1Timote 3:11 - BII BILA

¹¹ Laandaa ndaa bɛɛ bɛnda mà va vanaa lebɛɛa, a va vanaa balu a caanda o lasondo-a le, mà va vanaa tosa dɛnndan tùúlen-nda, á lo o lediom coo o dɛnndan kpow nin-nda.

1Timote 3:11 Referans Kwoze

Tite 2:3

Pɛɛku vɛlɛ vanlaandua yuuvɛiya, mà va vanaa diandaa o kela ndaa nin. A va vanaa dimi sɔɔn vɔɔnndon-nda le, a yɔngun mɔiyan te. A va vanaa yɔngu silala kɛndɛlan-nda,

Tite 3:2

A dimi dɛnɛ vɔɔn vana-vana le, a va vanaa kɔlta ɲulua a vanaa kɔlta kɛndɛa, mà va vanaa tuisiannda a vannda kpow.

1Timote 3:2

Simlacinɔ vanaa laalannda bɛnda mò va vana yaalan too, o bɛnda mò nɔ lanɔɔ ndu pilɛ kpé, mo va vana tosa sɔɔn tùúlen-ndo, vana taasio, vana bii kɔl ndɔɔ-o, mo va vana caa mialla biyɔɔ-o, mo tiwba pɛɛkoo,

1Piɛr 5:8

La pɔɛɛnun te, la va lahɔl, kani yaamɔɔ niaa, masa ɲinaa vɔɔnda co balɔɔ a kuuliaa maa yàlà, le vana o sɔlanin mo de ndu-o.

2Timote 3:3

A nɔnin iɲíí le, a vanin vanaa bii tɛɛlɔn te-a, vanaa tɛɛmbuu caanda diolan-nda, vanaa bii kɔlta ndalan te-a, vanaa kɔlvesɛiya a vanaa yeema dɛnɛ kɛndɛ le-a.

Talelan 10:18

Dɛnɛ muuluanndo o co le nɛyɔnndo vonɔɔ ni. Vana sɔɔn pɔmbɔɔ ndu, o pe lebol te.

2Timote 4:5

Kɛ nɔm nɔm, va vana taasio o dɛnndan nin kpow, mà biwnun sangalan, mà tiiyal vannda Yoongu Kɛndɔɔ, mà tosa vali n nɔ le tosaa-o maa vana baala Mɛlɛka-o.

1Timote 6:2

Cɛa co vanaa ndaa bɛndua laalan-nda o ba-a bɛnda mà kɛɛ nda bɛɛlen ke le tùú nda co puapilɛa ndaa o laalanndo nin-ndo le. Kɛ o bɛnda mà tosal nda baalaa ɲɛkɛndɛi le tùú nda co vanaa laalaŋaa nda kaola-a o, kani o nda lo tɔnɔ vali nda kon co lakɔ ni. Sɔɔn n nɔ le pɛɛkoo mà sila vannda-on n co mun ni:

1Timote 1:12

I mel Maalii naa Yeesu Krista balika, ó luei ya yoomuan le baala ndɔɔ tosaa-o. I mel ndu balika le laalan o laalan ya, mó hɛli ya le baala ndɔɔ tosaa-o.

Nsaŋ 6:70

Mí Yeesu mulul nda aa: «Vɛ̀ɛ̀ o co ya le hɛli niaa n'van tɔ́ a vanaa ŋiɔnda ha le? Kɛ nduyɛ, ɲina vɔɔndo luɛi vana pilɛ nin niaa tɛɛn.»

Matie 4:1

O kon kɔɔli, mí Kɔl Hala-o kɔa a Yeesu o lɛŋnde veselɛilen nin, haliko mi masa ɲinaa vɔɔnda ndóò dɛɛniaa ndu.

Esekiɛl 44:22

Vana-solia-lasálàá va pɛ lanɔɔ yilɔɔ, o bɛnda mò yil vanalanɔ pɔnɔ ndɔ vi-o o nɔ̀u nin te, o bɛnda vɛlɛ mo yil vanalanɔ kɛyan nda pɔnɔ ndɔ-o le. Kɛ o bɛnda mò cua cuaambɔ laandu hiw-vɔ vanapɔnɔ kɔɔli loo o cuavaa Israɛlla tɛɛn, o nɔla vɛlɛ mò cua vanalanɔ pɔnɔ ndɔ vi-o te vana-solia-lasálàá pɔnɔ ndɔ kon ndóò va ni.

Yeremi 9:4

Vana-vana co caan ndɔ kafalan tosallo, vana-vana dimi toɲa le. Caa pila nda caa còòlan dimio ni, o kon nda co kɛɔ le muungoo ya o ibuŋ ni.

Talelan 25:13

Mɛɛ piɔɔ sia a telen hangullo-o yɔngu vana hoeyii ɲuluei yɛ, lende kiilanɔ caa kiilalen tɛɛnguuo-o mingi vana ndɔ bɛndu vem ndu-o yoomuan ni.

Condii lisai 101:5

I kpaanin vanaa congu caaŋaa ndaa o vionnɔnndo nin-nda. I tiwnin ba kelaa naa vanaa tofa caanda tofa vɔɔndo-a le, te kon te naa vanaa yongaa.

Condii lisai 50:20

La cal pɛ, la cal puapilɛa niaa congòó, la tɛɛmbuu vanaa niaa fula kala pilɔɔ-a diolan.

Condii lisai 15:3

Ó congu vana loo, ó tosal caanda dɛnɛ vɔɔn too, ó tɛɛmbuu vana nda cal latulu-o lebɛɛ loo.

Tɔŋ lasálàá 21:7

Vana-solia-lasálàá bɛnda mò cua vanalanɔ suundɛiyo, te kon te vanalanɔ vanapɔnɔ celen laasiaa nin-ndo o nɔ̀u nin te. Ò cua vɛlɛ vanalanɔ pɔnɔ ndɔ kɛɛ-o o nɔ̀u nin te. Kani vana-solia-lasálàá bɛnda mò va vana diandaa siŋnun teengen le vali Mɛlɛka-o-o.

Rɔmnda 1:29

A co a piaa a dɛnnda sendu le lan kpow: laasianndo, yeemɛi bɛnduei, kɔlvesɛiyo, paŋalaa, yeemɛi diuvaa n'vannde, cɔlɔbalan, vannda huiyo a kɔlkalu vɔɔndo. A co vannda diolan tɛɛmbuuo,