1Timote 1:13 - BII BILA

¹³ Ya va paandu sɔɔn tanan dimio a ndu o kɔɔ-o, ya va ndu yɛlen tollo mí i va ndu yeowlan-ndo pɛɛn. Kɛ Hala tuinun ya iɲíí, kani o sínà lepɛŋndo nin a o laalan lepɛŋndo nin ya va kon tosaa ni.

1Timote 1:13 Referans Kwoze

Dɛnnda kiilaa 8:3

Kɛ Sol ndu, ndóò yeema mì ndóò puusiaa vanaa Krista-aa. Mó va keiyo cɛilan nin vanaa laalannda biwvo, vanpiaandua a vanlaandua, mó va nda malɔɔ o kaasoo.

1Piɛr 2:10

Niaa ve paandu vanaa ndɔ le, kɛ hau nin, la siŋnun yungu Hala-o, ɲíí ve paandu le niaa le, kɛ hau nin la sɔla ɲííye tuinɔnndo.

Dɛnnda kiilaa 9:13

Kɛ mí Ananias muli aa: «Mɛlɛka, vanaa bɔɔ-bɔɔ a dimul-la sɔɔn a langbanɔ kon o kɔɔ, má dimul-la vɛlɛ dɛnnda vɔɔnnda o tosal vanaa nɔmnda Yerusalɛm-ndan.

Hebreea 4:16

Lelan n sɔɔngun Hala kaola naa-o o ibuŋ a laalanndo mì n sɔla malɔɔ lahakio, mò tuinun naa iɲíí le naa malaa o telen bɛnda-o.

Dɛnnda kiilaa 3:17

Nduyɛ, puapilɛa nia, i sínà maa niaa a simlacia niaa, la bii ɲɛ niaa tosa kon a ndu-o bila le.

Luke 23:34

Mí Yeesu dimi aa: «Pua, mal nda haki, kani a sina ɲɛ nda co tosaa-o le.» O kon kɔɔli, má mal siondei le volɔɔla ndɔla cuɛinanndan piɔvanndo.

1Timote 1:16

Kɛ lelan Hala tuinun ya iɲíí ni. Yeesu Krista ndóò yeema mí ndóò cɔm biuvɔn ndɔ nɔ lamɛɛlu loo o ya vana lahaki bɛndoo nin, haliko mi biuvɔn kon va tɔɔmaseloo le vanaa ndáà hun laalannin ndu, mì ndáà sɔla yoomu fɛɛn-fɛɛn ndo-a.

Filipea 3:6

Le a ba tɔŋndo o kɔɔ yɛ, Faliisinɔɔ ya co ni. Te le dialun fulan a dɛnɛ dinaa o kɔɔ ni, vana tol kundala vanaa laalannda yɛlen-ndo ya yɔŋnun ni. Te le sandei a ba tɔŋndo ni, vanáà yaala ya nɛɛ-nɛɛ le.

Kalatea 1:13

Kani la tuei tɔ́ɔ́ la ɲɛ ya tosa lɔ́ɔ́ kon-ndo, telen ya va o kaannde Yuifia-o: i va vanaa Hala-a yɛlen tollo a labɛɛla kpeekpei, mí va kindinndo le nda puusiaa.

1Korɛntea 15:9

Nduyɛ, o kiila tɛɛn kpow, ya co o sɔvɛ taw le ni, i co bɛɛ o sɔvɛ le ya veeloo aa kiilaa le, kani i tol kunda Hala-o yɛlen.

1Korɛntea 7:25

Le felengia sínà vɔ dɛnɛ vanapɔnɔ le-a yɛ, Maalii dimul-la isɔɔ a nda o kɔɔ le, kɛ yiyan nuu ya co dimi ni, ya Mɛlɛka ce ho ɲia mó siinguu ya vana o nɔla mò tiindan-ndo-o pɛɛn.

Dɛnnda kiilaa 22:4

I saangiaa vanaa va kelaa o nɛi Yeesu-o ho coo-a, mí mɛɛlu nda pɛɛngu piɔ́mndo. Mí bii vanpiaandua a vanlaandua, mí mal nda o kaasoo.

Dɛnnda kiilaa 9:5

Mí Sol ɲuna aa: «Nɔm nɛ̀ɛ́-nɛ̀, Maalii?» Mí diomndo muli aa: «Ya ni, Yeesu n co yɛlen tollo-o.

Dɛnnda kiilaa 9:1

O telen kon, Sol va hiovɔɔ laci a kaandeŋaa Yeesu-a kɔngɔlanndo le nda diwvo. Mó kɔa o bolle vanaa-solia-lasálàá lo,

Luke 12:47

Buɛi sina kon hɛnan vana ndɔ bɛndoo, kɛ o toosiaa ɲɛ-ɲɛ loo, o tosa vɛlɛ hɛnan vana ndɔ bɛndoo loo sɔlanin lɔɔ taw.

Osee 2:23

Mɛlɛka dimi nuaa ni aa: «Paale len, i mulinin piɛilen. I mululnin halataala piɛilen, mì halataala mulul lɛŋnden piɛilen,

Kundalan 15:30

Kɛ te vanndo tosa pɛ dɛnɛ vɔɔndo a kɔlvesɛiyo, o va cua pilaciee o va mial, mɛɛ ya Mɛlɛka o tɛɛndan ni. Lelan, a bɛnda mà faŋa ndu Israɛlla tɛɛn few.

Tɔŋ lasálàá 13:16

Te falii kiyɛyii ken i mangalan pɛ mì i muungu ihumbu, vana nàà kon muungu o vana-solia-lasálàá lo.