1Tesalonikea 2:1 - BII BILA

¹ Puapilɛa naa, niaa pila sínà maa kɔla naa n kɔɛ niaa yilɔɔ lan la yɔŋnun fúú le.

1Tesalonikea 2:1 Referans Kwoze

2Tesalonikea 3:1

Puapilɛa nia, o ya yeema mì mɛɛlu niaa dimul-lo co hoo ni, la piɛi Hala le naa, haliko mi sɔɛi Maalii-e keleŋa sɛŋin nɛɛ-nɛɛ ka, mì i sɔla bɛɛlen mɛɛ o co niaa tosanndo tɛɛn yɛ.

1Tesalonikea 2:13

N co vɛlɛ Hala balikaa mello lɔ́ɔ́-lɔ́ɔ̀, kani la bii sɔɛi ndɔɛi niaa tuei naa o lasondo-e, la bii ndi maa sɔɛi n'vanndaciee le, kɛ mí la bii ndi mɛɛ i co sɔɛi Hala-e lekɛ́ndɛi yɛ, sɔɛi co vanaa laalannda baalaa tosaa nin-nde.

Filipea 2:16

kani la nɔ sɔɛi yoomuɛi. Lelan siɛmbula biinin ya paale Krista hunnin-nden te, kani i ɲeenun ɲaanɔn fondo le, i sanga sanga fondo le.

1Korɛntea 15:58

Lelan, puapilɛa nia hɛnan ya taw-va, la sim yili. La kpeeŋian te. La yɔngun lɔ́ɔ́-lɔ́ɔ̀ o baala Maalii-o nin, mì la sínà maa baala niaa co tosaa o Maalii nin-ndo co fúú le.

1Korɛntea 15:2

Yoongu kɛndɛ kon ciindiaanin niaa ni, te la lo pɛ lecoo ɲɛkɛndɛi mɛɛ ya dimul niaa ndu yɛ. Kɛ te la lo lecoo le, laalan niaa siŋnun fúú.

Habakuk 2:13

Lelan Mɛlɛka-Nɔ-Kpaayaa-Kpow-vo co tosaa ni mì ɲɛ-sɔlaa vannda co ŋɔu o yin, mì vanaa bɔɔ-bɔɔ va sanga fondoo fúú.

Condii lisai 127:1

Condii fula o condun Salomɔn-ndon nin-nde, condii vannda keì solio nɛi-tɛɛn o kɔlan-nde. Te o co mì Mɛlɛka baŋ cɛiyo le, mɛɛ sanga fondo fúú vanaa co ndu cɔvɔɔ-a co ni. Te o co mì Mɛlɛka kanda kobio le, mɛɛ sanganndo fúú vanaa co ndu kandaa-a co ni.

1Tesalonikea 3:5

Lelan, le mɛɛ yáà tiw lɛ ba cum kon yulɔɔ le yɛ, mí viam Timote le kɔlan sɔɔn ɲuuniaa a laalan niaa o kɔɔ. I va buulanndo yɔŋii ɲina vɔɔndo ndóò tɔɔndan niaa, mì vali naa ndóò siŋnun fúú.

Kalatea 4:11

Siòònde co ya, te o co sanga fondo fúú le ya sanga sangaa ho le niaa le!

Kalatea 2:2

Ɲɛ cɔmnun ya-o yɔngu ya kɔlan ni. Mí kɔ cɔm vanaa lebɛɛ-a pum Yoongu Kɛndɛ ya va vanaa co N'Yuifi le-a tiiyallo-o o sɔɔnsɔɔnndo nin, yɔŋii baala ya va tosaa-o, te kon te o yáà tosa nin-ndo ndóò yɔŋnun fúú.

2Korɛntea 6:1

Lelan, naa co vallo a Hala diom pilɛ-a, n co niaa tɛɛlɔn, la cɛ̀l mì kɛndɛi niaa sɔla Hala o ba-e i tambun fúú le.

1Korɛntea 15:10

Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.

Esai 65:23

A bɛpɛla lɛnin fondo fúú le, a vilu lɛnin cuawva a buulanndo le nda cɔu vuo a lende le. Kani a siŋnunnin vanaa Mɛlɛka dɔw duaa-a, mì cuavaa ndaa va nda ikɛi.

Esai 49:4

Ya ya, mí dimi aa: «Fondo fúú ya saangian ni, le ɲɛ fondoo a ɲɛ co loo ya cii yoomuma nian ni. Kɛ dí nuu co Mɛlɛka o ba, vɔ̀ngɔ̀ nuu co o mandaa Hala nuu o ba.»

SƐBƐ YƆB-O 39:16

O tosa lamamɔɔ a cuavaa ndɔa le, vana ca ko bɛɛ aa o co ndu le nɔ nda le. Kpeku co ndu le sanga o sanga kon-ndo siŋnɔnndo ɲɛ fondoo fúú le.

2Tesalonikea 1:10

paale o hunnin-nden, mò sɔla biiloo vanaa ndɔa diandaa tɛɛn, mò sɔla lisaa vanaa laalan ndu-a kpow tɛɛn. Niaa bɛɛ, la vanin vanaa kan tɛɛn, kani la laalan seile naa n tɛndal niaa len.

Condii lisai 73:13

Mɛɛ fondoo fúú ya sangan kɔl nuu mandaa o diandaa ni, mí pulu balan le cɔmndo maa i nɔ ba o yɔŋ vɔɔn nin te.