1Tesalonikea 2:5 - BII BILA

⁵ La sínà maa kabi n dimi sɔɔn sondo yeelɛi le, n vin vɛlɛ yeemɛi ɲɛ-sɔlaa o sɔɔn naan nin te, Hala co lesei.

1Tesalonikea 2:5 Referans Kwoze

2Korɛntea 12:17

Vɛ̀ɛ̀ delɔɔ ya del niaa coo ni? Vɛ̀ɛ̀ vana pilɛ o vanaa ya vem o niaa lo-a tɛɛn de niaa balan ni?

Rɔmnda 1:9

Hala ya co baalaa tosallo a kɔl nuu o Yoongu kɛndɛ Po ndɔɔ yondaa nin-ndo co ya lesei, maa telen oo telen ya va pɛ piɛilen, i co yiyanndo niaa coo

Dɛnnda kiilaa 20:33

I fula ɲɛ pila lehɔl te, o va n'voli, te kon te a n'siani, te kon te vɛlɛ a volɔɔ-cuɛinan.

Kalatea 1:20

I ya co niaa hee dimullo-e, toɲaa i co ni, Hala o hɔl, o co lacòò le ya co niaa dimullo le.

2Piɛr 2:3

A co niaa tɔnɔɔ dioo a sondola yeelɛilan le mɛɛ nda nɔ hɔlte bolofaalen yɛ. Kɛ o co lɛhau le yamɛi ndɛi cuu kiolɔɔ ma sɔla yaalaa le, tambii ndɛi nɔ lɛ bɛɛ lɔ́ɔ́ le.

1Piɛr 5:2

la manda kunda saa Hala-a, a co niaa o ba bɛngu-a, ò va maa baŋɔɔ le nda baŋ niaa le, kɛ o va a yeemɛi niɛi mɛɛ Hala yeema yɛ. Ò va vɛlɛ a hɔlte ɲɛ-sɔlaa le, kɛ a kɔlkɛndɔɔ.

Tite 1:7

Nduyɛ, le mɛɛ simlacinɔ vanaa laalannda bɛnda mò nɔ hɔlten baala Hala-o coo yɛ, o bɛnda mò va vana yaalan too: o va vana yonga le, o va vana nɛi kɔl itambu loo le. O va vana yɔngun mɔiyan-ndo le, o va vana lasɔngɔ le, o va vana hɔlte ɲɛ-sɔlaa le.

1Tesalonikea 2:10

La co lesei, Hala bɛɛ co lesei maa n kela kela diandaa, kela sandaa a kela yaalan too niaa vanaa laalannda kpow tɛɛn.

2Korɛntea 7:2

La kumbil naa kɔlta niaalan, kani n tosal vana-vana dɛnɛ vɔɔn te, n tɛɛmbuu vɔ vana-vana le, n soli vana-vana tɔnɔ o n'dial te.

2Piɛr 2:18

Sɔɔn fondon mala vana loon nda dimi ni, a yeemɛi ndɛi lasiɛmbuei nda bii vanaa hɛlun sɛnɛi vanaa luei vannda o pɔwlan nin-nda ni.

1Timote 3:8

Lende vɛlɛ koni, vanaa baalaa co vannda malaa o kunda vanaa laalannda tɛɛn-nda bɛnda mà va vanaa kennùn bɛɛlen-nda, ma va vanaa toɲaa. A yɔngun mɔiyan te, a va vanaa nuwviaa tɔnɔ lakafa-a le,

1Timote 3:3

o yɔngún mɔiyan te, o va vana lacɔlɔba le, kɛ mò va vana cii sɔngɔlan-ndo a vana kɔlɲuloo. O va vana nɔ hɔlte ɲɛ-sɔlaa-o le.

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

Rɔmnda 16:18

Kani vanaa vaa lende, o co Krista Maalii naa le nda co baalaa tosallo le, kɛ dembela ndalan sii, a co keiyo sondo yeelaa a vannda sangalaa, mà va vanaa nɔ taasi le-a hɔlla hiŋndo.

Rɔmnda 9:1

Toɲaa ya co dimi o Krista nin ni, o co lacòò le ya co dimio le, kɔl nuu bɛɛ co lesei o Hala Kɔl-Diandaa nin maa:

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

Matie 22:16

Má vim ndu kaandeŋaa ndaa a vanaa va Herɔde kɔɔli-a a pum. Má kɔ dimul ndu aa: «Kɔɔfa, n sina maa vana toɲaa n co ni, a co vannda nɛila Hala lan pɛɛkoo a toɲaa, a nɔ sika a vana-vana le, kani a tofa vanndacieea le mɛɛ nda co yɛ le.

Malasi 1:10

Lelan, o co fisa mì vana pilɛ o niaa tɛɛn kɔ kiindiaa diola Cɛi-Hala-o. O kon, la kue lɛnin yinnden kiisuu o fonda-loamaa-lasálà nuu coo fondo fúú le. Ɲɛ-ɲɛ hɛnan ya le niaa cɔu le sálàla niaa co ya solullo lan la co ya hɛnan te. Ya Mɛlɛka-Nɔ-Kpaayaa-Kpow-vo dimi lende ni.

Misee 3:5

«Ɲɛ Mɛlɛka dimi le vanaa-tɛɛngaa-diom halaa lacòòvaa co vanaa ndɔa laasiaa-a-o co hoo ni: ‹Te vana ke nda dɔ́ɔ́ pɛ ɲɛ nda miaanun-ndo, à dimi yoongu kɔlɲuloo. Kɛ te vana ke nda mel nda ɲɛdiaa o sondo le, à ciŋilan vana kon a sɛɛngianndo.›

Yeremi 8:10

Lelan, i co laandaa ndaa malɔɔ vanaa celen o ba, mì mal ciɛɔn ndan vanaa hialunin mun-nda o ba. Kani kandɔɔ a cuaambɔɔ, kɔ bii háá a kaasonɔɔ, nda kpow vana-vana co fafaláà le ɲɛ-sɔlaa. Kandɔɔ a vana-tɛɛngaa-diom Hala-o, kɔ bii a vana-solia-lasálàá, nda kpow a vow balan o kafalan nin.

Yeremi 6:13

Kani kandɔɔ a cuaambɔ hiow dɔɔnanndo nda tɛɛn-ndo, kɔ bii a kaasonɔ hiow nda faw-vo, nda kpow, vana-vana nɔ hɔlten tɔnɔ ndɔ ndu pila-o kɔɔli. Kandɔɔ a vanaa-tɛɛngaa-diom Hala-a, kɔ bii a vana-solia-lasálàá, nda kpow vanaa lakafaa kposon.

Esai 56:11

Tunaa lepulua nda co ni, a pim ɲɛ-ɲɛ le. Vanaa mandaa n'cɔlua bii ɲɛ-ɲɛ bila le-a nda co ni: nda kpede vana-vana co kɔlan o nɛi ndɔɔ coo, vana-vana co kiltan le tɔnɔ ndɔɔ sɔlaa kínɛí.

Esai 30:10

A co vanaa ca siɔdii lacio-a dimullo aa: «La tofa ɲɛ-ɲɛ le dɛ!» A co vanaa-tɛɛngaa-diom Hala-a dimullo aa: «La dimul naa toɲaa o diom Hala-o tɛɛnguuo nin te, la dimul naa sɔɔn lisa naa-on, la tɛɛngul naa vunduma lacòòvan!

Talelan 28:23

Vana cɔm pɛ vanndo sɔvun ndɔn, o mɛɛlu nɔm yii luɛyɔɔ hiovɔɔ vana sangala ndu-o coo.

Talelan 20:19

Vana congu vannda nɛɛ-nɛɛ ka-o cɔɔmuu sɔɔn viannanndon ni. Lelan kpakpala vana tombolaa.

SƐBƐ YƆB-O 17:5

Nda yɛ, à yɔŋnun maa langbanɔ pilɛ, ó veelu caaŋaa ndɔa le ɲɛdiaa dioo nda ndaa-o. Cuavaa ndɔa va ɲɛdiaa o ndaa cumndo, kɛ a sɔla le.

Yude 1:11

Dɛnɛ palaa co le nda! Kani o nɛi Kaɛn-ndo coo nda co kɔlan ni, maa mɛɛ Balaam luɛi o pɔwlan nin le tɔnɔɔ sɔlaa yɛ koni nda tosaa ni. Má sɔla piɔ́mndo le tùú nda cɛn a nila kalulan maa Koore-o.

Talelan 26:28

Vana lacòòvaa pɛɛsà bɔɔ vanaa o co yɔullo a còòla lan-nda. Nduyɛ vanndo hiw pɛ vanndo sangalaa, o mal nɔm.

SƐBƐ YƆB-O 16:19

Kandɔɔ nihau, i nɔ seiyo o halataala, i nɔ vana sim le ya-o coocoo pɔ́.