1Timote 2:8 - BII BILA

⁸ Lelan, i yeema mì vanpiaandua heelu balan ladiandaa nɛɛ-nɛɛ ka, mà piɛi Hala, o va a kɔltuw le, o va vɛlɛ a lasɛɛngian te.

1Timote 2:8 Referans Kwoze

Condii lisai 134:2

La heelu balan a kpengii Fonda-Diandaa, mì la mel Mɛlɛka balika.

Condii lisai 63:4

Kani kaola nɔmndo co fisa a yoomoo. Sondo nuu vanin nɔm sangalaa.

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

Tite 3:8

Sɔɛi toɲɛi co hee ni. I yeema ma tiinda pelei lecoo ɲɛkɛndɛi, haliko mi vanaa laalan Hala-a yɔngun nda pila, mà va dɛnnda kɛndɛlan tosaa. Dɛnnda naŋ mì la co vannda tɔnɔɔ lueiloo lan.

Nsaki 4:8

La sɔɔnguu Hala ikɛi, ndu bɛɛ sɔɔnguunin niaa ikɛi. La dindi bala niaalan, niaa vanaa lahakia ha! La dindi kɔlta niaalan, niaa vanaa kɔlta tiɔn-tiɔnda ha!

Luke 24:50

O kon kɔɔli, mí Yeesu kɔa a nda ba Betani-o, mó heelu balan, mó dɔaw nda duaa.

Esai 1:15

La siɛndi nin bɛɛ balan o ya lo, i faŋalnin niaa hɔlla. Hali la vangala bɛɛ piɛilen taw-taw, i yeŋnin niaa lani le. Kani bala niaalan la co lalɔngɔlɛilan a koovan.

1Piɛr 3:7

Niaa piaandua bɛɛ, o calii niɛi nin niaa laandua niaa, la sínà maa vanaa yenge-yengea vanlaandua co ni. La ke nda bɛɛlen, kani niaa ndaa loonin kɛndɛi yoomoo ni, haliko ɲɛ-ɲɛ tosa mì piɛile niaalen le haw le.

1Timote 5:14

Lelan, i yeema mì cuavaa laandua felengia piaandaa ndaa vi-a cal o nɔla celen, mà sɔla cuawva, mà bii yungule ndalen, yɔŋii yaamɔɔa sɔla nɛiyo le sɔɔn vɔɔnndon dimio a naa o kɔɔ.

Dɛnnda kiilaa 21:5

Kɛ palɛi ken hiovɔɔ, mí n bii nɛiyo le kɔlan. Mí nda kpow a liila naa, laandua ndaa a cuavaa ndaa, háá má soli naa o cieo kɔɔli. Mí n baŋ vulan o mɛmma ihɛllan kɔngɔ, mí n piɛi Hala.

Dɛnnda kiilaa 10:4

Mí Kɔrnɛil tofa ndu ciŋ a siòònde, mó ɲuna aa: «Yɛɛ nɛ Maalii?» Mí mɛlɛkanɔɔ mulul ndu aa: «Mɛlɛka tuei piɛile nɔmnden, o naŋ kɔl a kɛndɛi n tosal vanaa bala fondoa-e. O pɔɛɛnun a nɔm te.

Dɛnnda kiilaa 10:2

Ndu a yungu ndɔɔ a va yɔŋ vɔɔndo vou. Ndáà nɔ vɛlɛ siòòŋii Hala-e. O va vannda ɲɔɔn keo taw, mó va Hala piɛiyo lɔ́ɔ́-lɔ́ɔ̀.

Dɛnnda kiilaa 7:60

O kon kɔɔli, mó del vula baŋaa, mó yonda coocoo aa: «Maalii, mal nda haki le haki ndaa ho!» Mɛɛ o cii kon dimi, mó malnun kɔl.

1Korɛntea 7:7

Yáà yeema mì vanpiaandua kpow ndáà va maa ya, kɛ nduyɛ Hala yɔngu vannda valtan yɛ́-yɛ́ le tosaa. O ke pɛ vanndo hoo vallo pum, o mulin, o ke vana celen vali celen.

Dɛnnda kiilaa 10:31

‹Kɔrnɛil, Hala tuei piɛile nɔmnden. O loonun a ɲɛm n ke vanaa bala fondoa-on o kɔɔ.

Nsaŋ 4:21

Mí Yeesu dimul ndu aa: «Vuɛɛndo laalan ya, telenndo co tiiya, la biilu lɛnin Pua o pembei he coo te kon te Yerusalɛm te.

Luke 23:34

Mí Yeesu dimi aa: «Pua, mal nda haki, kani a sina ɲɛ nda co tosaa-o le.» O kon kɔɔli, má mal siondei le volɔɔla ndɔla cuɛinanndan piɔvanndo.

Matie 21:21

Mí Yeesu mulul nda aa: «I co niaa toɲaa dimul, te la nɔ pɛ laalanndo, mì la kiisan te, la tosanin dɛnɛ tosalan hoo a voosu tumndo-o, kɛ la dimulnin vɛlɛ pembei he aa: ‹Sungun ndon mà kɔ del o mɛmma ihɛllan nin›, mì kon tosan.

Matie 5:44

Kɛ ya, i co niaa dimul: la kaola yaamɔaa niaa, la piɛi Hala le vanaa co niaa saangiaa a niaa yɛlen tollo-a.

Condii lisai 66:18

Te yáà tuunun pɛ dɛnɛ vɔɔndo o kɔl, Maalii ndóò yeŋnunnin ya le.

Condii lisai 26:6

I co bala nilan pulɔɔ le cɔmndo maa i tɛɛmbuu isɔɔ le, i co fonda-loamaa-lasálà nɔmndo balɔɔ, nɔm Mɛlɛka,

Condii lisai 24:4

Fɔ vana tɛɛmbuu isɔɔ loo, vana dendu kɔllo-o, ó luei o dɛnnda lacòòvaalan nin too, ó mɛnan mɛnan lacòòva loo.

SƐBƐ YƆB-O 16:17

Nduyɛ, i nɔ laba o dɛnɛ vɔɔn nin te, piɛile nilen le co lediandaa.

Matie 6:12

Mal naa haki le tɛɛmbuula naalan, mɛɛ naa bɛɛ n mal vanaa tɛɛmbuu a naa-a haki yɛ.

Talelan 21:27

Ɲɛ vɔɔn bɛndoo pila sálà vanaa kɔlvesɛiya co ni, kɛ taama-taama, a soli ndu pɛ a yiyan nɔɔlɛiyo.

Talelan 15:8

Sálàla vanaa kɔlvesɛiya la nɛinún bɔɔ Mɛlɛka, kɛ ò cɛ̀l piɛile vanaa sandaa.

Condii lisai 35:13

Ya yɛ, telen nda va a nààlan-ndo, ɲííye va ya biyɔɔ, mí volɔɔla imɔnɔlan vownɔnndo le nda, mí va sumndo biyɔɔ a ya pila tuŋnɔnndo. I ve sanga piɛilen le nda le.

1Masaa 3:11

O kon, mí Hala dimul ndu aa: «Le tùú n piɛi le nɔm pila yoomu vilɛi sɔla loo, le tùú n piɛi bolofaa le nɔm pila loo, le tùú n piɛi le yaamɔaa nɔmnda vu loo, kɛ má piɛi kɔl taasio le masalen tosaa o sandei nin,

Condii lisai 28:2

I va pɛ nɔm diomndo solullo le nɔm tɛɛlɔnndo, i heelu pɛ balan o Fonda nɔm diandaa, a yandi, tuei ya diom.

Condii lisai 141:2

Màá piɛile nilen le hel o nɔm ndo sakpo mɛɛ kumii ansan i hel nuaa yɛ, mì bala ya co heeloo lan la siŋnun maa sálà solin a paale delaalen-ndo!

1Korɛntea 1:2

N co sɛbɔɔ ho sɛva le vanaa laalaŋaa co Korɛnte-a, le vanaa yɔngun ma va a diandaa o Yeesu Krista nin-nda, a le vanaa co diola Maalii Yeesu Krista lan veeloo nɛɛ-nɛɛ ka-a kpow, o co Maalii ndaa a Maalii naa-o.

2Korɛntea 2:14

Kɛ n melnun Hala balika, kani o co cɛlɔɔ mì n va dɛnndan tiwvo ba lɔ́ɔ́-lɔ́ɔ̀ o diola Krista lan. O co vɛlɛ tosaa mì n va sɔɛi Krista-e vannda cɔmndo nɛɛ-nɛɛ ka maa mɛɛ lasikɔlɔ cun kɛndɔɔ tiw ba-ba fee nuaa yɛ.

Filipea 1:12

Puapilɛa nia, i yeema mì la sina maa dɛnɛ yɔŋnun ya-o yɔngu malaa le Yoongu kɛndɔɔ hiovɔɔ laci.

1Tesalonikea 1:8

Kani sɔɛi Mɛlɛka-e tiw o niaa lo, o co ka Maseduan a Akaii le, mì tɔ́ɔ́ niaa laalan Hala-o kɔa nɛɛ-nɛɛ ka. Hali mì n suu bɛɛ a ken o kɔɔ le.