1Tesalonikea 1:3 - BII BILA

³ Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.

1Tesalonikea 1:3 Referans Kwoze

1Korɛntea 13:13

Sunsun yɛ niko, ɲɛm yaan mun n co ni: laalanndo, kɔlkɛsiaa a kaolaa, kɛ o hiow lan kpow-vo co kaolaa ni.

Dɛnnda cɔɔmuanndan 2:19

I sínà dɛnnda nɔmndan, kaola nɔmndo, laalan nɔmndo, kpekula n soli vana lan, biuvɔn nɔmndo a dɛnnda nɔmnda mɛɛlaala hiow vaa sɛ́lɛ́ a lataselan-ndan.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

2Tesalonikea 1:11

Lelan, n co piɛilen lɔ́ɔ́-lɔ́ɔ̀ le niaa. N Hala naa ɲunaa haliko mo cɛl, mì la va ceendo vilio mɛɛ o bɛnda yɛ, ceen o veelu niaa, mì la va nin-ndo. N co ndu piɛiyo haliko mi kpaaya ndɔɔ peelun o yeeman kɛndɛn co niaa o lakɔl-lon nin, mì laalan niaa peelun o dɛnndan kpow nin.

1Nsaŋ 5:3

Kani Hala kaolaa co sɔɔn ndɔn biyɔɔ ni. Nduyɛ tɔŋnda ndɔlan la lusul te,

Kalatea 6:9

N sangan le dɛnɛ kɛndɔɔ tosaa le, kani n koawnin a telen bɛnda-o, te n mel te.

Rɔmnda 15:13

Màá Hala ke vana kɔlkɛsiaa-o pei niaa ɲaaloo a kɔlɲuloo o laalan niaa nin, haliko mi la pɛ a kɔlkɛsiaa o kpaaya Kɔl-Diandaa nin!

1Nsaŋ 3:3

Vana-vana kɛsi pɛ ndu kɔllo coo, ndu díndin, maa mɛɛ Krista pila co o diandaa yɛ.

1Tesalonikea 3:6

Kɛ Timote langa komal naa fulaa o niaa lo, mó downun naa kona kɛndɔɔ a laalan niaa a á kaola niaa nɔ-o o kɔɔ, mó cɔm naa yiyan kɛndɛ niaa nɔ a naa-o a yeemɛi niaa nɔ le naa cɔu vɛlɛ-e. Naab bɛɛ yeemɛi ken co naa taw.

1Nsaŋ 3:18

Cuavaa nia, n cɔmnùn kaola naa a lasondo a á lediɛɛmu daama le, kɛ n cɔmnùn ndu o dɛnndan a o toɲaa nin.

Hebreea 10:36

La hiow laci a biuvɔnndo le hɛnan Hala-o tosaa, mì la sɔla ɲɛm o dimi-on.

1Korɛntea 15:58

Lelan, puapilɛa nia hɛnan ya taw-va, la sim yili. La kpeeŋian te. La yɔngun lɔ́ɔ́-lɔ́ɔ̀ o baala Maalii-o nin, mì la sínà maa baala niaa co tosaa o Maalii nin-ndo co fúú le.

2Tesalonikea 1:3

Puapilɛa naa, mɛɛ mì n va Hala balikaa mello le niaa. O bɛnda mì n tosa kon, kani laalan niaa co cɔɔloo hiovɔɔ laci, kaola co niaa tɛɛn vellaa-velle-o co hiovɔɔ laci tuŋ.

1Nsaŋ 3:21

Caaŋaa nia hɛnan ya-a, te kɔlta naalan la yaala naa le, mɛɛ n nɔ tiindanndo Hala o hɔl.

1Piɛr 3:4

kɛ la naŋ naŋɔɔ kɔllo, la nɔ kɔlɲuloo a kɔlkɛndɔɔ, cuɛinɔn kɔl tembu loo co kon ni, o Hala ce ɲɛ sɔvɛ bɛndoo-o.

Hebreea 11:17

A laalanndo Abraham cɛ̀l sindɛ le Isaak sálàá solio ni, telen Hala tɔɔndan ndu-o. Mó cɛl le po ndɔ pilɔɔ sálàá solio, nduyɛ a ndu Hala yiilu Abraham kpemaa ni.

Hebreea 6:15

Mí Abraham biwnun, mó cum, o kon mó sɔla ɲɛ Hala ndóò dimul ndu le ndu yɔngoo-o.

1Timote 2:3

Ɲɛ naŋ mo hɛnan Hala vana ciindiaa naa-o co kon ni,

Kalatea 5:13

Puapilɛa nia, le hɔ́ɔ́yɛi niaa sɔla veeloo ni. Kɛ nduyɛ, la siinguu hɔ́ɔ́yɛi ken fɛɛlɔɔ le luɛyɔɔ dɛnnda n'falulan tosaa le, kɛ la tosalan baalaa vellaa-velle a kaolianndo.

Kalatea 1:4

Maalii Yeesu yɔngu yoomu ndɔɔ le naa ciindiaa le hakila naalan, mó soli naa o ceen vɔɔndo ho nin, maa mɛɛ hɛnan Hala Fuɲa naa-o co yɛ.

Rɔmnda 16:6

Mì la yil-la Mari. O tosa bɔɔ baalaa le niaa.

Rɔmnda 15:4

Nduyɛ, sɔɔn kɛ́-kɛ̀ n sɛvan lɔ́ɔ́ kon, le naa pɛɛkoo n sɛvan ni, haliko mi biuvɔnndo a yoomuma Sɔɛi Hala-e ke vana-an ma mala naa le kɔllo kɛsio.

Rɔmnda 12:12

La dɔwnun ɲaale o kɔlkɛsiaa niaa nɔ-o nin. La va vanaa yulu dɛnɛ palaa-a, mì la biwnun o piɛilen nin.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

Dɛnnda kiilaa 10:31

‹Kɔrnɛil, Hala tuei piɛile nɔmnden. O loonun a ɲɛm n ke vanaa bala fondoa-on o kɔɔ.

Dɛnnda kiilaa 3:19

Lelan, la mangalan, mì la mal yɔŋ vɔɔndo, mì la mulul Hala hɔlla, haliko mo ɲumi hakila niaalan.

Nsaŋ 14:15

«Te la kaola ya pɛ, mɛɛ la biinin sɔɔn ya co niaa dimullo-on,

Condii kɛndɛ-kɛndɛi 8:7

Hali mɛmma bɛnduan mà nɔla kaolaa ɲumi le, peela bɛndulan bɛɛ la tiwba ndu mɛiyia le. Hali vanacieo pisi bɛɛ ɲɛm ndɔn kɛndɔn kpow le kaolaa piondɔɔ, pɛɛsaa koni o tuisinnin coo ni.

Vana Kɔlkaloo 2:26

Vana hɛnan Hala-o, ndu Hala ke kɔlkaloo, dɛnɛ sinaa a kɔlkɛndɔɔ ni. Kɛ vana lahakio ndu, Hala pei ndu pɛ yiyanndo nin, o nuwviaa, o cuungiaa le vana hɛnan Hala-o yɔngoo. Kon vɛlɛ bɛɛ sanga fondoo fúú, ɲɛ fondoo kiltan kɔɔli pɛɛn.»

O Kandɔɔ 29:20

Mí Yakɔb tosa vallo vɔsilan laŋɔmmɛw le Rasɛl kɛsio o nɔ̀u ndu o ba. Kɛ mó ca vɔsila ŋɔmmɛwla lan maa palɛi bingi, kani ndóò kaola bɔɔ Rasɛl.

Hebreea 13:21

Màá Hala kon ke niaa kpaayaa le dɛnnda kɛndɛla súú-súù ka tosaa, mì la nɔla hɛnan ndɔɔ tosaa. Màá o mala naa o diola Yeesu Krista lan mì n tosà hɛnan ndɔɔ. Màá biiloo va le ndu Yeesu Krista le fɛɛn a fɛɛn! Amiina!

Hebreea 4:11

Lelan n kindikindin le luɛyɔɔ o pɛngi kon nin, haliko vana-vana del mò bumba le luɛyɔɔ maa fuɲaa naa mamaa lɔ́ɔ́ kon te.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

Rɔmnda 16:26

Sunsun, o co o cɔmnan kpendekele. O kon mí vanaa súúla yɛ́-yɛ́a co n'yuif le-a a sínà yoongu kon o sɛbɛla vanaa-tɛɛngaa-diom Hala-a nin. Hala co le fɛɛn a fɛɛn-ndo dimi ndu ni, haliko mi vannda súúlan kpow a laalan ndu, mà bii sɔɛi ndɔɛi.

Nsaŋ 15:10

Te la bii pɛ tɔŋnda nilan, mɛɛ la lonin o kaola nuu nin, mɛɛ ya bii tɔŋnda Fuɲa nuu mì lo o kaola ndɔɔ nin yɛ.

Dɛnnda cɔɔmuanndan 3:10

Le mɛɛ n bii sɔɛi nii má yɔŋnun vana biuvanndo yɛ, ya bɛɛ i kandanin nɔm o paale dɛnɛ palaale co hunɔɔ o ceendo kpow coo le vanndacieea o lɛŋnden coo kɔlɔɔ solio.

1Timote 1:14

Maalii naa pei ya kɛndɛi ndɔɛi nin ca, mó ke ya laalanndo a kaola naa n sɔla Yeesu Krista o ba-o.