1Tesalonikea 4:9 - BII BILA

⁹ Hali mì n sɛval bɛɛ niaa a kaola bɛnda mò va vanaa laalannda tɛɛn-ndo o kɔɔ le, kani niaa pila sɔla pɛɛkoo Hala o ba maa la kaolian vellaa-velle.

1Tesalonikea 4:9 Referans Kwoze

1Nsaŋ 3:11

Pɛɛku niaa tuei kabi o tasendɔ-o co hoo ni aa: «N kaolian vellaa-velle.»

Rɔmnda 12:10

La kaolian vellaa-velle maa cuavaa mɛɛle pilɛ. La kindin fɔlɔn mì la kenan bɛɛlen vellaa-velle.

1Nsaŋ 3:23

Tɔŋ ndɔ kon co yɛ hoo ni: n laalan o diola Yeesu Krista Po ndɔ lan, mì n kaolian vellaa-velle maa mɛɛ sɔɛi o dimul naa-e co yɛ.

1Nsaŋ 4:21

Ndu dimul lɛ naa sɔɛi he ni aa: vana kaola pɛ Hala, ndu kaola vɛlɛ puapilɛ ndɔɔ.

Hebreea 13:1

La hiow laci a kaolianndo vellaa-velle maa n'puapilɛ.

1Tesalonikea 5:1

Puapilɛa naa, hali mì n sɛval lɛ bɛɛ niaa a palɛi a á telenndan o kɔɔ le,

Dɛnnda kiilaa 4:32

Nda kpow aa nɔ kɔl pilɔɔ a yiyan pilɔɔ. Vana-vana ve dimi le maa le ndu pila ɲɛm ndɔn co ni, kɛ le nda kpow ɲɛ vana-vana va ni.

1Nsaŋ 2:10

Vana kaola pɛ puapilɛ ndɔɔ, mɛɛ ndu co o ɲɛ-tengaa nin, ɲɛ-ɲɛ tosa mò del co le.

2Piɛr 1:7

mì la handu hɛɛnianndo o ipuapilɛyɛi nin o ɲííye coo, mì la handu kaolaa o hɛɛnianndo o ipuapilɛyɛi nin coo.

1Piɛr 4:8

I tasei ya co niaa dimul-le, la kaolian vellaa-velle ɲɛkɛndɛi, kani kaolaa kumbu hakila bɔɔ-bɔɔ.

1Piɛr 3:8

O mɛɛlulan, la nɔ yiyan pilɔɔ a ɲííye. Kaolaa va o piaa niaa o lakɔl le puapilɛa niaa, la nɔ kɛndɛi a tuisinndo.

Hebreea 10:16

«Mɛlɛka dimi aa kpema ya yiinin a nda o palɛi ken kɔɔli-o co hoo ni: I vownin tɔŋnda nilan nda nin, mì sɛva nda lan o lakɔl.»

Nsaŋ 14:26

Kɛ vana ɲɔɔlaa, Hala Kɔl-Diandaa Pua yɔŋnin o diola nilan-ndo, ndu pɛɛkunin niaa dɛnndan kpow, mò yiyalan niaa sɔɔn ya dimul niaa-on kpow.

Condii lisai 133:1

Condii fula o condun David-on nin-nde, condii vannda keì solio nɛi-tɛɛn o kɔlan-nde. Àá! O co bɔɔ dɛnɛ kɛndɛ a dɛnɛ ɲaaloo mì puapilɛa bɛnda o caltan nin!

Matie 22:39

O diinndɔɔ co hoo ni, ndu bɛɛ velan a o tasoo: kaola caanda maa nɔm pila.

Yeremi 31:34

Vana-vana pɛɛku lɛnin caanda le. Vana dimul-lɛnin puapilɛ ndɔɔ aa: ‹La sina Mɛlɛka› le. Kani nda kpede a sinanin ya, kandɔɔ a cuaambɔɔ kɔ tiiya a kaasonɔɔ dí. Sɔɛi fula Mɛlɛka o sondo-e co ken ni. Kani i malnin nda haki le sɔvun ndan, i loonun ndɛnin a hakila ndalan te.

Esai 51:13

Bàà ma pɔɛɛnun Mɛlɛka toosian nɔmndo, o tondu halataalaa mó kila lɛŋnden-ndo? Vɛ̀ɛ̀ ma lo ɲiiyaa a siòònde lepalaa-lepala le kɔltuw vana saangiaa n'vanndo maa mɛɛ o va o bɛɛndian le tɛɛmbuuo? Ɔ́ɔ̀ niko kɔltuw vana saangiaa n'vanndo?

Tɔŋ lasálàá 19:8

Vana de mun pɛ, mɛɛ o del kasi, o nɔɔliaa ɲɛ solin sálà le ya Mɛlɛka-o. Lelan, a faŋannin ndu Israɛlla tɛɛn few-few.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

2Korɛntea 9:1

Hali mì sɛval niaa sɛbɛ le malaa biyɔɔ le vanaa diandaa Yuda yoo le.

Filipea 3:15

Naa vanaa-vanaa n co kaasonnda o laalanndo nin, yiyanndo ho va naa o lakɔl. Te o va yɛ pɛ mì la nɔ yiyannda celen o dɛnɔɔ pum coo, Hala cɔmnin niaa vɛlɛ vakpa mɛɛ niaa bɛnda le ndu biyɔɔ yɛ.