1Samiɛl 9:2 - BII BILA

² Kis ndóò nɔ poo pum diolan Saul, langbanɔ felengi naŋ hɔlla taw-vo o va ni. Vanáà hiw ndu naŋɔɔ o Israɛlla tɛɛn te, ndóò sim pɛ, ndóò hiow vannda kpow bollen bandei.

1Samiɛl 9:2 Referans Kwoze

1Samiɛl 16:7

Kɛ mí Mɛlɛka dimul Samiɛl aa: «Ɛ-ɛ, tofa ndu le tùú o naŋ hɔlla mó caa simndan-ndo le, o co ndu le ya hɛli le. Kani ya-ya, yiyan nuu co maa yiyan vanaciee le. Diallon kínɛí vanacieo ndu tofa ni, kɛ ya ya, ɲɛ co o kɔllo nin di-o ya ca ni.»

Kundalan 13:33

Mí n ca vɛlɛ vanaa vilɛi-vilɛiya lon, cuavaa-imamaa Anak-a pɛɛn, a fula o polale vanaa vilɛyaa kan nin-nda. Tuma naa n tiiya vanaa kan o hɔl-lo, naa pila n va cɔnnɔnndo maa n'sóónɔ, lende koni nda bɛɛ va naa cɔu ni.»

O Kandɔɔ 6:2

mí poaa Hala-a ca maa cuavaa laandua vanndacieea va violɔɔ-a naŋ taw, má hɛli a pum, má cua nda o nɔ̀lan.

Yeremi 9:23

Kɛ vana yeema pɛ le lisanndo, ndu lisan le kɔlkalu o sɔla mó sina ya-o, le sinaa maa ya co Mɛlɛka ni. O co kɛndɛi, dɛnɛ sandaa a sakpoyɛi tosaa o lɛŋnden coo-o, vanaa vaa lende hɛnan ya ni.» Sɔɛi fula Mɛlɛka o sondo-e co ken ni.

1Samiɛl 17:4

Mí vana cɔwvo pum fula o dɔ́ɔ́ngɔ́ Filistia nin, mó hun sim kundala tiɔnnda vanaa cɔvaa kan tɛɛn, diolan ndɔlan aa Koliat. O kobio Kat nin ndóò fula ni. Bandii ndɔɛi va le dunndo leŋɔmpum a suon piasaa lepilɛ.

1Samiɛl 9:3

Paale pilɛ, mí sofɛlɛa laandua Kis-a lo. Mí Kis dimul Saul po ndɔ aa: «Veelu vana baalaa pilɛ mì la kɔ nuwviaa cɔlua ha.»

1Samiɛl 10:21

Mó veelu yungula yɛ́-yɛ́la fula o polale Bɛnyamɛn-nden nin-ndan, mí sionnden le bii yungu Matri-o. O kon kɔɔli, mí sionnden le bii Saul, po Kis-o. Kɛ a nuwviaa ndu fee, a ci ndu le.

1Dɛnnda lemasalan 8:33

Nɛr velu Kis ni, mí Kis vialu Saul, mí Saul vialu Yonatan, Malki-Sua, Abinadab a Ɛsbaal.