1Tesalonikea 2:9 - BII BILA

⁹ Puapilɛa naa, la yiyan ndɔ mɛɛ naa n tosa baalaa mí n sanga taw yɛ: n va vallo idii a icɔl telen naa n va niaa Yoongu kɛndɛ fula Hala o ba-o tiiyallo-o yɔŋii naa n va o ba pila bɛngu.

1Tesalonikea 2:9 Referans Kwoze

2Korɛntea 11:9

Telen ya va niaa tɛɛn, mí va o bahavɛiyo nin-ndo, i hendu vana-vana volɔɔ coo le, kani vanaa laalannda Maseduan a va ya malaa ni. Mí mandan o dɛnndan nin kpow yɔŋii yáà va o ba niaa bɛngu, nduyɛ i hiawnin laci a kon tosaa.

Dɛnnda kiilaa 18:3

Le tùú nda va baala pilɔɔ tosaa-o, cɛila-kolala-toandaalan ndáà toosiaa ni, mó kɔ luɛi o yiya o nda lo, má va baalaa latulu.

2Timote 1:3

I mel Hala balika, o ya co baalaa tosallo a kɔl nuu o diandaa mɛɛ fuɲaa naa mamaa tosa yɛ-o. Idii a icɔl, i co nɔm yiyanndo coo, i co Hala piɛiyo le nɔm.

1Timote 5:5

Vanalanɔ pɔnɔ ndɔ vi mò va ndu pilɛ-o, o tiindan Hala-o, paalen a ɲumndan, o co Hala biuvɔnndo piɛiyo le malaa sɔlaa.

1Timote 4:10

Lelan, te n co pɛ baalaa mì n va sangaa taw, le tùú naa n tiindan Hala nɔ yoomoo o ba-o ni, o co vana ciindiaa le vannda kpow-vo, kɛ taama-taama vanaa laalannda.

1Tesalonikea 2:6

N co biilu n'vanndaciee nuwviaa le, o va niaa, o va vanaa celen.

1Korɛntea 9:18

Yɛɛ co yɛ niko sala nuu? Ndu co ɲɔɔ ya hɛnando le vannda Yoongu kɛndɔɔ tiiyallo fondo fúú ni, i nɔ mì ɲuna o yɔngun ya-o le diom kon dimio le.

1Korɛntea 9:15

Kɛ ya ya, i tosa sɔɔn mun ikɛ́-kɛ̀ le, o co mì ɲɛm mun yɔngun ya le ya co sɛvaa ho le. Kani o co fisa mì vi, a lou ɲaaloo dɔwnɔnndo o kuundian kon nin.

Dɛnnda kiilaa 20:31

Lelan, la va lahɔl mì la loonun maa vɔsilan tan yáá co hoo ni, niinoo a lɔan, i va niaa kanalanndo, hali a mɛmɛan o hɔl.

Nehemi 5:18

Lepalaa-lepala, nawvo o pilɛ, saa kɛndɛ-kɛndɛa a ŋɔmpum a sɔɔa ndáà yaw o ya lo cɛinin ni. O palɛi tɔ́ oo palɛi tɔ́ bɛngu, mɛɛ mi ndáà bɛɛndiaa mɔima kɛndɛ-kɛndɛan taw. Kɛ a kon kpede, i bii ɲɛ-ɲɛ vana o ba le, kani baalaa va vannda saangiaa.

Nehemi 5:15

Nduyɛ masaa n'bungaa cal-la tase-a va vannda delɔɔ coo le muloo malɔɔ a ɲɛm dian a á mɔiyan. Handɔɔ o kon coo, má va nda volin latámán belehiɔɔlu biyɔɔ coo le bolle vana pilɛ. Hali buɛyaa ndaa va nin vannda masalen tosaa coo. Kɛ ya yɛ, i tosa lende le, kani siòòŋii Hala-e va ya.

1Timote 1:11

Pɛɛku kalaa co o Yoongu kɛndɔɔ nin, ó yɔngùn ya fulaa Hala biiloo bɛnda-o o ba-o.

1Tesalonikea 3:10

Niinoo a lɔan, n co ndu ɲunaa o piɛilen nin kpeekpei le mɛɛ o cɛl naa mì n ce vɛlɛ niaa hɔlla a hɔlla, mì n siow ɲɛ lo o laalan niaa nin-ndo peelu yɛ.

1Tesalonikea 2:2

La sínà vɛlɛ maa n sanga fɔlɔn Filipii taw, mí vannda yeow naa, má pala naa. Kɛ a pala nda pala naa kon-ndo kpede, mí Hala luei naa yoomuan le niaa Yoongu kɛndɔɔ tiiyallo.

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.

Filipea 4:16

Kabi telen ya va Tesalonike-o, la va ya ɲɛm yáà nɔ makoo-on yoo.

2Korɛntea 6:5

Vannda lɔɔ naa, má mal naa o kaasoolan. Mí vanaa pum a del naa coo. N tosa baalala kálà-kálàlan, má lɔli naa lahɔl, má tuŋ naa ɲɛdiaa.

1Korɛntea 4:12

N co lalle kiolɔɔ o baalaa nin. A co naa yeowlan, mì n va duaa dɔvɔɔ. A co naa yɛlen tollo, mì n va biwnɔnndo.

Rɔmnda 15:19

o kpaaya Kɔl-Diandaa bɛngu ni. Lelan ya sɛŋi Yoongu kɛndɛ Krista-o ɲɛkɛndɛi kandɔɔ Yerusalɛm kɔlan háá o tàndá Iliri-o nin ni.

Rɔmnda 15:16

haliko mi va vana baala Yeesu Krista-o vanaa co n'yuif le-a tɛɛn. Kɛndɛi yɔngun ya le vannda Yoongu kɛndɔɔ tiiyallo, haliko mi vanaa co n'yuif le-a siŋnun sálà hɛnan Hala-o, sálà Kɔl-Diandaa dindi-o.

Rɔmnda 1:1

Ya Pol, vana baala Yeesu Krista-o co sɛbɔɔ ho sɛvaa ni. Ya veelun le siŋnɔnndo kiilaa, mí siŋnun teengen le vannda Yoongu kɛndɔɔ tiiyallo-o.

Luke 18:7

Vɛ̀ɛ̀ Hala kenin vanaa ndɔa o hɛli, ma va ndu piɛiyo idii a icɔl-la di le? Vɛ̀ɛ̀ tamalaa o tamalanin le nda malaa ni?

Luke 2:37

mí pɔnɔ ndɔ vu. Mó lo a vii ken háá vɔsilan belaŋɔmaa a lahiɔɔlu, o faŋan o Cɛi-Hala-o nin te, o va kɔlan kaannden tosaa idii a icɔl. O va sumndo biyɔɔ mo va piɛilen.

Yeremi 9:1

Màá yáà kɔnnun ko o lɛŋnde veselɛilen nin, mì yáà kɔ va o pangala vanaa kelaa pɛngi nin-ndan bɛngu, haliko mi yáà faŋan vanaa nia ikɛi, mì yáà kɔ calnun ndon polon. Kani mɛɛ nda co kpede, vanaa lakafaa nda co ni, vanaa suundaa kposon.

Condii lisai 88:1

Condii poaa Kore-a le simlacinɔ vanaa n'condua. A mɔnɛi nda soli condei he ni. Mí Eman Ɛsrahiinɔ condu aa:

Condii lisai 32:4

Idii a icɔl ba nɔmndo va ya kindilaa, yoomuan ma va vesanndo ya o n'dial mɛɛ valo levɔɔ veesiaa ɲɔɔ nuaa yɛ.

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

1Korɛntea 9:4

Vɛ̀ɛ̀ i nɔ dí mì sɔla baloo, mì kol te?

2Korɛntea 11:27

I sanga, mí yɔkpa, i va lɔan lahɔl telenndan lapum, yiaan a bolole vesɛilen le va ya palaa. Lɔ́ɔ́ lepum, i va sumndo biyɔɔ, hoeiye va ya biyɔɔ, i va a fɛ́lio.

2Masaa 6:2

Lelan cɛl mì n kɔɛ Yurdɛn o peelo, mí vana-vana o naa tɛɛn cua pɛngɛi pilɛ, mì n tangulun fonda calaa lon.» Mí Elise mulul nda aa: «Ava, la kɔ.»

Talelan 31:18

O co sinaa maa o co malaa sɔlaa o kpekula ndɔlan nin, ɲɛ-tengaa yala ɲum o ndu lo cɛinin icɔl te.