7 Mí Mɛlɛka mulul Samiɛl aa: «Ɲɛ-ɲɛ Israɛlla ɲuna pɛ nɔm, yaŋ nda nilan, ma cɛl nda diom. Sina pɛngu maa o co nɔm te nda kɛɛ le, ya pila nda kɛɛ nuaa ni. A yeema lɛ mì va masa nda coo le.
Mí Samiɛl dimi vɛlɛ aa: «Kɛ niaa kan te co hau Hala niaa soli niaa kon o sangalan nin a o dɛnnda palaalan nin-ndo kɛɔ, mí la muungu ndu dimullo aa ‹Ke naa masaa› le? Lelan, la hun niko o Mɛlɛka lo mɛɛ polama niaan a yungula niaalan la co yɛ́-yɛ́ yɛ.»
Mí Yeesu dimul vɛlɛ kaandeŋaa ndɔa aa: «Vana-vana tuei pɛ niaa diom, mɛɛ ya o tuei diom ni, vana kɛɛ pɛ niaa, mɛɛ ya o kɛɛ ni. Nduyɛ, vana-vana kɛɛ ya pɛ, mɛɛ vana vem ya-o o kɛɛ lende ni.»
Mí Moise dimi aa: «La canin biilu ndɔɔ telen ndu Mɛlɛka yɔngunin niaa cɔɛllɛn vision le dioo-o, telen o yɔngunin vɛlɛ niaa ɲɛdiaa taw-taw siɔdii-o. Kani Mɛlɛka tuei sɔɔn pɔmbɔn niaa soo a ndu-on. Naa naa, yɛɛ naa n co yɛ? O co a naa le niaa soo sɔɔn pɔmbɔn te, kɛ a Mɛlɛka pila.»
Kɛ vanaa va o lɛŋnde ndɔlen nin-nda ndáà yeema ndu le. Má soli vannda, má kɔa ndu kɔɔli, má kɔ dimi aa: ‹N yeema mì langbanɔɔ ho tosa masalen naa coo le.›
Lelan ya bɛɛ, ɲɔɔ hɛnannin ya taw le dɛnɛ palaa ndaa. I tuisinin ɲɛ lueinin nda siòònde-o nda pila coo, kani i veelu kɛ vana pilɛ bɛɛ cɛl te. I soo, kɛ vana-vana yeŋ lani le. Nduyɛ má tosa ɲɛ co dɛnɛ vɔɔndo ya o hɔl-lo, mí ɲɔɔ hɛnan nda o dɛnɛ ya yeema loo tosaa nin.
Icɔllo, mí Hala hun o Balaam ndo, mó dimul ndu aa: «Te le kɔlan niaa ndaa latulu vannda ha hin nɔm kɔɔli ni, mɛɛ cɔn mì la kɔɛ niaa ndaa. Kɛ nduyɛ, ɲɛ ya dimulnin nɔm-ndo daama n bɛnda ma tosa ni.»
Kabi paale ya soli nda Esipte len, háá paalen nden hau, a co ya kɛɔ tuŋ ma va mulinndo halaa celen biiloo. Mɛɛ nda tosal nɔm nuaa yɛ koni nda dema ya tosal ni.
Mí Mɛlɛka mulul Samiɛl aa: «Cɛl vannda ha diom sei! Ke nda masaa.» O kon kɔɔli, mí Samiɛl dimul vanpiaandua Israɛlla aa: «Niaa kpow, vana-vana muungu o ndu lo ciee.»
Kɛ telen niaa ce Nahas, masa Amɔnnda hunɔɔ niaa delɔɔ coo a cɔwvo-o, mí la dimul-la aa: ‹Hee ndi, fɔ mì masaa tosa masalen naa coo.› Nduyɛ, Mɛlɛka, o co Hala niaa-o, ndu co masa niaa ni.
Mí yáà dimul nda maa nanu a vɔsilan laŋɔmmɛw, vana-vana bɛnda mò mal puapilɛ ndɔ Hebreenɔ ndóò pendu mí ndóò va cɛ ndɔɔ-o mò kɔɛnnun. Vana kon tosalnin nɔm vali lecɛo le vɔsilan laŋɔmpum. O kon kɔɔli, a mal ndu o kɔɛnnun. Kɛ fuɲaa niaa mamaa bii sɔɛi ken te, a yeŋnun bɛɛ ndi le.
Mó dimul-la aa: «Po vanacieo sei, ya co nɔm vomɔɔ o cuavaa Israɛlla lo ni, o vanaa-mangalaa-isɔɔa nila kalua lo ya co nɔm vomɔɔ ni, a simul-la kan nda pɛɛn. Nda a fuɲaa ndaa mamaa, vanaa nila kalua nda yɔŋnun a ya háá hau ni.
Kɛ cuavaa Israɛlla nda yeemanin le naa nilan yaŋɔɔ o sɔɛi nɔmnde le, kani a yeema le ya pila nilan yaŋɔɔ le, bau cuavaa Israɛlla kpede, vanaa bolii kalaa a vanaa bii isɔɔ le-a nda co ni.