1Tesalonikea 1:1 - BII BILA

¹ Ya Pol, Silas a Timote ni. N co sɛbɔɔ ho sɛvaa le vanaa Krista-aa co Tesalonike-a, á co le Hala Fuɲaa a le Maalii Yeesu Krista-a pɛɛn. Màá la sɔla dɛnɛ kɛndɔɔ a kɔlɲuloo!

1Tesalonikea 1:1 Referans Kwoze

Rɔmnda 1:7

Niaa vanaa-vanaa Hala kaola mí la va Rɔm, niaa veelun aa vanaa diandaa-a pɛɛn. Màá Hala Fuɲa naa a Maalii Yeesu Krista tosal niaa dɛnɛ kɛndɔɔ mò ke niaa kɔlɲuloo!

2Tesalonikea 1:1

Ya Pol, Silas a Timote ni. Naa co sɛbɔɔ ho sɛvaa ni, le vanaa laalaŋaa co Tesalonike-a, a co le Hala Fuɲaa a Maalii Yeesu-a.

Dɛnnda kiilaa 20:4

Mí Sopatɛr po Pirus fula Beeree-o, Aritarke, Sekundus fula Tesalonike-o, Kaus fula Dɛrbe-o, Timote, Tisik a Trofim, a fula o lɛŋnde Asii len nin-nda a liila ndu.

Dɛnnda kiilaa 18:5

Kɛ Silas nda Timote hunɔɔ fulaa Maseduan, mí Pol muungu vannda pɛɛkoo daama, mó va Yuifia dimio o hɔl maa Yeesu co Krista ni.

Yude 1:1

Ya Yude, ya co vana baala Yeesu Krista-o apuapilɛ Nsaki-o-o pɛɛn. Ya co vanaa Hala veelu, mí ndu Pua Hala kaola nda, má va a mandaa le Yeesu Krista-a sɛvallo nuaa ni.

1Piɛr 5:12

Kɛɛmasɔla Silvɛn te, o ya ce maa puapilɛ ni kɛndɛ-kɛndɛ-o, ndu mala ya le niaa sɛbɔɔ ho sɛvallo ni. I sɛval niaa ndu le niaa silaa maa o kɛndɛi Hala-e kpeekpei niaa yiinun nuaa ni.

2Korɛntea 1:19

Kani sɔɛi Yeesu Krista Po Hala-o, o Silas, Timote a ya pila dimul niaa sɔɛi ndɔɛi-yo, o co sɔɛi vana cɛl mà kɛɛ le. Kɛ o ndu nin, oi koni co oi ni.

Dɛnnda kiilaa 19:22

Mó viam vanaa va ndu malaa-a nda ŋiɔn Maseduan, Timote nda Eraste, mí ndu pila lonnun Asii le telen pum.

Dɛnnda kiilaa 17:11

Mí Yuifia va Beeree-a bii nda ɲɛkɛndɛi hiovɔɔ biyɔɔ haa Tesalonike a bii nda-o coo. Má cɛl sɔɛi Hala-e a kɔlta ndalan kpede. Lepalaa-lepala, a va Sɛbɛ Hala-o yaasiaa le sinaa te toɲaa sɔɔn Pol va dimi-on co ni.

Hebreea 13:23

La sínà maa Timote puapilɛ naa sɔla malɔɔ. Te o yala pɛ tiiya nanu, n kɔanin niaa yilɔɔ naa ndu.

2Timote 1:2

I co nɔm Timote, po ni ya kaola-o sɛbɔɔ ho sɛval. Màá Hala Fuɲaa nda Maalii naa Yeesu Krista tosal nɔm kɛndɛi, mà tuinin nɔm iɲíí, mà ke nɔm kɔlɲuloo!

1Timote 1:2

Le Timote, po ni kpeekpeiyo o laalanndo nin. Màá sɔla kɛndɛi, ɲííye tuinɔnndo a kɔlɲuloo fulaa Hala Fuɲaa a Maalii naa Yeesu Krista o ba!

Kolɔsea 1:1

Pol, o co kiila Yeesu Krista-o o hɛnan Hala-o nin-ndo nda Timote puapilɛ ndɔ co sɛbɔɔ ho sɛvaa ni.

Filipea 1:1

Naa vanaa baalaa Yeesu Krista-a, Pol nda Timote pɛɛn. N co vanaa laalaŋaa co o Yeesu Krista nin Filipe-a, simlacia a vanaa co vanaa baalaa Hala-a malaa-a kpede sɛbɔɔ ho sɛvallo.

Efɛsea 1:2

Màá Hala Fuɲa naa nda Maalii Yeesu Krista a tosal niaa dɛnɛ kɛndɔɔ mà ke niaa kɔlɲuloo!

Kalatea 1:22

Kɛ vanaa laalaŋaa co o tàndá Yuda-o nin-nda ndáà ci vɔ ya bɛɛ le.

Kalatea 1:2

a puapilɛa naa n co latulu-a, n co vanaa laalannda Kalasii sɛbɔɔ ho sɛvallo.

2Korɛntea 1:1

Ya Pol, kiilanɔ Yeesu Krista-o mɛɛ hɛnan Hala-o co yɛ, naa Timote puapilɛ naa. Naa n co sɛbɔɔ ho sɛva le vanaa Hala-a co Korɛnte-a a le vanaa diandaa kpow ni, á co o lɛŋnde Akaii len nin ba-ba fee-a.

1Korɛntea 1:2

N co sɛbɔɔ ho sɛva le vanaa laalaŋaa co Korɛnte-a, le vanaa yɔngun ma va a diandaa o Yeesu Krista nin-nda, a le vanaa co diola Maalii Yeesu Krista lan veeloo nɛɛ-nɛɛ ka-a kpow, o co Maalii ndaa a Maalii naa-o.

Dɛnnda kiilaa 16:29

O kon mí kpalilnɔɔ ɲuna ɲɛ-tengaa, mó luɛi a kiltan o cɛi kaasoo nin a ɲiiyaa, mó kɔ del Pol nda Silas o labɛngunin.

Dɛnnda kiilaa 16:25

Di-tɛɛndo kandɔɔ tiiyaa, mí Pol nda Silas a va Hala piɛiyo, má va ndu condon solullo. Vanaa kaasoa tɔ̀a va nda nilan yaŋɔɔ.

Dɛnnda kiilaa 16:19

Vanaa ndɔa bɛndua cɔu maa a sɔla lɛnin n'voli cuaambɔɔ kon kɔɔli le, má bii Pol nda Silas, má kɔa a nda o simlacia lelɛŋnda lo o fonda fɛkɛi va o kobi kon nin-ndo.

Dɛnnda kiilaa 15:40

Mí Pol ndu hɛli Silas. Vanaa laalannda ciiyo Mɛlɛka piɛiyo le nda, má kɔannun.

Dɛnnda kiilaa 15:27

N co vɛlɛ Yude nda Silas vomɔɔ o niaa lo, mà kɔ tiinda diomndo o sɔɔn naa n co mun sɛvaa-on coo.

1Nsaŋ 1:3

O naa n ce mí n tuɛi-yo, ndu naa n co niaa dimullo ni, haliko mi niaa bɛɛ va latulu a naa. Nduyɛ vaa latulu naa niaa, ndu co vaa a Pua a á Yeesu Krista Po ndɔ ni.

Dɛnnda kiilaa 15:22

O kon, mí kiilaa, kaasoŋaa kɔlkalua kunda vanaa laalannda a vanaa Hala-a kpow a tuu le vanaa pum o nda pila tɛɛn hɛlio, le nda vomɔɔ Antiɔs nda Pol a Barnabas-a. Má hɛli Yuda o ndáà veelu vɛlɛ aa Barsabas-o nda Silas, a va simlacia puapilɛa ndaa tɛɛn-nda.