1Timote 1:17 - BII BILA

¹⁷ Màá Hala Masa co le fɛɛn a fɛɛn-ndo, o vi loo, o co Hala ndu pilɛ kpé-o va bɛɛlen sɔlaa a biiloo lɔ́ɔ́-lɔ́ɔ̀! Amiina!

1Timote 1:17 Referans Kwoze

Yude 1:25

biiloo co le Hala Vana naa ciindiaa ndu pilɛ kpé, o Maalii naa Yeesu Krista nin. Biiloo, bɔɔbɔɔyɛi, kpaayaa a dio co le ndu kabi paandu, sunsun a le fɛɛn a fɛɛn. Amiina!

Dɛnnda cɔɔmuanndan 19:1

O kon kɔɔli, mí tuɛi ɲɔɔ maa diom sɛ́lɛ́ bɛndu o halataala, mo va dimio aa: «Halelu-ya! Cindaa, biiloo a kpaayaa co le Hala naa,

1Dɛnnda lemasalan 29:11

Le nɔm Mɛlɛka bɔɔbɔɔyɛi, kpaayaa, biiloo, masalen a naŋɔɔ fɛɛn-fɛɛndo co ni. Kani ɲɛm co o halataala-on a mun o lɛŋnden coo n co le nɔm. Nɔm nɔ masalen ɲɔɔn kpow coo ni.

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

Kolɔsea 1:15

Yeesu co vundule Hala vana ci le len ni. Ndu co Po tasoo o ɲɛm Hala cɔw-von kpow nin ni,

Dɛnnda cɔɔmuanndan 19:16

Diolan lapum la va lasɛvaalan ndu o doma bɛndoo coo a ndu o lɔloo coo aa: «Masa hiow masaa-o a Vana bɛndu hiow vanaa bɛndua-o.»

Rɔmnda 1:23

Má mangala biilu Hala tembu loo a tuuliaala ɲɛm tambu-on: tuuliaala vanndacieea, la yowva, la visia pelun hiɔɔlua a la visia sasun lɛŋ o kɔlan-nda.

Condii lisai 45:6

Kɔɔn nɔmndon co n'siɛɛmbiaa siembulu-siembulu, n co vanaa súúla celennda mɛlio nɔm o labɛngunin. Kɔɔn mun co yaamɔaa masaa kɔltan buuluuo.

Dɛnnda cɔɔmuanndan 19:6

O kon mí tuɛi diomndo maa diom sɛ́lɛ́ bɛndu, maa diom mɛmma bɛndu, vanáà tuei vɛlɛ pɛ aa diom mataŋ bɛndoo ni, mó va dimio aa: «Halelu-ya! Kani Mɛlɛka Hala naa, Vana-Kpaayaa-Kpow co masalen tosaa.

1Nsaŋ 4:12

Kabi bɛɛ vana ci vɔ Hala le. Te n kaolian pɛ vellaa-velle, Hala co naa o lakɔl, mì kaola ndɔɔ co o tiuvan naa nin sɔ́.

Nsaŋ 1:18

Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

Matie 6:13

Mal naa mì n del o tɔɔndan nin te, kɛ baŋa naa masa ɲinaa vɔɔnda o ba. [Kani nɔm nɔ masalen, kpaayaa a biiloo le fɛɛn a fɛɛn ni. Amiina!›]

Condii lisai 90:2

Lɔ́ɔ́ pá mí pembon fula, lɔ́ɔ́ pá mí lɛŋnden a ceendo kandun, nɔm co Hala fɛɛn-fɛɛndo ni.

Condii lisai 10:16

Mɛlɛka co masaa le lɔ́ɔ́-lɔ́ɔ̀ ni, le fɛɛn a fɛɛn pɛɛn. Vanaa-mangalaa-isɔɔa cuunin o lɛŋnde ndɔlen coo.

Dɛnnda cɔɔmuanndan 15:3

A va condii Moise vana baala Hala-o a condii saa téndóó solio aa: «Mɛlɛka Hala nɔ kpaayaa kpow-vo, dɛnnda nɔmndan la co dɛnnda kɔndɔfilta bɛndu, nɔm Masa vanaa-mangalaa-isɔɔa, tuula nɔmndan la sandu, la co toɲa!

Dɛnnda cɔɔmuanndan 7:12

má va dimio aa: «Amiina! Sangalaa, biiloo, kɔlkaloo, balikaa, bɛɛlen, kpaayaa a yoomuan ma co le Hala naa le fɛɛn a le fɛɛn! Amiina.»

2Piɛr 3:18

Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.

1Piɛr 5:11

Ndu kpaayaa co o ba le fɛɛn a fɛɛn ni. Amiina.

Hebreea 11:27

A laalanndo, mí Moise faŋan Esipte, siòòŋii bii ndu le kɔl tambɛi masaa le. Mó sim yili, vanáà ca ko aa Hala vana ci loo o va cɔu ni.

Rɔmnda 16:27

Hala nɔ kɔlkaloo ndu pilɛ kpé-o biiloo bɛnda o Yeesu Krista nin le fɛɛn a fɛɛn ni. Amiina!

Rɔmnda 11:36

Kani ndu o ba ɲɛ-ɲɛ fula ni, ndu toosiaa ɲɛ-ɲɛ ni, le ndu ɲɛ-ɲɛ co ni. Biiloo co le ndu le fɛɛn a fɛɛn! Amiina.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

Rɔmnda 1:20

Bau kabi Hala cɔw ceendo, kpaaya ndɔ lɔ́ɔ́-lɔ́ɔ̀-o a halayɛi ndɔɛi vana ci lei cɔmnun kpendekele o dɛnnda ndɔlan nin le mɛɛ vannda bii lan bila yɛ. Lelan vanndacieea nɔ lɛ mɛɛ dimia le.

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Matie 25:34

O kon masaa dimulnin a vanin ndu o ba kɛndɔɔ coo-a aa: ‹La hun, niaa Fuɲa nuu dɔw duaa-a. La hun mì la sɔla Masalen kɛ́ɔ, masale toosian le niaa kabi o ceendo cɔvɔɔ len.

Malasi 1:14

Dɛnɛ palaa co le vana kon, ó nɔ saa kóndóa kɛndɛ-kɛndɛa o cɔlua ndɔa tɛɛn, kɛ mó mɛi kan, mó kɔ bii o ɲavɛiyo le ndu ya sálàá solullo-o! Dɛnɛ palaa co le vana kon, kani Masa bɛndoo ya co ni. Vanaa-mangalaa-isɔɔa kpow a nɔ siòònde a diola nilan. Mɛlɛka-Nɔ-Kpaayaa-Kpow-vo dimi lende ni.»

Misee 5:2

Lelan Mɛlɛka malnin vanaa ndɔa háá mì vanalanɔ bɛnda kon le violɔɔ-o velu. O kon mì puapilɛa ndɔa tɔ̀a vanin o biyɔɔ nin-nda muungu cuavaa Israɛlla tɔ̀a ikɛi.

Daniɛl 7:14

Mí vanabɛnduyɛi, masalen a bɛɛlen le yɔngun ndu. Mí vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda a tosal ndu baalaa. Vanabɛnduyɛi ndɔɛi co le fɛɛn a fɛɛn, i cuu lɔ́ɔ́-lɔ́ɔ̀ le. Masale ndɔlen le tembunin fɛɛn a fɛɛn te.»

Daniɛl 4:34

Lelan sisa, ya Nebukanɛsar, i candu Masa kpeekpei co o halataala-o. I lisa ndu, i co ndu biiloo. Dɛnnda ndɔlan kpow, dɛnnda toɲalan la co ni. Nɛila ndɔlan kpow, nɛila sandaalan la co ni. O tiwba mò tuisi vanaa co kelaa o kuundianndo nin-nda siɛmbulan.»

Yeremi 10:10

Kɛ Mɛlɛka, Hala kpeekpeiyo o co ni, Hala nɔ yoomoo o ba-o, masa co le lɔ́ɔ́-lɔ́ɔ̀-o. Te o tambu pɛ kɔllo, lɛŋnden le ɲiiya, vanndacieea nɔla kɔl ndɔ tuwvo simullo le.

Condii lisai 145:13

Masale nɔmnden le nɔ lamɛɛlu le, sul nɔmndo vanin le fɛɛn a fɛɛn. Mɛlɛka lo o lediom coo-o n co ni, naŋɔɔ nɔmndo co o ɲɛm n cɔwvon nin kpow.

Condii lisai 106:48

Màá la va Mɛlɛka Hala Israɛlla balikaa mello lɔ́ɔ́-lɔ́ɔ̀! Mí vannda kpow muli aa: «Màá i tosan lende.» La lisa Mɛlɛka!

Nehemi 9:5

O kon kɔɔli mí leviia: Yosue, Kadmiɛl, Bani, Hasabnia, Serebia, Hodia, Sabania a Petahia dimi aa: «La cɔn mì la mel Mɛlɛka Hala niaa balika. La mel ndu balika le fɛɛn a fɛɛn.» «Màá diola nɔmnda tɔ́ɔ́lan la sɔla biiloo, kani diola hiow naŋɔɔ lan la co ni.

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Condii lisai 57:11

Kani kɛndɛi nɔmnde tiiya o halataala di, sakpoyɛi nɔmnde tiiya o yumbuyumboo nin di.

Condii lisai 45:1

Condii poaa Kore-a, í fula o condun simlacinɔ vanaa n'condua nin-nde. Condii kaolai, ì vana soli a ɲɛ-caa iyoo-e.

Condii lisai 41:13

Nɔm, a tosanin i venin vana tɛɛmbua isɔɔ le, A mandanin ya nɔm ikɛi lɔ́ɔ́-lɔ́ɔ̀.

Nsaŋ 5:44

Vɛ̀ɛ̀ niaa nɔla yɛnin laalanndo, la co niaa pila candanndo vellaa-velle, la co candɔɔla Hala lan kínɛí nuwviaa le?

Rɔmnda 2:10

Kɛ nduyɛ, biiloo, bɛɛlen a kɔlɲuloo vanin le vana-vana co dɛnɛ kɛndɔɔ tosaa, kandɔɔ a Yuifia, kɔ bii a vanaa co N'Yuifi le-a.

Hebreea 2:7

A dɔɔniaa ndu hiovɔɔ mɛlɛkaa coo le telen bingi, má ke ndu biiloo a bɛɛlen,