1Tesalonikea 3:10 - BII BILA

¹⁰ Niinoo a lɔan, n co ndu ɲunaa o piɛilen nin kpeekpei le mɛɛ o cɛl naa mì n ce vɛlɛ niaa hɔlla a hɔlla, mì n siow ɲɛ lo o laalan niaa nin-ndo peelu yɛ.

1Tesalonikea 3:10 Referans Kwoze

2Korɛntea 13:9

Te n nɔ mayoomu le, n naŋ kɔl, kɛ niaa niaa la nɔ yoomuan, nduyɛ o naa n yeema o piɛile naalen nin-ndo co ni, mì la peelun.

1Tesalonikea 3:11

Màá Hala pila, o co Fuɲa naa-o nda Maalii naa Yeesu toosial naa nɛiyo haliko mi n kɔ komal niaa!

2Korɛntea 1:24

N co niaa baŋɔɔ mì la laalan te, kani la co a simaa yili o laalanndo coo, kɛ n yeema mì n mala niaa o dɛnɛ kɛndɛ niaa nin.

2Timote 1:3

I mel Hala balika, o ya co baalaa tosallo a kɔl nuu o diandaa mɛɛ fuɲaa naa mamaa tosa yɛ-o. Idii a icɔl, i co nɔm yiyanndo coo, i co Hala piɛiyo le nɔm.

2Tesalonikea 1:11

Lelan, n co piɛilen lɔ́ɔ́-lɔ́ɔ̀ le niaa. N Hala naa ɲunaa haliko mo cɛl, mì la va ceendo vilio mɛɛ o bɛnda yɛ, ceen o veelu niaa, mì la va nin-ndo. N co ndu piɛiyo haliko mi kpaaya ndɔɔ peelun o yeeman kɛndɛn co niaa o lakɔl-lon nin, mì laalan niaa peelun o dɛnndan kpow nin.

Filipea 1:25

I laalan maa i lonin yoomu mì n vannun naa niaa latulu, haliko mi la hiow laci, mì la dɔwnun ɲaale o laalanndo nin.

2Korɛntea 1:15

Yáà nɔ kɔlkɛsiaa kon, yáà yeema mì yáà kɔ yil niaa, haliko mi niáà sɔla dɛnɛ kɛndɛ kon bɛmbɛ lediin.

Dɛnnda kiilaa 26:7

Vanaa fula o polama tɔ́ a mamiɔmma yungu naa nin-nda bɛɛ a nɔ tiindanndo maa Hala nda co kon biiloo idii a icɔl-lo co sɔɔn mun peelu. Ɛ̀ɛ̀ nduyɛ, masaa Akripa, le tiindan ya nɔ kon-ndo Yuifia co ya sɔɔn mun hɛɛnduuo coo nuaa ni.

Filemɔn 1:22

Handɔɔ o kon coo, toosial-la cɛi leninndo, kani i laalan maa Hala co piɛile niaalen tueyɔɔ, ɲɔɔ bendu lɛnin te, mì muungu niaa ikɛi.

Kolɔsea 4:12

Epafras fula o niaa lo-o yil niaa. Vana baala Yeesu Krista-o langbanɔ kon co ni, o co pɛngì Hala piɛyo le niaa le, haliko mi la sim yili, mì la peelun, mì la tosa hɛnan Hala-o o dɛnndan kpow nin.

Kolɔsea 1:28

A ndu o kɔɔ naa n co sɔɛi ni, mì n va vannda kpow kanalanndo, mì n va nda kɔllo kindio, haliko mi n tosa, mì vannda kpow a tiwnun o Krista nin.

Luke 2:37

mí pɔnɔ ndɔ vu. Mó lo a vii ken háá vɔsilan belaŋɔmaa a lahiɔɔlu, o faŋan o Cɛi-Hala-o nin te, o va kɔlan kaannden tosaa idii a icɔl. O va sumndo biyɔɔ mo va piɛilen.

Dɛnnda cɔɔmuanndan 4:8

Ɲaa yoomaa hiɔɔlua kan kpow, o kɛ́-kɛ̀ ndóò nɔ kumbanndan tan ŋɔmpum, nda kpow ndáà nɔ hɔltan lativaa nda lekɔɔ sɔ́. Paalen a ɲumndan a ve pɛngi dimio le aa: «O-Diandaa, O-Diandaa, O-Diandaa Mɛlɛka Hala, Vana-Kpaayaa-Kpow co ni, o va-o, o co-o a o co hunɔɔ-o.»

2Korɛntea 13:11

Sisa yɛ puapilɛa nia, la lɔl kɛndɛ! La handu kɔltan o baala kɛndɔɔ coo, mì la lueinan yoomuan vellaa-velle, mì la va o kɔlɲuloo nin. O kon Hala nɔ kaolaa a kɔlɲuloo o ba-o vanin niaa ikɛi.

Dɛnnda cɔɔmuanndan 7:15

Lelan nda co o kpɛŋɛ lemasa Hala-o hɔl-ndɔ ni, mà va ndu biiloo paalen a ɲumndan o cɛi ndɔɔ biilaa nin. Vana co o kpɛŋɛ lemasaa nin-ndo co nda cɛi-kola-toandaa ndɔɔ tondɔɔ coo.

1Samiɛl 12:23

Le ya yɛ, sɔɛi vɔɔŋii bɛnduei o co le hakio cuaa a Mɛlɛka ni, te i pɛngi pɛ piɛilen le niaa. I vanin vɛlɛ niaa nɛi kɛndɔɔ a nɛi sandaa cɔmndo.