1Samiɛl 8:11 - BII BILA

¹¹ Mó dimul nda aa: «Ɲɛ vana vanin niaa masaa coo-o tosanin-ndo vanin hoo ni: o hɛlinin vanaa cɔwva o poaa niaa tɛɛn le cɔwvo tosaa o ɲɛla ɲaanannda ndɔla soa nan-ndan coo. A tiŋ vanin le ɲaanɔnndo o soa ndɔa coo, a pum yɛ, le vaa ɲaanɔnndo ɲɛ ndɔ ɲaanan soa nan-ndo laci.

1Samiɛl 8:11 Referans Kwoze

1Samiɛl 14:52

Saul cii masale ndɔlen lende, cɔwla kàlà-kálàlan tuŋ la va ndu tɛɛn nda Filistia ni. Lelan, te ndóò ce dɔ́ɔ́ pɛ vana mayoomoo, te kon te vana dialun fulaa, ndóò nannun ndu o ibuŋ.

1Samiɛl 10:25

O kon kɔɔli, mí Samiɛl cɔm ɲɛ masa kon bɛnda le sɔlaa-o vannda kpow o hɔl, mó sɛva kon kpede o sɛbɔɔ nin, mó kɛsi sɛbɛ kon Mɛlɛka o hɔl malan o mingi vannda kpow o la nda lo.

2Samiɛl 15:1

O sɔɔn mún kɔɔli, mí Absalɔm sɔla ɲɛ ɲaanan soa nan-ndo o pilɛ a soa, a kunda vanaa cɔwva n'van beleŋuɛɛnu, á va ɲaanɔnndo o ɲɛ ndɔ ɲaananndo laci-a.

1Masaa 10:26

Mí Salomɔn cuungiaa ɲɛla ɲaanannda soa nan-ndan vàá pilɛ a kɛmɛ lehiɔɔlu, soa vaalan tɔ́ a latiɔn, mó manda a pum ndu ikɛi Yerusalɛm, mó yaa a pilla o kobila yɛ́-yɛ́la ndóò bɛɛndiaa le nda mandaa lan nin.

1Masaa 18:46

Mí Mɛlɛka luei Elii yoomuan, mó yiinun yáwlen o caŋ, mó va Akab ɲaanɔnndo laci háá Yisreɛl ciee-lekɔɔ.

1Masaa 12:10

Mí langbaa felengia va kan lambi ndɔɔ-a mulul ndu aa: «Mulul vanaa dimul nɔm kan maa fuɲa nɔm bii nda biyɔɔ lecɛo, kɛ nɔm yɔnyɔla nda-a aa: ‹Suei nii pɔmbɔɛi hiow ba fuɲa nuu celullo.

1Masaa 12:4

«Biyɔɔ lecɛo tuŋ fuɲa nɔm va naa ni, mó mal naa o baalala kálà-kálàlan nin, mí masale ndɔlen le kindila naa. Kɛ o laan ndu, nɔm nɔm dɔɔnial naa sanga lecɛ fuɲa nɔm tuisa naa coo-o a volɔɔla lusulaala o handu naa o lebol-tan, mì n tosal nɔm baalaa.»

1Masaa 1:5

Tuma kon, mí kɔl yongaa luɛi Adoniya, po David velu nda Hakit-o nin, mó dimi aa: «Ya co hunɔɔ siŋnɔn masaa ni.» Mó cua ɲɛ ɲaanan soa nan-ndo o pilɛ, vanaa ɲaanun o soa coo-a a langbaa beleŋuɛɛnu, má va kɔlan ndu laci.

1Samiɛl 8:9

Lelan cɛl nda diom. Kɛ nduyɛ, yondal nda vakpa, mà cɔm nda ɲɛ masa hun vanin kon nda coo-o bɛnda le sɔlaa nda o ba-o.»

1Masaa 14:27

Mí masaa Roboam cɔaw kɔ̀ɔ̀la cɔwla celen a daɲan, mó yɔngu simlacia vanaa cɔvaa va diola luɛyaala bɛ́ɛ̀ lemasaa kandaa-a.

1Samiɛl 22:7

Mí Saul dimul buɛyaa ndɔa kan aa: «Niaa vanaa fula o polale Bɛnyamɛn-nden nin-nda, la yaŋ nilan! La nɔ o kɔl maa po Yisai-yo tiwba mo ke niaa kpow yondola valtan a nakɔla n'rɛsɛnndan? Niaa ca ko aa mò siinguu vana-vana simlacinɔɔ le n'van vàá pilɛ te kon te n'van kɛmɛ o niaa tɛɛn? Kɛì-kɛì bɛɛ!