1Samiɛl 9:3 - BII BILA

³ Paale pilɛ, mí sofɛlɛa laandua Kis-a lo. Mí Kis dimul Saul po ndɔ aa: «Veelu vana baalaa pilɛ mì la kɔ nuwviaa cɔlua ha.»

1Samiɛl 9:3 Referans Kwoze

1Samiɛl 10:2

La co nɛiyo biyɔɔ sisa le kɔlan, telen niaa tiiyanin Sɛlsa o pɛɛngulan a tàndá Bɛnyamɛn-ndo-o, la komalnin vanpiaandua nda ŋiɔn o sɛi Rasɛl-lo ikɛi, mà dimul nɔm aa: ‹Sofɛlɛa n co nuwviaa-a cennun. Le nɔm kínɛí fuɲa nɔm co nin buulanndo ni. O co dimio aa: Ko yɛɛ ya tosa yɛ mì ce po nuu?›

Masaa kialaa n'yamaa 10:4

Ndóò nɔ poaa beleyaa, poaa kan ndáà hel o sofɛlɛa téndéa beleyaa coo ni, ndáà nɔ kobilan beleyaa o tàndá Kalaad-o nin. Háá hau a co vɔ kobila lan veeloo aa sɔndɔkɔlta Yair lan.

Masaa kialaa n'yamaa 5:10

Niaa co icali o sofɛlɛa laandua humbua coo-a, niaa co icali o valalan coo-a, a niaa co kɔlan o nɛi-ya, la keela kɔllo.

1Samiɛl 9:2

Kis ndóò nɔ poo pum diolan Saul, langbanɔ felengi naŋ hɔlla taw-vo o va ni. Vanáà hiw ndu naŋɔɔ o Israɛlla tɛɛn te, ndóò sim pɛ, ndóò hiow vannda kpow bollen bandei.

1Samiɛl 9:4

Má kei fɔlɔn o tàndá n'pembu Efraim-ndo nin, má kɔa o lɛŋnde Salisa len nin, kɛ a seelun nda le. Má kei o lɛŋnde Saalim-den nin, lon bɛɛ a komal nda le. O kon kɔɔli, má kei o tàndá Bɛnyamɛn-ndo nin, kɛ lon vɛlɛ bɛɛ a seelun nda le.

1Samiɛl 9:20

Búúlàn-ndɛ le sofɛlɛa nɔmaa lo o co nihau palɛi ndii yáá-a le, kani vannda saalun nda. Nɛ̀ɛ́-nɛ̀ nɔ yɛ ɲɛm sɔvɛn co o lɛŋnde Israɛl-ten nin-ndon kpow? Vɛ̀ɛ̀ o co nɔm pila a yungu fuɲa nɔm-ndo le?»

1Samiɛl 10:14

Mí fuɲa ndɔ pɔmbɔɔ ɲuna ndu nda buɛi ndɔɔ aa: «Kuɛɛ nɛ niaa va yɛ?» Mí Saul mulul ndu aa: «Sofɛlɛa naa n va nuwviaa ni. Kɛ n ci nda le, lelan naa n kɔɛ o Samiɛl-lo le ndu ɲunaa ni.»