1Tesalonikea 3:5 - BII BILA

⁵ Lelan, le mɛɛ yáà tiw lɛ ba cum kon yulɔɔ le yɛ, mí viam Timote le kɔlan sɔɔn ɲuuniaa a laalan niaa o kɔɔ. I va buulanndo yɔŋii ɲina vɔɔndo ndóò tɔɔndan niaa, mì vali naa ndóò siŋnun fúú.

1Tesalonikea 3:5 Referans Kwoze

Matie 4:3

Mí masa ɲinaa vɔɔnda, o tɔɔndàn vannda-o sɔɔnguu ndu ikɛi, mó dimul ndu aa: «Te po Hala-o n co ni, dimi vɔ mì powtan ndan la siŋnun ɲɛdiaa.»

2Korɛntea 2:11

yɔŋii Setana hui naa. Nduyɛ, n sínà yeemɛi ndɔɛi.

Filipea 2:16

kani la nɔ sɔɛi yoomuɛi. Lelan siɛmbula biinin ya paale Krista hunnin-nden te, kani i ɲeenun ɲaanɔn fondo le, i sanga sanga fondo le.

Efɛsea 4:14

O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda.

Esai 49:4

Ya ya, mí dimi aa: «Fondo fúú ya saangian ni, le ɲɛ fondoo a ɲɛ co loo ya cii yoomuma nian ni. Kɛ dí nuu co Mɛlɛka o ba, vɔ̀ngɔ̀ nuu co o mandaa Hala nuu o ba.»

Kalatea 4:11

Siòònde co ya, te o co sanga fondo fúú le ya sanga sangaa ho le niaa le!

Kalatea 2:2

Ɲɛ cɔmnun ya-o yɔngu ya kɔlan ni. Mí kɔ cɔm vanaa lebɛɛ-a pum Yoongu Kɛndɛ ya va vanaa co N'Yuifi le-a tiiyallo-o o sɔɔnsɔɔnndo nin, yɔŋii baala ya va tosaa-o, te kon te o yáà tosa nin-ndo ndóò yɔŋnun fúú.

1Korɛntea 7:5

Pɔnɔɔ a lanɔɔ bɛnda mà kɛyan cɛinin te, fɔ dɔ́ɔ́ ma cɛlan le telen bingi cuaa le piɛilen. Kɛ nduyɛ, te telen kon cuu dɔ́ɔ́ pɛ, a muungu diom pilɛ, yɔŋii Setana tɔɔndan nda, kani a tiwnin kɔlta ndalan ba le.

1Tesalonikea 3:6

Kɛ Timote langa komal naa fulaa o niaa lo, mó downun naa kona kɛndɔɔ a laalan niaa a á kaola niaa nɔ-o o kɔɔ, mó cɔm naa yiyan kɛndɛ niaa nɔ a naa-o a yeemɛi niaa nɔ le naa cɔu vɛlɛ-e. Naab bɛɛ yeemɛi ken co naa taw.

1Tesalonikea 2:1

Puapilɛa naa, niaa pila sínà maa kɔla naa n kɔɛ niaa yilɔɔ lan la yɔŋnun fúú le.

Dɛnnda kiilaa 15:36

Telen pum o kon kɔɔli, mí Pol dimul Barnabas aa: «N muungu mì n kɔ yil puapilɛa naa o kobila naa n kei sɔɛi Maalii-e dimi lan nin kpow, mì n sina mɛɛ nda koma va yɛ.»

2Korɛntea 6:1

Lelan, naa co vallo a Hala diom pilɛ-a, n co niaa tɛɛlɔn, la cɛ̀l mì kɛndɛi niaa sɔla Hala o ba-e i tambun fúú le.

Filipea 2:19

I nɔ kɔlkɛsiaa o Maalii Yeesu nin maa o lo ɲɛ-pɔmbɔ mì vim niaa Timote, haliko mi ya pila i va yoomuan sɔlaa a yoongula ya vanin tueyɔɔ fulaa o niaa lan.

Daniɛl 6:19

Mí masaa muungu o cɛi ndɔ lemasaa nin. Mó lɔl lahɔl pii, o di ɲɛ-ɲɛ le, o sɔɔnguu vanalanɔ ikɛi icɔl kon te.