1Tesalonikea 2:10 - BII BILA

¹⁰ La co lesei, Hala bɛɛ co lesei maa n kela kela diandaa, kela sandaa a kela yaalan too niaa vanaa laalannda kpow tɛɛn.

1Tesalonikea 2:10 Referans Kwoze

1Piɛr 5:3

Ò va le kunda nda sɔɔ niaa o ba-o masalen tosaa coo a paa-kala le, kɛ le vaa tɔɔmasele kɛndɔɔ le nda.

1Tesalonikea 1:5

kani o co a sondo daama le naa n tiiyal niaa Yoongu kɛndɔɔ le, kɛ a kpaayaa a á mala Hala Kɔl-Diandaa mala naa-o. Nduyɛ, la sínà mɛɛ naa n va niaa kelaa tɛɛn le dɛnɛ kɛndɛ niaa yɛ.

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

2Timote 3:10

Kɛ nɔm Timote, a bii pɛɛkula nilan bila, a sínà niinu nuu, a sínà dɛnnda ya tuwnun o kɔltan, laalan nuu, biuvɔn nuu, kaola nuu, a mɛɛ ya sim yili o tiindan nuu coo yɛ,

Dɛnnda kiilaa 20:18

Ndáà tiiyaa ndu ikɛi, mó dimul nda aa: «Kabi paale tasele ya hin Asii len, la sinà mɛɛ ya va kelaa a niaa o telenndan kpow bɛngu yɛ.

1Timote 4:12

Cɛ̀l mì vana-vana kelun nɔm yii le mɛɛ n co langbanɔ felengoo yɛ le, kɛ va tɔɔmaseloo le vanaa laalannda o sɔɛi sondoei nin, o dɛnndan nin, o kaolaa nin, o laalanndo nin a o dindinndo nin.

2Tesalonikea 3:7

Niaa pila sínà maa o bɛnda mì la tosa maa naa. Kani telen naa n va niaa tɛɛn-ndo, n ve vanaa idiyɛ le.

1Tesalonikea 2:5

La sínà maa kabi n dimi sɔɔn sondo yeelɛi le, n vin vɛlɛ yeemɛi ɲɛ-sɔlaa o sɔɔn naan nin te, Hala co lesei.

2Korɛntea 11:11

Le yɛɛ ya co yɛ ken dimio? Bàà mò va maa i kaola niaa le? Hala sínà maa i kaola niaa.

2Korɛntea 7:2

La kumbil naa kɔlta niaalan, kani n tosal vana-vana dɛnɛ vɔɔn te, n tɛɛmbuu vɔ vana-vana le, n soli vana-vana tɔnɔ o n'dial te.

Dɛnnda kiilaa 24:16

Lelan i co kindinndo lɔ́ɔ́-lɔ́ɔ̀, haliko mi va o sandaa Hala a vanndacieea o hɔl.

Dɛnnda kiilaa 20:26

Lelan, mì dimul niaa hau toɲaa, te vana pilɛ o niaa tɛɛn mal pɛ nɛiyo, o ve lɛnin sɔɛi ni le.

Yeremi 18:20

Vɛ̀ɛ̀ vana mingi dɛnɛ vɔɔndo le dɛnɛ kɛndɔɔ? Kani a co ya soondo tuwvo. Loonun maa i sim nɔm o hɔl, mí soaa le nda, haliko mi nɔm óò mal kɔngɔlan nɔm óò kɔngɔlan nda-o.

Kundalan 16:15

Mí Moise tuulu kɔl taw-taw, mó dimul Mɛlɛka aa: «Cɛl sálà ndaa le. Kabi bɛɛ i bii ɲɛ-ɲɛ nda le, hali sofɛlɛ taaninndo i bii ndu vana pilɛ o ba o nda tɛɛn te. I tosal vɛlɛ vana dɛnɛ vɔɔn o nda tɛɛn te.»

2Korɛntea 11:31

Hala, o co Fuɲaa Maalii naa Yeesu-o, o co vana duaa le fɛɛn a fɛɛn-ndo sínà maa i co lacòòva dimi le.

2Korɛntea 5:11

Lelan, n sínà ɲɛ co siòòŋii Mɛlɛka-e nɔu-vo, n co kindinndo le vannda kɔltan mangalaa. Hala sínà naa ɲɛkɛndɛi. Nduyɛ, i laalan maa niaa bɛɛ, kɔlta niaalan bɛɛ la sínà kon.

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

Luke 23:41

Naa naa, o co baalan te nda baalan naa le, kani sala dɛnnda naala vɔɔnndan naa n co sɔlaa ho ni. Kɛ hoo ndu, o tosa ɲɛ-ɲɛ vɔɔn te.»