1Tesalonikea 3:3 - BII BILA

³ haliko vana-vana o niaa tɛɛn vu n'dial a dɛnnda palaala vannda co naa hau tuisio coo lan te. Niaa pila sínà maa dɛnnda lan Hala kelu le naa ni.

1Tesalonikea 3:3 Referans Kwoze

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

Rɔmnda 5:3

Hiovɔɔ o kon coo, hali n co bɛɛ o sangaa nin, n nɔla mì n kuundian, kani n sinà maa o sangaa nin biuvɔnndo fulà ni,

Dɛnnda kiilaa 9:16

Ya pila cɔmnin ndu sanga kɛ́-kɛ̀ o co hunɔɔ sɔla o diola nilan.»

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

1Korɛntea 15:58

Lelan, puapilɛa nia hɛnan ya taw-va, la sim yili. La kpeeŋian te. La yɔngun lɔ́ɔ́-lɔ́ɔ̀ o baala Maalii-o nin, mì la sínà maa baala niaa co tosaa o Maalii nin-ndo co fúú le.

Dɛnnda kiilaa 21:13

Kɛ mó muli aa: «Le yɛɛ nɛ niaa co yɛ caŋndo mì la va ya kɔllo tɛɛmbuuo? Kani o co le ya yiiyo daama le ya co o bɛɛndianndo le, kɛ haliko mi sɔla vɛlɛ piɔ́mndo Yerusalɛm o diola Maalii Yeesu lan.»

1Tesalonikea 5:9

Kani Hala kɛsi naa le naa kɔl ndɔ tuwvo tuisio coo le, kɛ mì n sɔla cindaa Maalii naa Yeesu Krista kɔɔli.

1Korɛntea 4:9

Kani o yiyan nuu nin, naa Hala kɛsi o fonda mɛɛlaa ni, bau o bɛnda mì n sɔla piɔ́mndo. N siŋnun vanaa lɛŋnden kpede co tofaa-a, mɛlɛkaa a vannda kpow bɛɛ a co naa tofaa.

Condii lisai 112:6

Vana bii pɛ sɔɛi Hala-e, ndu delnin lɔ́ɔ́-lɔ́ɔ̀ le, vannda vanin loonɔnndo a ndu o kɔɔ lɔ́ɔ́-lɔ́ɔ̀.

1Piɛr 2:21

Le ken kpeekpei niaa sɔla veeloo ni, kani Krista bɛɛ sanga le niaa mó mel niaa tɔɔmaseloo haliko mi la dem foofola ndɔlan.

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Efɛsea 3:13

Lelan, i co niaa tɛɛlɔn, la vu n'dial le sanga ya co sɔlaa le niaa-o le, biilu niaa co kon ni.

Dɛnnda kiilaa 2:25

Nduyɛ, David ndóò cii nin dimi a ndu o kɔɔ aa: ‹I co Mɛlɛka cɔnnɔnndo o hɔl tuŋ, kani o co ya o ba kɛndɔɔ coo, i delnin te.

Nsaŋ 16:2

A solinin niaa o cɛila lekaanndan nin. Hiovɔɔ o kon coo, telenndo pum tiiyanin, vanaa vanin niaa diwvo-a vanin yiyanndo maa baala Hala-o nda vanin tosa kon lende ni.

Luke 21:12

«Kɛ lɔ́ɔ́ pá mì kon kpede hun tosan, a biinin niaa, mà tol niaa yɛlen, mà kɔɛ a niaa o cɛila lekaanndan nin. A malnin niaa o kaasolan, mà kɔɛ a niaa o masaa lo a o masaa n'bungaa lo le diola nilan.

2Timote 1:8

Lelan, siɛmbula bii nɔm le seile Maalii naa timbio vannda o hɔl te, siɛmbula bii nɔm vɛlɛ a ya co hoo o kaasoo-o le. Kɛ cɛl mì n sanga latulu le Yoongu Kɛndɔɔ o kpaaya Hala-o bɛngu.

2Tesalonikea 1:4

Lelan naa n co lisanndo a niaa o lasondo o kundala vanaa laalannda tɛɛn ni, kani la co kindinndo o laalanndo nin, o yɛle tolaalen nin a o tɔɔndannda niaa co sɔlaa lan nin.

Dɛnnda cɔɔmuanndan 2:13

I sina nɛɛ calta nɔmndan la co-a, nɛɛ kpɛŋɛ lemasa Setana-o co-a pɛɛn. Kɛ ma lo o yiinanndo a ya ɲɛkɛndɛi. A mel laalan n laalan ya-o le, hali o palɛi Antipas-e, sei lo o lediom coo a ya-o, o nda dii o niaa lo-o, nɛɛ Setana co-a.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

Filipea 1:28

La cɛ̀l mì yaamɔɔa vueinun niaa le. Ken cɔm ni maa o ɲánndávàà nda co kɔlan lou lende ni, kɛ le niaa, cɔmndo co kon ni maa la sɔla cindaa. Nduyɛ, Hala o ba kon fulà ni.

Dɛnnda kiilaa 21:11

Mó hun nɛɛ naa n va-a, mó cua yaule Pol-ten, mó yiwnun balan a pelon, mó dimi aa: «Hala Kɔl-Diandaa dimi maa nuaa Yuifia co vana nɔ yáwlen-nden ndo yii Yerusalɛm ni. O kon kɔɔli, a malnin ndu vanaa sina Hala le-a o ba.»

SƐBƐ YƆB-O 23:14

Le hee, sɔɔn o kelu le ya-on, o co mun peelu, n'celen co vɛlɛ ndu o ba n'mandaa.