1Tesalonikea 2:8 - BII BILA

⁸ Mɛɛ naa n kaola niaa tei, n yiyan ndɛ le niaa Yoongu kɛndɛ Hala-o tiiyallo daama le, kɛ mí n naŋ kɔltan le yoomula naalan yɔngoo le niaa. Kani náà n kaola bɔɔ niaa.

1Tesalonikea 2:8 Referans Kwoze

1Nsaŋ 3:16

Ɛ̀ɛ̀ o ken naa n cɔm ni maa n sínà kaolaa: Yeesu yɔngu yoomu ndɔɔ le naa. Naa bɛɛ n bɛnda mì n yɔngu yoomu naa le puapilɛa naa.

2Korɛntea 12:15

Lelan, ɲaaloo co ya o kɔl taw, mì pisi ɲɛ-ɲɛ ya nɔ le niaa, hali ya pila i pisin bɛɛ le yoomula niaalan. Te i kaola niaa pɛ kaola vaa lende, vɛ̀ɛ̀ mì niaa kaola ya ɲɛ-pɔmbɔ?

Filipea 2:17

Kɛ o va bɛɛ mì kooma nian ma siŋnun sálàá handɔɔ o sálà niaa co Hala solullo a laalanndo-o coo, ɲɔɔ hɛnan ya ni, mì dɔwnun ɲaale a niaa kpow latulu.

Hebreea 13:17

La bii diomnda simlacia niaa mì la tuisin nda o labɛngunin. Kani a nɔ niaa hɔlten coo le kona nda hun dɔawnunnin o Hala lo-o. Lelan te la tuei nda pɛ diom, a tosa baala ndaa a ɲaaloo, o ve a cɛɛŋɔn te, la sɔla mala oo mala o ken nin te.

Filipea 4:1

Lelan puapilɛa nia hɛnan ya-a, yeemɛi co ya le niaa cɔw vɛlɛ. Niaa co ɲaale nuu a bɛɛle nilen ni. Lelan, caaŋaa nia hɛnan ya taw-va, la lo lende yili o Maalii nin.

Kalatea 4:19

Cuavaa nia, i co o sanga bɛndoo nin le niaa, maa sanga vialaa, háá mì sɔɛi Yeesu-e i luɛi niaa nin,

2Korɛntea 6:1

Lelan, naa co vallo a Hala diom pilɛ-a, n co niaa tɛɛlɔn, la cɛ̀l mì kɛndɛi niaa sɔla Hala o ba-e i tambun fúú le.

Filemɔn 1:1

Ya Pol, ya co hoo o kaasoo le Krista-o, a Timote puapilɛ naa, n co sɛbɔɔ ho sɛva ni. Le nɔm Filemɔn caan naa hɛnan naa taw-vo, ò naa n co baala pilɔɔ tosaa naa ndaa-o,

Kolɔsea 4:12

Epafras fula o niaa lo-o yil niaa. Vana baala Yeesu Krista-o langbanɔ kon co ni, o co pɛngì Hala piɛyo le niaa le, haliko mi la sim yili, mì la peelun, mì la tosa hɛnan Hala-o o dɛnndan kpow nin.

Kolɔsea 1:28

A ndu o kɔɔ naa n co sɔɛi ni, mì n va vannda kpow kanalanndo, mì n va nda kɔllo kindio, haliko mi n tosa, mì vannda kpow a tiwnun o Krista nin.

Kolɔsea 1:7

Epafras caan naa naa n co vallo latulu-o pɛɛku niaa, ó co vallo le niaa maa vana baala Krista-o.

Filipea 2:20

Kani i nɔ vana celen te, o buulan dɛnɛ niaa-o, vana nɔ̀ kɔllo lekɛ́ndɛi o sɔɛi niɛi coo-o,

Rɔmnda 15:29

Nduyɛ, i sínà maa te i kɔɛ pɛ o niaa lo, i hunnin a duaa Krista-o taw-taw.

Rɔmnda 10:1

Puapilɛa nia, yeemɛi co ya o kɔl-le, o ya co Hala piɛi le Israɛlla-o co ni, mà sɔla cindaa.

Filipea 1:8

Nduyɛ Hala co ya lesei maa i kaola niaa taw o Yeesu Krista nin.

Luke 7:2

Vana baala simlacinɔ vanaa cɔvaa kɛmɛa pum va lon a nàà piɔ́mndo, o simlacinɔ kon ndóò handu kɔllo coo taw-vo.

Rɔmnda 1:1

Ya Pol, vana baala Yeesu Krista-o co sɛbɔɔ ho sɛvaa ni. Ya veelun le siŋnɔnndo kiilaa, mí siŋnun teengen le vannda Yoongu kɛndɔɔ tiiyallo-o.