1Samiɛl 7:6 - BII BILA

⁶ Mí Israɛlla cuungian Mispa. Má kɔandu mɛnndan, má cuuŋuu man lɛŋ Mɛlɛka o hɔl, má bii sumndo paale len. O kon kɔɔli, má sɔlɔlan hakila ndáà cua a Mɛlɛka lan. Mispa lon Samiɛl siŋnun simlacinɔ Israɛlla ni.

1Samiɛl 7:6 Referans Kwoze

2Samiɛl 14:14

Naa kpow n hun vunin, mì n siŋnun maa mɛmma coŋ lɛŋ-ndan, vana tiw lɛ ba man kɔndɔɔ le. Kɛ o co vɔ telen Hala tuu le Absalɔm vuo le co hoo le. Lelan, o toosiaa nɛilan haliko vana co kon o lekáá-o lo o malnanndo ndu levil te.

1Samiɛl 1:15

Mí Anɛɛ mulul ndu aa: «Vana ni bɛndoo, o co mamɔi le ma bii ya le. Vanalanɔ dɛnɛ palaa co coo-o ya co ni, kɛ i kol mamɔi le. Mɛlɛka ya hin sanga nuu cɔm ni.

Masaa kialaa n'yamaa 10:10

Mí Israɛlla koŋul o Mɛlɛka lo, má dimi aa: «N cua hakio a nɔm, kani n mulul nɔm Mɛlɛka Hala naa kɔɔ, le Baalla sooloo.»

Yɔɛl 2:12

Mɛlɛka dimi aa: «Lelan nihau, la muungu ya o ibuŋ. La muungu ya o ibuŋ a kɔlta niaalan kpow, a sumndo biyɔɔ, a caŋndo a á cɛɛŋɔnndo.»

Yeremi 9:1

Màá yáà kɔnnun ko o lɛŋnde veselɛilen nin, mì yáà kɔ va o pangala vanaa kelaa pɛngi nin-ndan bɛngu, haliko mi yáà faŋan vanaa nia ikɛi, mì yáà kɔ calnun ndon polon. Kani mɛɛ nda co kpede, vanaa lakafaa nda co ni, vanaa suundaa kposon.

Condii lisai 106:6

N cua hakio maa fuɲaa naa mamaa, n tosa dɛnnda vɔɔnndan, n tosa kɔlvesɛiyo.

Condii lisai 62:8

Cinda nuu a bɛɛle nilen le co Hala o ba. Ndu co pow kpovaa a nɛɛ nia viannannda ni.

Luke 15:18

I co cɔnɔn, mì muungu o fuɲa nuu lo, mì dimul ndu aa: Pua, i cua hakio a Hala a á nɔm.

Condii lisai 119:136

Mɛmɛan ma co ya fulaa o lahɔl taw, kani vannda co tɔŋ nɔmndo biyɔɔ le.

1Masaa 8:47

tàà lo pɛ o cɛle len nin, mà keeliaa kɔllo, tàà muungu pɛ nɔm o ibuŋ mà ɲɔɔlu nɔm o lɛŋnde nda co len va nin o biyɔɔ nin-nden nin, mà dimi aa: ‹N cua hakio, n tɛɛmbuu tɛɛmbuu bɛndu, n laasian›,

Esekiɛl 20:4

Nɔm Po vanacieo, a kialunin pá yamɛi ndɛi, a kialunin ndi? Cɔm nda dɛnnda nɔɔlɛila fuɲaa ndaa tosa lan.

Cɛɛŋɔnnda Yeremi lan 3:49

Hɔlta nilan la co mɛmɛan tuisio tuŋ, kani pɛngi oo pɛngi co le,

Cɛɛŋɔnnda Yeremi lan 2:11

Hɔlta nilan la sanga a mɛmɛan tuisio, niŋndo co ya ŋolɔɔ, Kɔllo laasian ya niŋ kpede le sanga bɛndu co kobi vanaa nia coo-o. Cuaambɔa a cɛlɛkpɛa a co vuo o nɛila kobio coo.

Yeremi 31:19

A toɲa náà n kɔɛ nɔm levil, kɛ sunsun n sina maa n cee tosa le. N sina tɛɛmbuula naalan mí n biinun balan o lebol, siɛmbulan la bii naa mí n kiolu vai le dɛnnda naa n tosa o cuaambɔyɛi nin-ndan.›

Condii lisai 42:3

Yeemɛi Hala nuu i co ya, Hala yoomaa pɛɛn. Lɔ́ɔ́ kuɛɛ ya kɔa yɛnin mì kɔ fula ndu o hɔl?

Condii lisai 6:6

Bau vanndo vi pɛ, o yiyan ndɛ a nɔm o kɔɔ le. Ɔ́ɔ̀ vana lisanin nɔm ciee-piɔ́m-ndo?

SƐBƐ YƆB-O 42:6

Lelan, diom oo diom yáà dimi a nɔm o kɔɔ, i ce nihau maa i nɔ dí le. A ce ya lɛŋ o cundoo nin a o pultan nin sakpo.›»

SƐBƐ YƆB-O 40:4

«Tofa vɔ, i co ɲɛ-ɲɛ le, vɛ̀ɛ̀ ya mulul-lɛnin nɔm? I handun-ndɔ baa o sondo mì meinun.

SƐBƐ YƆB-O 33:27

Mì vana kon soli condei vannda o hɔl, mò dimi aa: ‹I tosa hakio, mì laasiaa dɛnɛ sandaa, kɛ Hala bii mɛɛ kela nuu yɔŋnun yɛ le.

SƐBƐ YƆB-O 16:20

Caaŋaa nia co ya mamɔɔ tɛɛndanndo, kɛ Hala ya co mɛmɛma nian tuisio o hɔl ni.

Nehemi 9:27

O kon, nɔm Mɛlɛka, má mal Israɛlla yaamɔaa ndaa o ba, mí yaamɔaa kan saangiaa nda. Má koŋul nɔm o lani le sanga nda va kon-ndo, má tuɛi nda diom nɛɛ n co o halataala dí-a. A ɲíí nɔmii bɛndui nɔ lamɛɛlu lei, má viam vannda le nda solio o cɛlen nin yaamɔaa ndaa o ba.

2Dɛnnda lemasalan 20:3

Mí siòònde bii Yosafat, mó kialun o kɔl le Mɛlɛka piɛiyo, mó yɔngu yondaa o Yudaa kpow lo le sumndo biyɔɔ.

Masaa kialaa n'yamaa 3:10

Mí Kɔl Mɛlɛka-o toal ndu coo, mó siŋnun masa kialaa n'yama Israɛlla. Mó kɔa o cɔwvo, mí Mɛlɛka mal Kusan-Riseataim ndu o ba.

Tɔŋ lasálàá 26:40

«O kon, a sɔlɔlannin tɛɛmbuula ndalan a tɛɛmbuula fuɲaa ndaa mamaa, mà sɔlɔlan kasila nda del a ya lan a nila kalula nda tosa a ya lan.

O Kandɔɔ 31:49

À veelu ndu vɛlɛ aa Mispa (kon co dimio ni aa «Fonda lekpalillo»). Kani mí Laban dimi aa: «Màá Mɛlɛka va naa kpalillo telen naa n sɛyannin mì n lonnan o lahɔl vellaa-velle-o!

Tɔŋ lasálàá 16:29

Tɔŋ niaa bɛnda mì la bii le fɛɛn a fɛɛn-ndo co hoo ni: o paale tɔ́ndɔlen coo o paangii ŋɔmmɛwndɔɛi nin, kandɔɔ a cuavaa pilacieea Israɛl, kɔ bii a mialaa co niaa o bɛngu coo-a, la bɛnda mì la mal valtan kpow, mì la bii sumndo.

1Samiɛl 7:15

Mí Samiɛl lo simlacilen tosaa Israɛlla coo háá mó vu.

Yeremi 36:9

O vɔsi ŋuɛɛnundɔ Yehoyakim po Yosia-o va o masalen coo Yuda-o, o paangii ŋɔmahiɔɔlundɔɛi, má yonda le sumndo biyɔɔ Mɛlɛka o hɔl, le vannda Yerusalɛm kpow a le vanaa fula o kobila Yuda lan nin má hun Yerusalɛm-nda kpow.

Yosue 18:26

Mispe, Kefira, Mosa,

Masaa kialaa n'yamaa 2:4

Lɔ́ɔ́ mɛlɛkanɔ Hala-o cii Israɛlla kpow sɔɔn mun dimul-lo, mí vannda kpow soli diomndan, má caŋ.

Masaa kialaa n'yamaa 10:15

O kon, mí Israɛlla muli aa: «Mɛlɛka, n cua hakio. Tosa ɲɛ hɛnan nɔm-ndo a naa. Kɛ o va bɛɛ lende, baŋa naa vɛlɛ hau.»

Masaa kialaa n'yamaa 20:23

O kon, mí vanaa cɔwva Israɛl sɔla vɛlɛ yoomuma sɛnɛi, má bɛɛndian, má kɔ ciŋilan nda nɛɛ ndáà ciŋilan nda o tasendɔ-a.

Masaa kialaa n'yamaa 20:26

Mí Israɛlla kpow a kɔ cal Mɛlɛka o hɔl Betɛl, má caŋ. Má niinu ɲinkon kpɛŋ o sumndo nin. Má solul Mɛlɛka sálàla loamaalan a sálàla kɔlɲululan.

1Samiɛl 10:17

Mí Samiɛl veelu Israɛlla Mɛlɛka o hɔl Mispa,

1Samiɛl 12:10

Mí fuɲaa niaa mamaa veelu vɛlɛ Mɛlɛka le nda malaa, má dimi aa: ‹Mɛlɛka, n cua hakio, kani n mal nɔm mí muungu Baalla a Astarteea sooloo. Kɛ yandi, baŋa naa yaamɔaa naa o ba, o kon mì n tosal nɔm baalaa.›

1Dɛnnda lemasalan 11:18

O kon mí kuubaa yáá-aa kan dimi aa: «Mɛɛ la va pɛ la va!» Má kɔa cɔ́-cɔ́, má kɔ luɛi a kpaayaa o dɔ́ɔ́ngɔ́ɔ̀ Filistia nin, má kɔandu mɛmma kalan. Má muungu a man, má kɔ yɔngu David. Kɛ David cɛl le man kolɔɔ le, mó solul Mɛlɛka man sálàá, mó cuiŋi man lɛŋ.

SƐBƐ YƆB-O 3:24

Kuŋndan la co nin balo nuu ni, cɛɛŋɔnnda nilan la co fulaa maa mamɛn.

Cɛɛŋɔnnda Yeremi lan 5:16

Mɔsil lemasa va naa o lebol-lo del lɛŋ, le haki naa n cua a Mɛlɛka-o. Mbɔ̀ sanga naa co o bɔɔ!

Osee 5:1

«Niaa vanaa-solia-lasálàá, la yaŋ nilan o sɔɛi he. Niaa simlacia Israɛlla, la tuei-yɔ. Niaa co o cɛi lemasaa nin-nda bɛɛ, la yaŋnun-ndɔ. Niáà bɛnda le vannda pɛɛkoo le dɛnɛ sandaa tosaa ni. Kɛ mí la yɔŋnun yaŋɔɔlen le yungu ni co Mispa-o, mí la yɔŋnun yala toandaa o pembei Tabɔr coo.