1Tesalonikea 1:8 - BII BILA

⁸ Kani sɔɛi Mɛlɛka-e tiw o niaa lo, o co ka Maseduan a Akaii le, mì tɔ́ɔ́ niaa laalan Hala-o kɔa nɛɛ-nɛɛ ka. Hali mì n suu bɛɛ a ken o kɔɔ le.

1Tesalonikea 1:8 Referans Kwoze

Rɔmnda 1:8

Ɲɛ tasoo, i mel Hala nuu balika o diola Yeesu Krista lan le niaa kpow, kani laalan niaa kela tɔ́ɔ́ o ceendo coo kpow.

Dɛnnda cɔɔmuanndan 14:6

Mí ca mɛlɛkanɔ celen, o va cɔnɔnndo coocoo o halataalaa tɛɛn, ndóò nɔ Yoongu kɛndɛ fɛɛn-fɛɛndo le vannda dimullo: vanaa co o lɛŋnden coo-a, vanaa fula o lɛŋii yɛ́-yɛ́i nin-nda, vanaa fula o lepola oo lepola coo-a, vanaa-mangalaa-isɔɔa súúlan kpow a vannda kpede.

3Nsaŋ 1:12

Vannda kpow a co diola kɛndɛla Demetrius lan dimio. Toɲaa pila bɛɛ co lan dimio. Naa bɛɛ, n sínà maa toɲaa sɔɔn naa n dimi-on co ni.

2Tesalonikea 1:4

Lelan naa n co lisanndo a niaa o lasondo o kundala vanaa laalannda tɛɛn ni, kani la co kindinndo o laalanndo nin, o yɛle tolaalen nin a o tɔɔndannda niaa co sɔlaa lan nin.

Esai 52:7

Mbɔ̀ pelun kiilanɔ kon naŋ bɔɔ o pembon coo, kiilanɔ co yoongu kɔlɲuloo yondaa-o, kiilanɔ co yoongula kɛndɛlan dimio-o, kiilanɔ co yondaa a cindaa o kɔɔ-o, o co Siɔn dimullo aa: «Hala nɔmndo co masalen tosaa-o»

2Tesalonikea 3:1

Puapilɛa nia, o ya yeema mì mɛɛlu niaa dimul-lo co hoo ni, la piɛi Hala le naa, haliko mi sɔɛi Maalii-e keleŋa sɛŋin nɛɛ-nɛɛ ka, mì i sɔla bɛɛlen mɛɛ o co niaa tosanndo tɛɛn yɛ.

Dɛnnda cɔɔmuanndan 22:17

Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.

Rɔmnda 16:19

Niaa niaa, vannda kpede a sínà maa vanaa biyaa isɔɔa niaa co ni, lelan ya naŋ kɔl a dɛnɛ niaa ni. Nduyɛ i yeema mì la va vanaa kɔlkalua a dɛnɛ kɛndɔɔ o kɔɔ, mì la va vanaa diandaa a dɛnɛ vɔɔndo o kɔɔ.

Esai 2:3

Vannda súúlan taw a kɔanin ndon taw-taw mà dimi aa: «La hun mì n helnun o pembii Mɛlɛka-e coo! N helnun o Cɛi-Hala Yakɔb-o nin haliko mo pɛɛku naa nɛila ndɔlan, mì n kela o nɛila o cɔmnin naa lan coo. Kani Siɔn tɔŋndo fulanin ni, Yerusalɛm sɔɛi Mɛlɛka-e fulanin ni.

Fulaa 18:9

Mɛɛ Yetro tuei sɔɔn mun, mó naŋ kɔl taw-taw le dɛnɛ kɛndɛ Mɛlɛka tosal kon Israɛlla-o a le soli o soli nda o cɛlen nin Esiptea o ba-o.

2Korɛntea 3:4

N nɔ kɔlkɛsiaa kon Hala o ba o Krista nin.

1Korɛntea 14:36

Vɛ̀ɛ̀ o niaa lo sɔɛi Hala-e i kandun ni baa niaa daama nda tiiyal ndi ni?

Esai 66:19

I handunin tɔɔmaseloo nda tɛɛn, mì vem vanaa ndaa lonin yoomu-a o vanaa-mangalaa-isɔɔa lo, mì vem nda Tarsis, Pul, Lud (o vanaa vuaa lakpaasiaa kan ndo). I viamnin vɛlɛ nda Tubal a Yavan, o lɛŋii co o mɛnndan tɛɛn a o mɛnndan kɔngɔ-e nin, i co ken levil lándan-nde. Vanaa co lon-nda a tui-yɔ isɔɔ a ya (Mɛlɛka) o kɔɔ le, a ci vɔ vɛlɛ biilu nuu le. A cɔmnin vanaa-mangalaa-isɔɔa biilu nuu.

Dɛnnda kiilaa 18:12

Tuma Kaliɔn va masa-ibunga Rɔmnda Akaii ciee-o, mí Yuifia cɛlan, má simul Pol. Má kɔa a ndu nɛɛ kialaa n'yamaa.

Rɔmnda 15:26

Kani vanaa laalannda Maseduan a haa Akaii a dimi le malaa biyɔɔ, le vanaa bala fondoa co vanaa laalannda tɛɛn Yerusalɛm-nda mala kon yɔŋndo.

2Korɛntea 2:14

Kɛ n melnun Hala balika, kani o co cɛlɔɔ mì n va dɛnndan tiwvo ba lɔ́ɔ́-lɔ́ɔ̀ o diola Krista lan. O co vɛlɛ tosaa mì n va sɔɛi Krista-e vannda cɔmndo nɛɛ-nɛɛ ka maa mɛɛ lasikɔlɔ cun kɛndɔɔ tiw ba-ba fee nuaa yɛ.

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

1Timote 2:8

Lelan, i yeema mì vanpiaandua heelu balan ladiandaa nɛɛ-nɛɛ ka, mà piɛi Hala, o va a kɔltuw le, o va vɛlɛ a lasɛɛngian te.

2Timote 2:9

Le Yoongu Kɛndɛ kon ya co sangaa sɔlaa nuaa ni, mì va vɛlɛ o yɔlɔn maa vana tɛɛmbuu dɛnɛ pum-ndo. Kɛ sɔɛi Hala-e co i yiyaa le.