lende le.

Matie 4:11

O kon mí masa ɲinaa vɔɔnda faŋan Yeesu kɔɔli. Mí mɛlɛkaa sɔɔnguu ndu ikɛi, má nɛŋi ndu makoo.

Misee 5:2

Lelan Mɛlɛka malnin vanaa ndɔa háá mì vanalanɔ bɛnda kon le violɔɔ-o velu. O kon mì puapilɛa ndɔa tɔ̀a vanin o biyɔɔ nin-nda muungu cuavaa Israɛlla tɔ̀a ikɛi.

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Rɔmnda 10:12

Lelan, hiyan co Yuifia a vanaa co N'Yuifi le-a tɛɛn te. Bau nda kpede, Mɛlɛka pilɔɔ nda nɔ ni, o co vanaa co ndu veeloo-a ɲɛm ndɔn keo-vo.

Rɔmnda 3:4

Kɛì-kɛì bɛɛ! N sinan maa vana toɲaa Hala co ni. Vanndacieea nda, mɛɛ nda co kpede, vanaa lacòòvaa nda co ni. Maa mɛɛ o sɛvan yɛ aa: «Haliko ma sandu o sɔɔn nɔmndon nin, mà sɔla dío telen nda kialunin nɔm iyama-o.»

Rɔmnda 16:26

Sunsun, o co o cɔmnan kpendekele. O kon mí vanaa súúla yɛ́-yɛ́a co n'yuif le-a a sínà yoongu kon o sɛbɛla vanaa-tɛɛngaa-diom Hala-a nin. Hala co le fɛɛn a fɛɛn-ndo dimi ndu ni, haliko mi vannda súúlan kpow a laalan ndu, mà bii sɔɛi ndɔɛi.

2Korɛntea 1:19

Kani sɔɛi Yeesu Krista Po Hala-o, o Silas, Timote a ya pila dimul niaa sɔɛi ndɔɛi-yo, o co sɔɛi vana cɛl mà kɛɛ le. Kɛ o ndu nin, oi koni co oi ni.

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

1Nsaŋ 3:8

Vana tosa pɛ hakio, mɛɛ le masa ɲinaa vɔɔnda vana kon co ni, kani o kandɔɔ pɔ́ masa ɲinaa vɔɔnda ndu tosa hakio ni. Po Hala-o ndu fula, haliko mo tɛɛmbuu baala masa ɲinaa vɔɔnda.

Luke 20:44

Nduyɛ, David pila veelu ndu aa: ‹Maalii›, vɛ̀ɛ̀ o nɔla yɛ vɛlɛ ò va po ndɔɔ?»