1Samiɛl 8:8 - BII BILA

⁸ Kabi paale ya soli nda Esipte len, háá paalen nden hau, a co ya kɛɔ tuŋ ma va mulinndo halaa celen biiloo. Mɛɛ nda tosal nɔm nuaa yɛ koni nda dema ya tosal ni.

1Samiɛl 8:8 Referans Kwoze

Fulaa 32:1

Mɛɛ vannda ce maa Moise co viovɔɔ o pembei coo le tolɔɔ, má bɔɔŋian o Aarɔn ndo, má dimul ndu aa: «Cɔn ma cow naa piɔmndo, mì ndu va hala naa le kɔlan naa laci. Kani Moise soli hoo naa o lɛŋnde Esipte len nin-ndo, n sina ɲɛ yɔŋnun ndu le.»

Masaa kialaa n'yamaa 13:1

Mí Israɛlla tosa vɛlɛ ɲɛ hɛnan Mɛlɛka loo. Lelan, mí Mɛlɛka mal nda Filistia o ba le vɔsilan belehiɔɔlu.

Masaa kialaa n'yamaa 6:1

Mí Israɛlla tosa vɛlɛ ɲɛ hɛnan Mɛlɛka loo, mí Mɛlɛka mal nda Madiannda o ba háá le vɔsilan tan ŋɔmmɛw.

Masaa kialaa n'yamaa 4:1

Ehud vuo, mí cuavaa Israɛlla tosa vɛlɛ ɲɛ hɛnan Mɛlɛka loo.

Masaa kialaa n'yamaa 2:20

Mí Mɛlɛka tuulu kɔl a cuavaa Israɛlla, mó dimi aa: «Le tùú vannda ha cii kpema ni yáà yiilu fuɲaa ndaa mamaa-o tɛɛmbuu, má kɛɛ le sɔɛi nii biyɔɔ few-vo,

Tɔŋ miingua 9:24

Kabi ya sina niaa, vanaa nila kalua niaa yɔŋnun a Mɛlɛka ni.

Fulaa 17:2

Mí nda kpow a sɔngɔlan Moise, má dimul ndu aa: «La ke naa mɛnndan mì n kol.» Mí Moise ɲuna nda aa: «Le yɛɛ niaa co yɛ ya sɔngɔlanndo? Le yɛɛ niaa co yɛ vɛlɛ Mɛlɛka tiŋɔɔ?»

Fulaa 16:3

Má dimul nda aa: «Àá! Ndóò naŋ mì Mɛlɛka ndóò diw naa o lɛŋnde Esipte len nin, telen naa n vannun icali o kpɛɛnɛn naan va n'piaa a vision-ndon ikɛi-yo, telen kon ɲɛdiaa vannun naa o ba taw. Kɛ mí la kɔ faŋa naa lon le hunɔɔ a naa o lɛŋnde veselɛilen nden nin, haliko mi n hun cuu vu kpow a yiaan.»

1Samiɛl 8:7

Mí Mɛlɛka mulul Samiɛl aa: «Ɲɛ-ɲɛ Israɛlla ɲuna pɛ nɔm, yaŋ nda nilan, ma cɛl nda diom. Sina pɛngu maa o co nɔm te nda kɛɛ le, ya pila nda kɛɛ nuaa ni. A yeema lɛ mì va masa nda coo le.

1Samiɛl 8:9

Lelan cɛl nda diom. Kɛ nduyɛ, yondal nda vakpa, mà cɔm nda ɲɛ masa hun vanin kon nda coo-o bɛnda le sɔlaa nda o ba-o.»

Yeremi 34:14

Mí yáà dimul nda maa nanu a vɔsilan laŋɔmmɛw, vana-vana bɛnda mò mal puapilɛ ndɔ Hebreenɔ ndóò pendu mí ndóò va cɛ ndɔɔ-o mò kɔɛnnun. Vana kon tosalnin nɔm vali lecɛo le vɔsilan laŋɔmpum. O kon kɔɔli, a mal ndu o kɔɛnnun. Kɛ fuɲaa niaa mamaa bii sɔɛi ken te, a yeŋnun bɛɛ ndi le.

Esekiɛl 2:3

Mó dimul-la aa: «Po vanacieo sei, ya co nɔm vomɔɔ o cuavaa Israɛlla lo ni, o vanaa-mangalaa-isɔɔa nila kalua lo ya co nɔm vomɔɔ ni, a simul-la kan nda pɛɛn. Nda a fuɲaa ndaa mamaa, vanaa nila kalua nda yɔŋnun a ya háá hau ni.

Condii lisai 78:8

O kon nda ve lɛnin maa lambila fuɲaa ndaa mamaa le, a kɛɛ kan sɔɛi Hala-e biyɔɔ, má kindi nilan-nda pɛɛn, vanaa mangala kan yiyanndan a Hala, má kɛɛ le lou o lediom coo-a.