1Tesalonikea 4:1 - BII BILA

¹ Le sɔɛi ciiyo puapilɛa nia, n cɔm niaa mɛɛ vana kela mà hɛnan Hala yɛ. Nduyɛ la co nin kelaa o nɛila lan coo. Kɛ sunsun, n co niaa ɲuna mì n tɛɛlun niaa o diola Maalii Yeesu lan, la cɔɔlu nɛila lan biyɔɔ.

1Tesalonikea 4:1 Referans Kwoze

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.

2Tesalonikea 1:3

Puapilɛa naa, mɛɛ mì n va Hala balikaa mello le niaa. O bɛnda mì n tosa kon, kani laalan niaa co cɔɔloo hiovɔɔ laci, kaola co niaa tɛɛn vellaa-velle-o co hiovɔɔ laci tuŋ.

2Piɛr 3:18

Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.

Hebreea 13:16

La pɔɛɛnun kɛndɛi tosaa a maalianndo vellaa-velle le, kani sálàla vaa lende la hɛnan Hala ni.

Filipea 1:9

O ya co Hala piɛyo le niaa-o, ndu co ho ni: mì kaola niaa va hiovɔɔ laci lɔ́ɔ́-lɔ́ɔ̀, mò pɛ a sina kpeekpeiyo a á dɛnndan bilaa biyɔɔ ɲɛkɛndɛi,

1Tesalonikea 3:12

Màá Mɛlɛka cɔɔlu niaa kaolaa tɛɛn vellaa-velle, mò cɔɔlu vɛlɛ ndu niaa a vanaa celen tɛɛn, mò va maa o naa n nɔ le niaa-o!

Filipea 3:14

i co kiltan le tiiyaa o mɛɛlulan, le ɲɛ ya co kiltan kɔɔli-o sɔlaa, sala baala Hala ke ya o Yeesu Krista nin-ndo pɛɛn.

1Nsaŋ 3:22

Ɲɛ-ɲɛ naa n ɲuna ndu pɛ, n sɔla ɲɛ kon ndu o ba, kani n co tɔŋnda ndɔlan biyɔɔ, mì n va dɛnnda hɛnan ndu lan tosaa.

Efɛsea 4:1

I co niaa tɛɛlɔn, ya co o kaasoo le Maalii-o, la kela kela bɛnda a veelu niaa sɔla-o-o.

2Korɛntea 13:11

Sisa yɛ puapilɛa nia, la lɔl kɛndɛ! La handu kɔltan o baala kɛndɔɔ coo, mì la lueinan yoomuan vellaa-velle, mì la va o kɔlɲuloo nin. O kon Hala nɔ kaolaa a kɔlɲuloo o ba-o vanin niaa ikɛi.

1Korɛntea 15:58

Lelan, puapilɛa nia hɛnan ya taw-va, la sim yili. La kpeeŋian te. La yɔngun lɔ́ɔ́-lɔ́ɔ̀ o baala Maalii-o nin, mì la sínà maa baala niaa co tosaa o Maalii nin-ndo co fúú le.

SƐBƐ YƆB-O 17:9

Vana lo o lediom coo-o sim yili o nɛi ndɔɔ coo, vanaa nɔ bala diandaalan-nda cɔɔlunin yoomuan sɔlaa.

2Tesalonikea 3:1

Puapilɛa nia, o ya yeema mì mɛɛlu niaa dimul-lo co hoo ni, la piɛi Hala le naa, haliko mi sɔɛi Maalii-e keleŋa sɛŋin nɛɛ-nɛɛ ka, mì i sɔla bɛɛlen mɛɛ o co niaa tosanndo tɛɛn yɛ.

2Tesalonikea 2:1

Le hunɔɔ Maalii naa Yeesu Krista-o yɛ, a le cuungian naa cuungiannin ndu ikɛi-yo, n co niaa tɛɛlɔn puapilɛa naa,

Kolɔsea 2:6

Lelan, mɛɛ niaa cɛl Maalii Yeesu Krista nuaa yɛ, la kela niko mɛɛ dɛnnda ndɔlan la co yɛ.

Filipea 1:27

Kɛ la kela mɛɛ Yoongu kɛndɛ Krista-o co yɛ. O kon, i kɔ o niaa lo, i kɔa le, i co tueyɔɔ maa la co yili o yiyan pilɔɔ nin, mì la va Yoongu kɛndɔɔ cɛwcɛwvo a laalan pilɔɔ.

Nsaŋ 15:2

Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ.

Condii lisai 92:14

Le tùú nda co a tɔalaa o Cɛi-Hala-o nin-ndo, a kuinin o Hala naa lo bɛɛ.

1Tesalonikea 4:2

Kani la sínà pɛɛkula naa n yɔngu niaa fulaa Maalii Yeesu o ba lan.

2Korɛntea 5:9

Kɛ ɲɛ tase naa n yeema-o co ni, mì hɛnan Mɛlɛka, n va o dialun ivanacieeyan mun nin, n va lenin te.

Rɔmnda 8:8

Nduyɛ vanaa co kelaa o falon nin-nda tiwba mà hɛnan Hala le.

Talelan 4:18

Maa ɲɛ-tengaa vavonndo nɛila vanaa sandaa la co ni. Ɲɛ-tengaa ndaa lo tengaa háá a paale kalalen.

Hebreea 13:22

Puapilɛa nia, i co niaa tɛɛlɔn mì la yaŋ nilan ɲɛkɛndɛi o sɔɔn ya sɛval niaa mun le niaa yoomuan lueiyo-on. O co bɛɛ sɔɔn bɔɔ le ya sɛval niaa le.

Hebreea 11:6

Nduyɛ, te o co a laalanndo le, vana-vana nɔla Hala hɛnan te. Kani, vana va pɛ Hala sɔɔnguuo ikɛi, fɔ mò laalan maa Hala co, maa o salanin vanaa co ndu nuwviaa-a.

Efɛsea 5:17

Lelan, la va n'diɔm te, la sínà ɲɛ co hɛnan Mɛlɛka-o o.

Efɛsea 4:20

O co kon te niaa pɛɛkuu a Krista o kɔɔ le.

2Korɛntea 10:1

Ya Pol, i co niaa tɛɛlɔn o yeela Krista-o nin a o vanakɛndɛyɛi ndɔɛi nin, ya vana vannda co hoo dimio maa te i va pɛ niaa tɛɛn, i soo fɛ́ɛ́-fɛ́ɛ́ a niaa, kɛ te i va pɛ niaa levil, i soo a hɔlta kalalan-ndo.

2Korɛntea 6:1

Lelan, naa co vallo a Hala diom pilɛ-a, n co niaa tɛɛlɔn, la cɛ̀l mì kɛndɛi niaa sɔla Hala o ba-e i tambun fúú le.

1Korɛntea 15:1

Puapilɛa nia, i co niaa Yoongu kɛndɛ ya tiiyal niaa-o yiyalan, o niaa cɛl mì la sim lecoo yili-o.

1Korɛntea 11:23

Kani naamu ya tɛɛngul niaa-o, Maalii o ba ya sɔla ndu ni. Icɔl nda mal Maalii Yeesu vannda o ba-o, mó cua buloo,

Dɛnnda kiilaa 20:27

Kani i cɔm niaa tuula Hala lan kpow, i vin niaa ɲɛ-ɲɛ le.

2Timote 4:1

I co nɔm sila Hala hɔl a Yeesu Krista o hɔl kpendekele, o co hunɔɔ kɔɔsɔ vanaa co yoomu-a a vanaa vi-a kiolɔɔ-o, mì sila nɔm o diola hunɔɔ ndɔɔ a o diola Masale ndɔlen,

1Timote 5:21

I co nɔm ɲuna Hala o hɔl, Yeesu Krista a mɛlɛkaa sɔla hɛlio-a kpow o hɔl, mà bii silalan ndan, hiyan vana-vana le, tosa ɲɛ-ɲɛ a lakafa le.

Kalatea 6:1

Puapilɛa nia, te la saalun pɛ vanndo pum dɛnɛ vɔɔndo tosaa, o bɛnda mì niaa co vanaa kɔlla-a mingi ndu o nɛi o fɛ́ɛ́-fɛ́ɛ́o nin. Kɛ niaa pila mandan dɛ, yɔŋii niaa bɛɛ sɔla tɔɔndanndo.

1Tesalonikea 5:12

Puapilɛa naa, n co niaa tɛɛlɔn, la ke vanaa co niaa baalaa tɛɛn-nda bɛɛlen, vanaa Hala vem le niaa simndan laci ma vá niaa pɛɛkoo-a pɛɛn.

2Tesalonikea 3:13

Niaa yɛ puapilɛa naa, la sangà a dɛnɛ kɛndɔɔ tosaa le.

2Dɛnnda lemasalan 17:4

Kɛ mó kindikindin le Hala fuɲa ndɔ mamaa sinaa a le silala ndɔlan biyɔɔ. O del dɛnnda vanaa tɔ̀a va tosaa Israɛl-tan kɔɔli le.