1Samiɛl 8:3 - BII BILA

³ Kɛ poaa ndɔa kan ve tosa mɛɛ fuɲa nda va tosaa yɛ le. Nda nda, volion ndáà luɛi hɔlten ni, má va ɲɛm vannda va nda yɔngoo-on biyɔɔ le yaman lacòòvan kiolɔɔ.

1Samiɛl 8:3 Referans Kwoze

Tɔŋ miingua 16:19

La tósà kafalan o yaman kiolɔɔ nin te. La hiyan vannda le, la cɛl ɲɛm nda vanin niaa yɔngoo le niaa luɛyɔɔ nin-ndon te. Kani ɲɛm mun suumiaa vanaa kɔlkalua ni mi n laasiaa di vanaa tɛɛmbuu isɔɔ le-a.

1Timote 6:10

Kani kaola n'volio co dumbule dɛnnda vɔɔnnda súú-súù ka ni. Nduyɛ, mɛɛ yeemɛi ken i bii vanaa pum háá, má mal laalan ndaa, mí sangala bɛndulan la luɛi o kɔlta ndalan nin.

Condii lisai 15:5

O yɔngu vana kuee le tɔnɔ sɔla lecoo le, o cɛl luɛyɔɔninndo le vana tɛɛmbuu isɔɔ loo palaa le. Vana kela pɛ o nɛilan ndan coo, vana kon del lɔ́ɔ́-lɔ́ɔ̀ le.

Fulaa 23:8

La cɛl ɲɛm nda vanin niaa yɔngoo le niaa luɛyɔɔ nin-ndon te, kani ɲɛm vaa lende n suumiaa vanaa co cɔu-va, mì n laasiaa sɔɔn vanaa sandaa.

Fulaa 18:21

Le sɔɔn tɔ̀un yɛ, ó vannda ha kpow tɛɛn, hɛli vanaa nɔ diola kɛndɛlan-nda, a nɔ siòòŋii Hala-e-a, a nɔ toɲaa-a, vanaa vana nɔla n'sɔɔ pei nin te-a, ma siinguu nda simlacia o kundala vannda co nin vaa-vaa, kɛmɛ-kɛmɛ, beleŋuɛɛnu-beleŋuɛɛnu, a o kundala n'van tɔ́-tɔ́ lan coo.

1Timote 3:3

o yɔngún mɔiyan te, o va vana lacɔlɔba le, kɛ mò va vana cii sɔngɔlan-ndo a vana kɔlɲuloo. O va vana nɔ hɔlte ɲɛ-sɔlaa-o le.

Esai 33:15

Fɔ vana co kelaa o dɛnɛ sandaa coo-o, vana co sɔɛi a sandei lɔ́ɔ́-lɔ́ɔ̀-o, o kɛɛ ɲɛm sɔlan delɔɔ coo-o, o koaŋ bala ndɔlan mo kɛɛ luɛyɔɔninndo-o, o kinda nila ndɔlan yɔŋii o tuei sɔɔn diyaa n'vanndon-ndo, o kinda hɔlta ndɔlan yɔŋii o cɔ dɛnɛ vɔɔndo tosanndo-o.

2Samiɛl 15:4

Mì ndóò hiow vɛlɛ laci a dimio aa «Àá, te yáà siŋnun pɛ vana kialaa n'yamaa o lɛŋnden nden nin! O ya lo vannda ndáà hunnin ni, mì yáà kelu yamɛi sandɛi nda tɛɛn.»

Vana Kɔlkaloo 2:19

I sina vana súú ndu vanin te, ko vana kɔlkalu ni, ko diɔm sondo vesɛi ni, i sina le. Nduyɛ, ndu koma nɔnin hɔlten o baala nuu coo ni, o ya tosa a kpaaya nuu, mí tosa ndu a kɔlkalu nuu kpow o paalen bɛngu-o pɛɛn. Kon vɛlɛ bɛɛ, sanga fondoo fúú.

Condii lisai 26:10

vanaa balan la co kan lanɔɔlɛilan-nda, á bii kan ɲɔɔn le luɛyɔɔninndo-a pɛɛn.

Fulaa 23:6

La dímì còòlan mì la ven di vana bala fondoo o kɔɔsɔɔ le.

1Samiɛl 2:35

O kon kɔɔli, i hɛlinin vana-solia-lasálà sandaa biinin diom nuu-o, ó tosanin hɛnan nuu-o pɛɛn. I yɔngunin ndu poaa, mí poaa kan siŋnun vanaa-solia-lasálàá masa ya hɛlinin-ndo ikɛi le fɛɛn a fɛɛn.

1Samiɛl 12:2

Kandɔɔ hau, la ce masa niaa! Ndu vanin niaa bollen ni. Kani ya i sim niaa laci kandɔɔ o felengiyɛi nii nin háá o paalen nden hau. Kɛ i yuuva nin taw, bollen le dendu ya nin few. Poaa nia sulaa co niaa tɛɛn.

Esai 1:23

Vanaa lanila kalua simlacia niaa co ni, nda co vuiya simndan kɔɔli le vuilen tosaa ni. Nda kpow a yeema bolofaa luɛyɔɔninndo, a co kiltan ikilikiliei vɔ̀ngɔ̀lan kɔɔli tuŋ! A co isɔɔ le vííya ma tosal nda dɛnɛ sandaa le, a cɛl bɛɛ mì dɛnɛ vanalanɔ pɔnɔ ndɔ vi-o tiiya o nda lo di le yamɛi kiolɔɔ le.

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›