1Timote 1:9 - BII BILA

⁹ N sínà vɛlɛ maa o co le vanaa co dɛnɛ sandaa tosaa-a le tɔŋndo co le, kɛ le vanaa yɔŋ vɔɔnda a vanaa nila kalua, le vanaa sínà Hala le-a a le vanaa lahakia, le vanaa ke Hala a ɲɛm dendu Hala o hɔl-lon lebɛɛ le-a, le vanaa diw fuɲaa ndaa, te kon te kalaa nda-a, le vanaa diuvaa n'vannda,

1Timote 1:9 Referans Kwoze

Kalatea 3:19

Mi le yɛɛ nɛ tɔŋndo ndu co yɛ niko? Le tɛɛmbuula vanndacieea o handun ni, háá mi polale kpemaa ndóò yiinun-nden léè tiiya. Mɛlɛkaa dimul vana tɛɛngaa ndu ni.

1Piɛr 4:18

Maa mɛɛ Sɛbɛ Hala-o dimi yɛ aa: «Te i yɔŋnun sɔɛi bɛɛn-bɛɛn le vana sandaa cindaa sɔlaa le, vɛ̀ɛ̀ la va yɛnin a vana lahaki sina Hala loo?»

Rɔmnda 5:20

Nduyɛ, tɔŋndo ndu hin, haliko mi yɔŋ vɔɔndo kui, kɛ nɛɛ yɔŋ vɔɔndo kui pɛ, lon kɛndɛi Hala-e ndi hiaw kuiyo ni.

Kalatea 5:23

vili kɛndɔɔ a kɔllo biyɔɔ ni. Tɔŋndo co dɛnnda vaa lende cɔlɔbaa le.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

Rɔmnda 6:14

Kani hakio nɔ lɛnin niaa kpaaya coo le, bau la co lɛ o tɔŋ bɛngu le, kɛ o kɛndɛi bɛngu niaa co nin ni.

Rɔmnda 1:30

congulan, Hala simullo, caanda yeowlan, yongaa, sangalanndo, yɔŋ vɔɔn bɛndu-bɛndoo a nila kalulan a vanaa velu nda-a.

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Tite 1:16

Vanaa kan a tiwba mà dimi maa a sínà Hala, kɛ mà kɛɛ ndu o dɛnnda ndalan nin. A nɛinun bɔɔ vannda, vanaa nila kalua nda co ni, a tiwba dɛnɛ kɛndɛ kɛ́-kɛ̀ tosaa le.

1Piɛr 3:20

Kɔlta tosa lɔ́ɔ́ kon nila kalulan-ndan, telen biuvɔn Hala-o va vɔ hiovɔɔ laci-o, o palɛi Noe va dɛ̀ndɛ̀ bɛndu vanaa bɔɔ luei lenin too siɔlɔɔ-e bɛngu. Vanaa ŋɔmaa kpé a sɔla cindaa o mɛmma man nin ni.

Hebreea 11:31

A laalanndo, Rahab cua suundaa sɔla piɔ́mndo latulu nda vanaa simul Hala-a le, kani mó yiya suansuaŋaa Israɛlla ɲɛkɛndɛi.

2Tesalonikea 2:8

O kon vana kɔlvesɛi kon cɔmnun niko, o Maalii Yeesu tɛɛmbuunin a hoeyii fulanin ndu Maalii o sondo-e-o, mò tɛɛmbuu biilu hunɔɔ ndɔɔ-o pɛɛn.

Rɔmnda 4:13

Mí Hala yiilu Abraham a cuavaa ndɔa imamaa kpemaa, maa a sɔlanin ceendo kɛ́ɔ. O ve le mɛɛ o va tɔŋndo biyɔɔ yɛ le, kɛ le tùú ndóò ce ndu vana sandaa le laalan ndɔɔ-o o yiilu ndu kpema kon ni.

Matie 10:21

Vanndo lɔalunin puapilɛ ndɔɔ le ndu diyɔɔ, mì fuɲaa lɔlu po ndɔɔ. Cuawva simulnin vanaa velu nda-a mà tosa mì vanaa velu nda kan-nda sɔla piɔ́mndo.

Esekiɛl 21:25

Tuula nɛiyo haliko mi cɔwvo luɛi o kobio Raba nin, kobi pɔaa Amɔnnda pɛɛn, mò luɛi vɛlɛ Yerusalɛm. Kobi co kon o kungaa a kpakio o tàndá Yuda-o nin-ndo pɛɛn.

Yeremi 23:11

Hali vanaa-tɛɛngaa-diom Hala-a a vanaa-solia-lasálàá a vow balan o laasiaa nin. Háá o cɛi nuu nin, foofola dɛnnda ndala vɔɔnndan la co lon.» Sɔɛi fula Mɛlɛka o sondo-e co ken ni.

Talelan 30:17

Te vanndo mam pɛ fuɲa ndɔ, mò kɛɛ le diom kala ndɔ-o biyɔɔ, basabasakoendea pee pɔmbɔa buuluunin ndu, mì kovɛa cuawva de ndu.

Talelan 30:11

Vanaa pum mɛnaa nda mɛna fuɲaa ndaa ni, à dimi vɛlɛ sɔɔn kɛndɛ a kalaa velu nda-a le.

Talelan 28:24

Vanndo ciimbuu pɛ fuɲa ndɔ a kala ndɔ mó dimi aa ken co sɔɛi vɔɔn te, mɛɛ caaŋoo vana del vannda coo-o o co ni.

Talelan 28:17

Vana dii vanacieo-vo lonin kiltan háá mò kɔɛ o sɛi ndɔ ndu pila-o. Vana-vana bɛnda mò simi ndu le.

Talelan 20:20

Te vanndo mɛna pɛ fuɲa ndɔ, te kon te a kala ndɔ, yoomu vana kon ɲumnin mɛɛ tɛ̀ngɔ́ɔ́ ɲum o ɲumndan nin nuaa yɛ.

2Dɛnnda lemasalan 32:21

Mí Mɛlɛka viam mɛlɛkanɔɔ o dɔ́ɔ́ngɔ́ masaa Asiri nin, mó diw kuubaa cɔwva, simlacia vanaa cɔwva a vanaa a vanaa kùndàá kpow. Mí siɛmbulan la bii masaa Asiri, mó muungu o lɛŋnde ndɔlen nin. Ndóò luɛyɔɔ o cɛi hala ndɔɔ nin, mí poaa ndɔa dii ndu lon a mɔɛi cɔwve.

2Masaa 19:37

Paale pilɛ niko, o va o máán ndɔɔ nin, o va Nisrɔk hala ndɔɔ sooloo, mí poaa ndɔa ŋiɔnda, Adramelɛk nda Sarɛsɛr a kɔ dii ndu a mɔɛi cɔwve, má sɔndan, má kɔannun o lɛŋnde Ararat len nin. Mí Esar-Hadɔn po ndɔ koma sul masaa o fonda ndɔɔ.

2Samiɛl 16:11

Mí David dimul Abisai a vanaa ndɔa baalaa kpow aa: «Po ni ya pila solin o ipulu-o yeema vɔ le ya diyɔɔ, ko caan fulan hoo pɔɔli o polale Bɛnyamɛn-nden nin-ndo. Lelan, la mal ndu lon, o yeow ya, te lende Mɛlɛka dimi ni.

Tɔŋ miingua 27:16

Màá dangaa va vana tɛɛndan fuɲa ndɔ a kala ndɔ-o coo! Vannda kpow a cɛlnin aa: ‹Amiina!›

Tɔŋ lasálàá 20:9

Te vanndo mɛna pɛ fuɲa ndɔ, te kon te kala ndɔ, vana mɛna kon-ndo bɛnda mò sɔla piɔ́mndo. Ndu pila nuwviaa piɔ́m ndɔ kon ni, kani o mɛna vanaa velu ndu-a.

Fulaa 21:14

Kɛ te vanndo tisa pɛ vanacieo coo, mò dii ndu a kɔlvesɛiyo, hali vana kon kɔ vionnun bɛɛ o fonda-loamaa-lasálà Hala-o ikɛi, la bɛnda mì la kɔ nan ndu lon, mì la hin a ndu, mì ndu bɛɛ sɔla piɔ́mndo.

Fulaa 20:13

La dii vanacieo le.

1Piɛr 2:7

Bɛɛlen le co le niaa vanaa laalannda. Kɛ le vanaa kɛɛ le laalanndo-a, pow vanaa tangulaa viow-vo, ndu siŋnun pow lebollo ni,

Hebreea 12:16

La caa taw! Màá vana-vana va niaa tɛɛn vana laasianndo mò kɛɛ ɲɛm Hala-on yii luɛyɔɔ maa Esau le, kani le ɲɛdiaa dio lepilɔɔ kpé, mó pisi fonda ndɔ ikaasonyaa.

Kalatea 5:21

yeemɛi bɛnduei, mɔiyan yɔngɔnndo, pululen a dɛnnda vaa lende. Vanaa co dɛnndan ndan tosaa-a, i co niaa ndi pɔɔ dimul maa mɛɛ ya dimúl nin niaa ndi yɛ, nda sɔlanin kɛ o masale Hala len nin te few.

Kalatea 5:18

Kɛ te Kɔl-Diandaa sim pɛ niaa laci, mɛɛ la va lɛ o cɛle tɔŋndo bɛngu le.

1Timote 4:7

Kɛ mal talela fondolan, la vanlaandua yuuvɛiya dimi lan ndan, mà kindin ma vo Hala.

1Timote 6:20

Nɔm Timote vana hɛnan ya-o, manda ke n sɔla-o ɲɛkɛndɛi. Kpakpala sɛɛngiannda fondola yɔngu vana laalan te lan, mà mal sɔɔn fondon vannda veelu aa dɛnɛ sinaa-on.

2Timote 2:16

Vow sondoo o sɔɔn fondon idiɔmndon nin te, kani sɔɔn mun n tosa ni mì vannda cɔɔlu Hala faaŋian.

2Timote 3:2

Kani vanndacieea kaolannin nda pila, mà kaola volion. A vanin vanaa heelannda, a vanaa yongaa. A vanin sɔɔn tanan dimio a Hala o kɔɔ. A venin sɔɔn vanaa velu nda-a biyɔɔ le, a venin vanaa sinaa ikɛndɛ le, a kenin ɲɛm diandan Hala-on lebɛɛ le.

Tite 1:6

Simlacinɔ vanaa laalannda bɛnda mò va vana yaalan too, o bɛnda mò nɔ lanɔɔ ndu pilɛ. Mì cuavaa ndɔa va vanaa laalannda, o va cuavaa vannda co cɔu kela vɔɔndo o hɔl-la le, te kon te mà kɛɛ sɔɔn biyɔɔ-a le.

Tite 1:10

Kani vanaa bɔɔ-bɔɔ co Yuifia laalan-nda tɛɛn, vanaa nila kalua, vanaa sondola yeelɛiya a vanaa huiyaa n'vannda nda co ni.

Yude 1:15

le yamɛi vannda kpow kiolɔɔ, le vanaa lahakia kpow sangaa tuisio coo le dɛnnda vɔɔnnda kɛ́-kɛ̀ nda tosa má simul Hala, a le sɔɔn vɔɔŋun kɛ́-kɛ̀ vanaa nɔ kan lebɛɛ le-a dimi a ndu Hala-on.»