1Tesalonikea 4:12 - BII BILA

¹² O kon, vanaa co vanaa laalan te-a kenin niaa bɛɛlen, la venin o ba vana bɛngu le.

1Tesalonikea 4:12 Referans Kwoze

Kolɔsea 4:5

La kela a taasi a vanaa co vanaa laalan te-a. La mal telen oo telen hiovɔɔ le.

1Piɛr 2:12

La nɔ kela kɛndɔɔ vanaa co vanaa laalan te-a tɛɛn, haliko a ɲiinduu niaa bɛɛ còòlan coo maa vanaa tosaa dɛnnda vɔɔn, mà ce dɛnnda kɛndɛla niaalan, mà biilu Hala paale o hunnin-nden.

Rɔmnda 12:17

La mingul vana-vana dɛnɛ vɔɔndo a dɛnɛ vɔɔndo le. La kindin mì la va dɛnɛ kɛndɔɔ tosaa vannda kpow o hɔl.

1Timote 3:7

Mɛɛ mì vanaa ceenda tɛnda seile ndɔle kɛndɛlen, yɔŋii o tambu tɔ́ɔ́ mo haw o yaŋɔɔle ɲina vɔɔndo.

Rɔmnda 13:13

N kelan kela sandaa, maa kela ipala déŋ. N vannun vanaa lepulua hiw dioo a kolɔɔ-a le. N vannun vanaa yiyannda vɔɔn, te kon te vanaa laasi-laasi le. N kpakpalan sɛɛngianndan a paŋalianndan.

Marke 4:11

Mó mulul nda aa: «Niaa, o kennun niaa le dɛnnda viannanndan sinaa a masale Hala len o kɔɔ, kɛ le vanaa celen, maa lasanda daama la co le nda ni,

1Tesalonikea 5:22

La mandán le dɛnnda vɔɔnndan kpow.

1Piɛr 3:1

Niaa vanlaandua bɛɛ, vana-vana tuisin pɔnɔ ndɔ o labɛngunin, o kon hali mì a pum o nda tɛɛn a laalan sɔɛi Hala-e le, mà sɔlan le kela laandua ndaa, o ve a isɔɔ le,

Filipea 4:8

Le sɔɔn tɔ̀un yɛ puapilɛa nia, la va kɔllo keelaa o dɛnndan ndan coo: dɛnnda toɲa lan kpow, dɛnnda lebɛɛlan kpow, dɛnnda sandaalan kpow, dɛnnda diandaa lan kpow, dɛnnda vannda hini kɔltan-ndan kpow a dɛnnda vanà sɔlà lisaa lan kpow.

Efɛsea 4:28

Vana co vuilenndo, ndu mal vuilen. Ndu pila tosa baalaa, haliko mo sɔla ɲɛ o piɔvan nda vanaa co o bahavɛiyo nin-nda-o.