1Tesalonikea 3:12 - BII BILA

¹² Màá Mɛlɛka cɔɔlu niaa kaolaa tɛɛn vellaa-velle, mò cɔɔlu vɛlɛ ndu niaa a vanaa celen tɛɛn, mò va maa o naa n nɔ le niaa-o!

1Tesalonikea 3:12 Referans Kwoze

Filipea 1:9

O ya co Hala piɛyo le niaa-o, ndu co ho ni: mì kaola niaa va hiovɔɔ laci lɔ́ɔ́-lɔ́ɔ̀, mò pɛ a sina kpeekpeiyo a á dɛnndan bilaa biyɔɔ ɲɛkɛndɛi,

Matie 22:39

O diinndɔɔ co hoo ni, ndu bɛɛ velan a o tasoo: kaola caanda maa nɔm pila.

1Tesalonikea 5:15

La kindín, vana-vana mìngì dɛnɛ vɔɔndo a dɛnɛ vɔɔndo le, kɛ la vá dɛnɛ kɛndɔɔ tosaa niaa pilaa tɛɛn lɔ́ɔ́-lɔ́ɔ̀, mì la vá ndu vɛlɛ tosaa a vanaa celen.

Rɔmnda 13:8

Kuee vana-vana va niaa le, fɔ kaolianndo vellaa-velle. Kani vana kaola pɛ caanda, mɛɛ ndu peelu tɔŋndo.

2Tesalonikea 1:3

Puapilɛa naa, mɛɛ mì n va Hala balikaa mello le niaa. O bɛnda mì n tosa kon, kani laalan niaa co cɔɔloo hiovɔɔ laci, kaola co niaa tɛɛn vellaa-velle-o co hiovɔɔ laci tuŋ.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

1Tesalonikea 2:8

Mɛɛ naa n kaola niaa tei, n yiyan ndɛ le niaa Yoongu kɛndɛ Hala-o tiiyallo daama le, kɛ mí n naŋ kɔltan le yoomula naalan yɔngoo le niaa. Kani náà n kaola bɔɔ niaa.

2Piɛr 1:7

mì la handu hɛɛnianndo o ipuapilɛyɛi nin o ɲííye coo, mì la handu kaolaa o hɛɛnianndo o ipuapilɛyɛi nin coo.

Matie 7:12

Ɲɛ-ɲɛ niaa yeema pɛ mì caanda tosal niaa, mɛɛ niaa bɛɛ la tosal nda lende, kani lende tɔŋndo a vanaa-tɛɛngaa-diom Hala-a dimi ni.»

2Piɛr 3:18

Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.

Nsaki 1:17

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

1Tesalonikea 4:1

Le sɔɛi ciiyo puapilɛa nia, n cɔm niaa mɛɛ vana kela mà hɛnan Hala yɛ. Nduyɛ la co nin kelaa o nɛila lan coo. Kɛ sunsun, n co niaa ɲuna mì n tɛɛlun niaa o diola Maalii Yeesu lan, la cɔɔlu nɛila lan biyɔɔ.

Luke 17:5

Mí kiilaa dimul Maalii aa: «Cɔɔlu naa laalanndo.»

Condii lisai 115:4

Kɛ piɔmaa nda cɔw a volion a á sianion-nda, a laba nda toosiaa nda ni.

2Korɛntea 9:10

Hala, o yɔ̀ngu vana saŋaa yɛiye mò yɔngu ndu vɛlɛ ɲɛdiaa le dioo-o yɔngunin niaa yɛiye le saŋɔɔ, mò kui ndu. O kon kɔɔli, mò kui kɔmnde dɛnɛ sandaa niaa.