1Timote 2:2 - BII BILA

² La piɛi Hala le masaa a le vanaa masalen le co o ba-a kpow, haliko mi n va nila ɲulu, mì n va vɛlɛ o kɔlɲuloo nin, mì n ke Hala bɛɛlen, mì n yiinun a ndu ɲɛkɛndɛi.

1Timote 2:2 Referans Kwoze

Ɛsdras 6:10

La yɔngu nda mun haliko ma solul Hala co o halataala-o sálàla cuɛima cun kɛndɛlan, mà piɛi Hala le yoomu masaa a le yoomu poaa ndɔa.

Yeremi 29:7

La kindin mì kobi niaa co nin o biyɔɔ nin-ndo sɔla dɛnɛ kɛndɔɔ. La piɛi Mɛlɛka le ndu, kani o sɔla pɛ dɛnɛ kɛndɔɔ, niaa bɛɛ la sɔla ndu.›»

Talelan 24:21

Po nuu sei! Ke Mɛlɛka a masaa bɛɛlen. Del vanaa yeema le dɛnndan kpow yɛlɛmiaa-a kɔɔli le.

1Tesalonikea 4:11

La kindin mì la nɔ kɔlɲuloo, mì la muli hɔlla o makola niaalan, mì niaa pila kelu lalle o baala niaa nin mɛɛ naa n dimul niaa yɛ.

Nehemi 1:11

Éé Mɛlɛka! Yaŋ nilan o piɛile nilen a o piɛile vanaa nɔmaa baalaa, á yeema le diola nɔmndan bɛɛlen keo-va. Hau, tosa mì langbanɔɔ ho ce ya vana nɔm baalaa ɲia. Tuma kon yɛ, ya óò toosiaa mɔima masaa ni.»

Hebreea 12:14

La kindin le vaa o kɔlɲuloo nin a vannda kpow, mì la va a diandaa. Kani te o co o dindinndo nin te, vana-vana cinin Maalii le.

Rɔmnda 12:18

Te kon nɔla pɛ tosan, te a niaa sɔɛi co ni, la kindin mì la va o kɔlɲuloo nin a vannda kpow.

Condii lisai 72:1

Condii Salomɔm-nde. Éé Hala, tosa mì masaa caa yaman kiolɔɔ maa num pila. Tosa mì poaa masaa sina dɛnɛ sandaa.

Filipea 4:8

Le sɔɔn tɔ̀un yɛ puapilɛa nia, la va kɔllo keelaa o dɛnndan ndan coo: dɛnnda toɲa lan kpow, dɛnnda lebɛɛlan kpow, dɛnnda sandaalan kpow, dɛnnda diandaa lan kpow, dɛnnda vannda hini kɔltan-ndan kpow a dɛnnda vanà sɔlà lisaa lan kpow.

Dɛnnda kiilaa 24:16

Lelan i co kindinndo lɔ́ɔ́-lɔ́ɔ̀, haliko mi va o sandaa Hala a vanndacieea o hɔl.

Dɛnnda kiilaa 10:22

Má mulul ndu aa: «Kɔrnɛil co simlacinɔ vanaa cɔvaa kɛmɛa-o vem naa ni. Vana sandaa o co ni, o vo Hala-o, Yuifia kpow a co diola ndɔla kɛndɛlan dimio. Mɛlɛkanɔ diandaa Hala-o dimul ndu ni maa nɔm kɔ o ndu lo cɛinin, mò tuei ɲɛ n kɔ va ndu dimul-lo.»

Luke 2:25

Nduyɛ fallo pum va Yerusalɛm, diolan Simeɔn, vana sandaa a vana óò lo o lediom coo a Hala-o o va ni, o va vana óò ciindiaanin Israɛlla-o cumndo. Hala Kɔl-Diandaa va ndu coo.

Luke 1:6

Vanaa sandaa vanaa ŋiɔŋaa kan kpow a yɔŋnun Hala o hɔl ni, a va vɛlɛ tɔŋndan a tanala Mɛlɛka lan biyɔɔ ɲɛkɛndɛi.

2Samiɛl 20:19

Kobi kɔlɲuloo a kobi lo o diomnden coo-o kobi naa co o lɛŋnde Israɛl-ten nin ni. Kɛ ndu nɔm yeema le tɛɛmbuuo ni. Kobi kon co o pilɛ o kobila Israɛlla kɛsi kɔllo coo lan tɛɛn. Le yɛɛ nɛ n yeema yɛ le kɛ́ Mɛlɛka-o tɛɛmbuuo?»