1Timote 1:15 - BII BILA

¹⁵ Sɔɛi toɲɛi co hee ni, i vannda kpow a bɛnda mì n cɛl-le: Yeesu Krista hin o ceendo coo le vanaa lahakia ciindiaa. Ya co vana lahaki tasoo o nda tɛɛn ni.

1Timote 1:15 Referans Kwoze

Marke 2:17

Mí Yeesu tuɛi sɔɛi ken, mó dimul nda aa: «O co vanaa connun kɛndia-a le a nɔ makoo a vana singiaa le, kɛ a co a nààlan-nda. O co vanaa sandaa le ya hin veelu le, kɛ vanaa lahakia.»

Luke 19:10

Kani Po vanacieo hin le vanaa va o lou nin-nda nuwviaa, mò ciindiaa nda.»

Nsaŋ 12:47

Te vanndo tuei pɛ sɔɔn nun, mò bii mun te, o co ya le kialu ndu iyama le, kani i hin le ceendo yaala le, kɛ le ndu ciindiaa.

Nsaŋ 1:12

Kɛ nduyɛ, vanaa cɛl ndu-a kpow, a laalan o diola ndɔlan-nda, mó ke nda dio le siŋnɔnndo cuavaa Hala-a.

Luke 5:32

O co vanaa sandaa le ya hin veelu le, kɛ vanaa lahakia, haliko ma mal yɔŋ vɔɔndo, ma mangalan.»

1Nsaŋ 3:5

Nduyɛ la sínà maa le hakilan faŋaa Maalii fula ni, haki co o ndu nin te.

1Timote 1:13

Ya va paandu sɔɔn tanan dimio a ndu o kɔɔ-o, ya va ndu yɛlen tollo mí i va ndu yeowlan-ndo pɛɛn. Kɛ Hala tuinun ya iɲíí, kani o sínà lepɛŋndo nin a o laalan lepɛŋndo nin ya va kon tosaa ni.

Matie 20:28

Lende Po vanacieo hin ni. O hín mì vana tosal ndu baala le, kɛ le vannda baalaa tosallo a le yoomu ndɔɔ yɔngoo le vanaa bɔɔ-bɔɔ baŋaa.»

1Korɛntea 15:9

Nduyɛ, o kiila tɛɛn kpow, ya co o sɔvɛ taw le ni, i co bɛɛ o sɔvɛ le ya veeloo aa kiilaa le, kani i tol kunda Hala-o yɛlen.

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

Matie 9:13

La kɔ nuwviaa kɔlɔ sɔɛi he aa: ‹Vannda ɲííye tuinɔnndo hɛnan ya ni, o co sálàlan solio le.› Kani o co vanaa sandaa le ya hin veelu le, kɛ vanaa lahakia.»

Matie 1:21

O co hunɔɔ hɔ́ɔ́ piaandoo violɔɔ, mà ke ndu diolan aa Yeesu, kani ndu ciindiaanin vanaa ndɔa ni, mò soli nda o hakila ndalan nin.»

Hebreea 7:25

Lelan, Yeesu nɔ kpaayaa le vanaa tiindan ndu le sɔɔnguuo Hala ikɛi-ya ciindiaa le fɛɛn a fɛɛn. Kani o co yoomu le lɔ́ɔ́-lɔ́ɔ̀, o tiwba mo va lɔ́ɔ́-lɔ́ɔ̀ Hala ɲɔɔloo le nda.

1Timote 4:9

Sɔɛi toɲɛi co hee ni, i vannda kpow nɔ ma bii-e.

Rɔmnda 5:6

Tuma naa n nɔ vɔ mayoomu loo, mí Krista vu le naa vanaa lahakia o telen kelun-ndo.

1Nsaŋ 3:8

Vana tosa pɛ hakio, mɛɛ le masa ɲinaa vɔɔnda vana kon co ni, kani o kandɔɔ pɔ́ masa ɲinaa vɔɔnda ndu tosa hakio ni. Po Hala-o ndu fula, haliko mo tɛɛmbuu baala masa ɲinaa vɔɔnda.

1Timote 3:1

Sɔɛi toɲɛi co hee ni: te vana pum yeema pɛ le simlacilen sɔlaa vanaa laalannda tɛɛn, mɛɛ baala sɔvɛɔ o yeema lende ni.

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Dɛnnda cɔɔmuanndan 22:6

Mí mɛlɛkanɔ kon dimul-la aa: «Sɔɔn vana bɛnda le laalanndo-on a sɔɔn toɲan sɔɔn mun co ni. Mɛlɛka, o nɔ kɔlta vanaa-tɛɛngaa-diom Hala-a o ba-o vem mɛlɛkanɔ ndɔɔ le vanaa ndɔa baalaa ɲɛ yɔŋnunnin nanu a telen bingi-o cɔmndo.»

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

Tite 3:8

Sɔɛi toɲɛi co hee ni. I yeema ma tiinda pelei lecoo ɲɛkɛndɛi, haliko mi vanaa laalan Hala-a yɔngun nda pila, mà va dɛnnda kɛndɛlan tosaa. Dɛnnda naŋ mì la co vannda tɔnɔɔ lueiloo lan.

2Timote 2:11

Toɲaa sɔɔn mun n co ni: «Te n vi pɛ latulu naa Yeesu-a, n vanin vɛlɛ yoomu naa ndaa.

Dɛnnda kiilaa 3:26

Le niaa Hala cuu vana ndɔ baalaa ni. O cuu ndu haliko mi vana-vana mal kela ndɔ vɔɔndo, mì la sɔla duaa.»

Nsaŋ 3:36

Vana laalan pɛ Poo, ndu sɔla yoomu fɛɛn-fɛɛndo. Vana kɛɛ pɛ le Poo laalanndo, ndu sɔlanin yoomu kon te, kɛ kɔltuw Hala-o vanin vana kon coo.»

Dɛnnda cɔɔmuanndan 21:5

O kon mí vana va icali o kpɛŋɛ lemasaa coo-o dimi aa: «I co ɲɔɔn kpow mingi n'sɛnɛi.» O kon mó dimi aa: «Sɛva sɔɔn mun, kani sɔɔn vana bɛnda le laalanndo-on a sɔɔn toɲan n co ni.»

1Nsaŋ 5:11

Seile len le co len ni: Hala ke naa yoomu fɛɛn-fɛɛndo, o Po ndɔɔ nin yoomu kalaa co ni.

1Timote 1:19

mà lo o laalanndo coo, mà nɔ yiyan kɛndɔɔ! Vanaa pum a tui yiyannda kɔlta ndalan diom te, ɛɛ nduyɛ, má mal laalanndo.

Matie 18:10

La mandan le cuaambɔa pɔmbɔa vaa nuaa o pilɛ pɛɛsaa. Kani i co niaa dimul, mɛlɛkaa ndaa co Fuɲa ni co o halataala-o hɔlla tofaa o halataala tuŋ-tuŋ.

Dɛnnda kiilaa 11:18

Mɛɛ nda tuei sɔɔn mun, mí nda kpow a mei, má candu Hala aa: «Mɛɛ Hala cɛl mì vanaa co N'Yuifi le-a bɛɛ mangala kelala ndalan, mà sɔla ciinda kpeekpeiyo.»

Dɛnnda kiilaa 11:1

Mí kiilaa a vanaa laalaŋaa va Yuda-a tuɛi maa vanaa ve N'Yuifi le-a bɛɛ a bii sɔɛi Hala-e.

Esekiɛl 16:63

Kon tosanin haliko ma yiyan a ɲɛ tosan paandu-o, mì siɛmbulan la bii nɔm, bako bɛɛ a suu lɛnin te. Kɛ ya, i malnin nɔm haki le dɛnnda vɔɔnnda n tosa lan kpow. Ya Maalii, ya co Mɛlɛka-o soo nuaa ni.»

SƐBƐ YƆB-O 42:6

Lelan, diom oo diom yáà dimi a nɔm o kɔɔ, i ce nihau maa i nɔ dí le. A ce ya lɛŋ o cundoo nin a o pultan nin sakpo.›»

Luke 15:2

Mí Faliisia a vanaa pɛɛkaa latɔŋnda a va dimio tootoo aa: «Fallo ho co cɛlɔɔ le dioo nda vanaa lahakia.»

Rɔmnda 11:14

I nɔ kɔlkɛsiaa maa te i dimi pɛ lende, ken co kɔl paŋalaa luei vanaa naa n co súú pilɔɔ-a nin, o kon mì vanaa pum a sɔla cindaa.

1Timote 6:13

I co nɔm ɲuna Hala o hɔl, o yɔngu ɲaa yoomaa kpow yoomoo-o, a Yeesu Krista o hɔl, ó soli seile kɛndɛlen Pɔnse Pilate o hɔl-lo,

Matie 18:11

Bau Po vanacieo hin le o lo-o ciindiaa.»