1Timote 2:6 - BII BILA

⁶ Ndu yɔngun ndu pila le vannda kpow baŋaa ni. Mí seile len le fula o telen bɛnda-o.

1Timote 2:6 Referans Kwoze

Matie 20:28

Lende Po vanacieo hin ni. O hín mì vana tosal ndu baala le, kɛ le vannda baalaa tosallo a le yoomu ndɔɔ yɔngoo le vanaa bɔɔ-bɔɔ baŋaa.»

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

Kalatea 4:4

Kɛ telenndo tiiyaa, mí Hala viam Po ndɔɔ, o vanalanɔɔ velu-o, o velun o tɔŋndo bɛngu-o,

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

1Nsaŋ 4:10

Kaola ndɔ kon co yɛ hoo ni aa: o co naa le n kaola Hala le, kɛ ndu kaola naa ni, mó viam Po ndɔɔ, mó yɔŋnun sálàá le hakila naalan faŋaa.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

1Korɛntea 1:6

Kani seile naalen a Krista o kɔɔ le sɔla fondaa ɲɛkɛndɛi niaa o lakɔl.

1Timote 6:15

Kon tosannin telen Vana Duaa, Vana hiow masalen-ndo, Masa hiow masaa kpow-vo, Vana kùndaa hiow vanaa kùndaa kpow-vo kelu-o.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

SƐBƐ YƆB-O 33:24

mɛlɛkanɔ kon tuinunnin ndu iɲíí, mò dimul Hala aa: ‹Baŋa ndu, mal ndu tolɔɔ ciee-piɔ́m te. I saalun ɲɛ le ndu baŋaa.›

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Tite 1:3

Nduyɛ, mɛɛ telen o kelu-o tiiya, mó cɔm sɔɛi ndɔɛi o yɔngu ya le vannda tiiyallo-e mɛɛ ndu Hala Vana naa Ciindiaa dimi yɛ.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Rɔmnda 5:6

Tuma naa n nɔ vɔ mayoomu loo, mí Krista vu le naa vanaa lahakia o telen kelun-ndo.

Nsaŋ 10:15

maa mɛɛ Pua sina ya, mí ya i sina Pua yɛ, mí yɔngu yoomu nuu le saa nia.

Nsaŋ 6:51

Ya, ya co ɲɛdiaa kiyɛi tol fulaa o halataala-o ni. Te vanndo de pɛ ɲɛdiaa kon, o vanin yoomu le fɛɛn a fɛɛn. Ɲɛdiaa ya yɔngunin-ndo, ndu co dialun nun ni, haliko mi ceendo va yoomu.»

Marke 10:45

Kani Po vanacieo hín mì vana tosal ndu baala le, kɛ le vannda baalaa tosallo, a le yoomu ndɔɔ yɔngoo le vanaa bɔɔ-bɔɔ baŋaa.»

Esai 53:6

Naa kpow n va laasianndo nɛɛ-nɛɛ ka maa n'saa, vana-vana va kɔlan pemale ndɔ kɔɔli, kɛ mí Mɛlɛka tuisi tɛɛmbuu naa kpow ndu coo.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

Hebreea 9:12

Luɛyɔɔ Krista luɛi kon lepilɛ kpé o fonda diandaa-diandaa nin-ndo, o yɔngu kooma cuinaa toovi le, o yɔngu kooma navaa téndé le, kɛ kooma ndɔma ndu pila-an o yɔngu ni, o kon mó baŋa naa le fɛɛn a fɛɛn.

2Timote 1:8

Lelan, siɛmbula bii nɔm le seile Maalii naa timbio vannda o hɔl te, siɛmbula bii nɔm vɛlɛ a ya co hoo o kaasoo-o le. Kɛ cɛl mì n sanga latulu le Yoongu Kɛndɔɔ o kpaaya Hala-o bɛngu.

2Tesalonikea 1:10

paale o hunnin-nden, mò sɔla biiloo vanaa ndɔa diandaa tɛɛn, mò sɔla lisaa vanaa laalan ndu-a kpow tɛɛn. Niaa bɛɛ, la vanin vanaa kan tɛɛn, kani la laalan seile naa n tɛndal niaa len.

Rɔmnda 16:26

Sunsun, o co o cɔmnan kpendekele. O kon mí vanaa súúla yɛ́-yɛ́a co n'yuif le-a a sínà yoongu kon o sɛbɛla vanaa-tɛɛngaa-diom Hala-a nin. Hala co le fɛɛn a fɛɛn-ndo dimi ndu ni, haliko mi vannda súúlan kpow a laalan ndu, mà bii sɔɛi ndɔɛi.

Efɛsea 1:17

I co Hala, o co Maalii naa Yeesu Krista-o, Fuɲa nɔ biiloo-o ɲuna, mò yɔngu niaa kɔlkaloo. O kon la sinanin Hala, nduyɛ, la sinanin ndu lekɛ́ndɛi.

Efɛsea 1:7

Nduyɛ, o Krista nin, o kooma ndɔan nin naa n sɔla baŋaa ni, mí n sɔla hakio malɔɔ le tɛɛmbuula naalan. Kɛndɛi Hala tosal naa-e co i bɔɔ,

Efɛsea 3:5

Paandu, dɛnɛ viannan kon ndóò cɔmnun vannda le, kɛ sisa Hala cɔm kiilaa ndɔa diandaa a vanaa-tɛɛngaa-diom Hala ndɔa diandaa ndu a Kɔl ndɔ Diandaa o kɔɔ.

Marke 1:15

mó va dimio aa: «Telenndo tiiya, masale Hala len le sɔɔnguu. La mal yɔŋ vɔɔndo, mì la mangalan, mì la laalan Yoongu Kɛndɔɔ!»

Kalatea 1:4

Maalii Yeesu yɔngu yoomu ndɔɔ le naa ciindiaa le hakila naalan, mó soli naa o ceen vɔɔndo ho nin, maa mɛɛ hɛnan Hala Fuɲa naa-o co yɛ.