1Samiɛl 8:9 - BII BILA

⁹ Lelan cɛl nda diom. Kɛ nduyɛ, yondal nda vakpa, mà cɔm nda ɲɛ masa hun vanin kon nda coo-o bɛnda le sɔlaa nda o ba-o.»

1Samiɛl 8:9 Referans Kwoze

1Samiɛl 10:25

O kon kɔɔli, mí Samiɛl cɔm ɲɛ masa kon bɛnda le sɔlaa-o vannda kpow o hɔl, mó sɛva kon kpede o sɛbɔɔ nin, mó kɛsi sɛbɛ kon Mɛlɛka o hɔl malan o mingi vannda kpow o la nda lo.

Esekiɛl 46:18

Simlacinɔɔ bɛnda mò cua ɲɛ-ɲɛ o ɲɛm co kɛ́ɔ le vanaa tɔ̀a-on coo mo hɛlu nda yondola ndalan o ba le. Kɛ o bɛnda mò cua ɲɛm o melnin poaa ndɔa kɛ́ɔ-von o ɲɛm ndɔn ndu pilan coo, haliko vana-vana fola lɛŋnden o vanaa nia tɛɛn te.»

Esekiɛl 3:18

Te i dimul pɛ vana kɔlvesɛiyo aa: «Nɔm vana kɔlvesɛiyo, a co vu! Te nɔm (Esekiɛl) tɛɛngul vana kon sɔɛi ken te, taa suu le vana kɔlvesɛi kon kanalanndo le kela ndɔ vɔɔndo malɔɔ a le yoomu ndɔɔ ciindiaa le, vana kɔlvesɛi kon vunin lekɛ́ndɛi o sandii lepɛŋii ndɔɛi nin, kɛ nɔm (Esekiɛl) ya handunin sɔɛi piɔ́m ndɔɔ o lebol ni.

1Samiɛl 14:52

Saul cii masale ndɔlen lende, cɔwla kàlà-kálàlan tuŋ la va ndu tɛɛn nda Filistia ni. Lelan, te ndóò ce dɔ́ɔ́ pɛ vana mayoomoo, te kon te vana dialun fulaa, ndóò nannun ndu o ibuŋ.

1Samiɛl 2:13

Vanaa-solia-lasálàá nda va ni, kɛ tofa vɔ mɛɛ ndáà tosal vannda yɛ: lɔ́ɔ́ lepum, te vanndo ndóò hin pɛ le sálàá solio, mì vision va ŋolɔɔ o yin, buɛi vana-solia-lasálàá ndóò sɔɔnguu a cukani ciŋun yaa-o o ba,

1Samiɛl 8:8

Kabi paale ya soli nda Esipte len, háá paalen nden hau, a co ya kɛɔ tuŋ ma va mulinndo halaa celen biiloo. Mɛɛ nda tosal nɔm nuaa yɛ koni nda dema ya tosal ni.

1Samiɛl 12:1

Mí Samiɛl dimul Israɛlla kpow aa: «La tofa vɔ! I yaŋ nilan o diom oo diom niaa dimul-la, mí suili masaa niaa coo.

Yeremi 11:7

Kani kabi ya soli fuɲaa niaa mamaa Esipte háá hau, nuaa koni ya va nda baŋnɔnndo kɔɔli a sɔɛi ni, i va sɔɛi o nda lo mí va sɔɔn mun mingio dimio aa: La yaŋnun diom nuu!