1Tesalonikea 1:9 - BII BILA

⁹ Kani vannda kpow a co cɔmndo mɛɛ niaa bii naa o niaa lo lon yɛ. A co vɛlɛ cɔmndo mɛɛ niaa mulul piɔmnda kɔɔlan, mì la mulul Hala hɔlla le ndu baalaa tosallo yɛ, ndu Hala kiyɛiyo, Hala kpeekpeiyo.

1Tesalonikea 1:9 Referans Kwoze

1Timote 4:10

Lelan, te n co pɛ baalaa mì n va sangaa taw, le tùú naa n tiindan Hala nɔ yoomoo o ba-o ni, o co vana ciindiaa le vannda kpow-vo, kɛ taama-taama vanaa laalannda.

1Korɛntea 12:2

Tuma niáà síná vɔ Hala loo, a va niaa nanɔɔ má va kɔlan a niaa le piɔmaa suu le-a sooloo.

1Tesalonikea 2:13

N co vɛlɛ Hala balikaa mello lɔ́ɔ́-lɔ́ɔ̀, kani la bii sɔɛi ndɔɛi niaa tuei naa o lasondo-e, la bii ndi maa sɔɛi n'vanndaciee le, kɛ mí la bii ndi mɛɛ i co sɔɛi Hala-e lekɛ́ndɛi yɛ, sɔɛi co vanaa laalannda baalaa tosaa nin-nde.

1Tesalonikea 2:1

Puapilɛa naa, niaa pila sínà maa kɔla naa n kɔɛ niaa yilɔɔ lan la yɔŋnun fúú le.

Dɛnnda kiilaa 14:15

«Le yɛɛ nɛ niaa co yɛ ho tosaa? Naa bɛɛ, vanndacieea daama naa n co maa niaa ni. Yoongu Kɛndɔɔ naa hin niaa tiiyallo ni, haliko mi la mal piɔmaa fondoa sooloo, mì la mulul Hala nɔ yoomoo o ba-o hɔlla, o cɔw halataalaa, lɛŋnden, mɛmma ihɛllan a ɲɛm co lenin-ndon kpow-vo.

Daniɛl 6:26

O kon kɔɔli, mí masaa Darius sɛval vannda súúlan kpow a vanaa-mangalaa-isɔaa yɛ́-yɛ́a va icali o lɛŋnden kpow coo-a aa: «Màá kɔlɲulu bɛndoo yɔngun niaa!

Condii lisai 42:2

Òó Hala! Mɛɛ kial kolɔɔ bii-o yeema mɛmma pee pɔmbɔan nuaa yɛ, lende koni ya co nɔm yeemaa ni.

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Sofoni 2:11

Kɛ, Mɛlɛka co nda fula o hɔl maa ɲɛ-vueinan, kani o tɛɛmbuunin halaa o lɛŋnden coo kpow. Vanaa-mangalaa-isɔɔa súúlan kpow, hali a co levil taw-va, vana-vana lonin o ndu lo mò baŋ vulan ndu Mɛlɛka o labɛngunin.»

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Yeremi 10:10

Kɛ Mɛlɛka, Hala kpeekpeiyo o co ni, Hala nɔ yoomoo o ba-o, masa co le lɔ́ɔ́-lɔ́ɔ̀-o. Te o tambu pɛ kɔllo, lɛŋnden le ɲiiya, vanndacieea nɔla kɔl ndɔ tuwvo simullo le.

Esai 37:17

Yandi Mɛlɛka yaŋ nilan mà tuei! Mɛlɛka kumbi hɔlta nɔmndan mà tofa! Tuei-yɔ sɔɔn Sennakerib sɔɔ vannda o sondo le hunɔɔ nɔm Hala yoomaa yeowlan a mun-ndon!

Esai 37:4

Bɔɔle Mɛlɛka Hala nɔmndo tuei sɔɔn fula bolle vanaa yɔngù masaa mɔiyan-nda-o o sondo-on, o vana ndɔ bɛndoo, o co masaa Asiri-o vem le hunɔɔ Hala yoomaa yeowlan-ndo pɛɛn, bɔɔle Mɛlɛka Hala nɔmndo soaŋnin ndu le sɔɔn o tuei mun-ndon. Lelan, piɛi Hala le vanaa tɔ̀a lo vɔ haa yoomu-a, yandi!

Condii lisai 84:2

Éé Mɛlɛka-Nɔ-Kpaayaa-Kpow-vo, i kaola bɔɔ cɛi nɔmndo!

1Samiɛl 17:36

Nuaa buɛi nɔmndo ndóò diw yàlàá a kɔ́lɔ́vúlua ni. Lende koni ya tosanin a Filistinɔ dii hoo toma loo ni, le yei o yei vanaa cɔvaa Hala yoomaa-o.»

1Samiɛl 17:26

Mí David ɲuna vanaa cɔvaa va ndu ikɛi-ya aa: «Vɔngɔ yɛɛ nɛ nda dɔaw yɛnin vana diinin Filistinɔɔ ho, mò soli Israɛlla mɔnɛi-yo? Yɛɛ nɛ Filistinɔ dii ho tooma loo co yɛ, mó hun sim vanaa cɔvaa Hala yoomaa yeowlan?»

Tɔŋ miingua 5:26

Kani o ceendo coo, vana-vana co, o tuɛi diom Hala yoomaa sɔɛi o yinnden tɛɛn, mò lo yoomu maa naa Israɛlla-o le.

Dɛnnda cɔɔmuanndan 17:2

Masaa co o lɛŋnden coo-a a co suundaa a ndu, mɔima suunda ndɔɔ ma bii vanaa co o lɛŋnden coo-a.»

Hebreea 12:22

Kɛ mí la sɔɔnguu o pembei Siɔn a o kobi Hala nɔ yoomoo o ba-o ikɛi, Yerusalɛm co o halataala-o, nɛɛ mɛlɛkaa co sɛ́lɛ́ a cuu cɔm te-a co-a.

Rɔmnda 9:26

O kon hali nɛɛ nda va nda dimullo aa ‹La co vanaa ni le›-a, a veelunin nda lon aa: ‹Cuavaa Hala yoomaa.›»

Yosue 3:10

Mɛɛ niaa sinanin maa Hala kiyɛiyo co niaa tɛɛn, maa ndu toawnin Kanannda, Hitiia, Heviia, Perisiia, Amoriia a Yebusiia niaa laci ni yɛ co hoo ni.

Matie 16:16

Mí Simɔn Piɛr muli aa: «Nɔm co Krista ni, Po Hala kiyɛiyo.»

1Nsaŋ 5:21

Cuavaa nia, la mandan a piɔmnda.