1Samiɛl 7:3 - BII BILA

³ Mí Samiɛl dimul nda aa: «Te o va pɛ a kɔlta niaalan kpede niaa yeema le muungoo Mɛlɛka o ibuŋ ni, mɛɛ la mal piɔmaa Astarteea sooloo few-few, mì la tiindan Mɛlɛka, mì la biilu ndu ndu pilɛ kpé. O baŋanin niaa Filistia o ba.»

1Samiɛl 7:3 Referans Kwoze

Luke 4:8

Mí Yeesu mulul ndu aa: «O co o sɛvaa aa: ‹Biilu Mɛlɛka, o co Hala nɔmndo-o. Ndu pilɛ kpé n bɛnda ma tosal baalaa ni.›»

Tɔŋ miingua 13:4

la yaŋ nilan o sɔɛi vana-tɛɛngaa-diom Hala kon te, te kon te o sɔɛi vana sina kon kɔlɔ lɔma sɔlaan-ndo le. Kani a vanaa súú vaa lende Mɛlɛka Hala niaa vanin keiyo le niaa kɔlɔɔ solio ni. Lende o vanin tosaa ni le sinaa te la kaola ndu lekɛ́ndɛi a kɔlta niaalan kpow a á yoomu niaa kpow.

Matie 4:10

Mí Yeesu dimul ndu aa: «Faŋan ya kɔɔli, Setana! Kani o co o sɛvaa aa: ‹Mɛlɛka Hala nɔmndo n bɛnda le biiloo ni, ndu pilɛ kpé n bɛnda le baalaa tosallo ni.›»

Tɔŋ miingua 6:13

Mɛlɛka Hala niaa kínɛí niaa bɛnda le biiloo ni, ndu pilɛ kpé niaa bɛnda le baalaa tosallo ni. O diola ndɔlan kínɛí niaa bɛnda le mɛnanndo ni.

Esai 55:7

Vana kɔlvesɛiyo faŋan o nɛi ndɔ kɔlvesɛiyo coo, mì vana vɔɔndo mal vanavɔɔnyɛi ndɔɛi, mò muungu Mɛlɛka o ibuŋ, haliko mi Mɛlɛka tuinun ndu iɲíí, mò muungu Hala naa o ibuŋ, o màl haki few-few-vo pɛɛn.

Yosue 24:14

Mí Yosue dimul nda aa: «O laan, siòòŋii Mɛlɛka-e va niaa, mì la tosal ndu baalaa a kɔlta niaalan kpede, mì la lo o lediom coo a ndu. La mal halaa fuɲaa niaa mamaa va biiloo peo leeloo-a, halaa Esiptea pɛɛn, mì la tosal Mɛlɛka baalaa.

Yosue 24:23

Mí Yosue dimul nda aa: «Te lende ni, mɛɛ la mal halaa celeŋaa co niaa tɛɛn-nda, mì la biilu Mɛlɛka Hala niaa a kɔlta niaalan kpede.»

Nsaŋ 4:24

Kɔllo Hala co ni, lelan mɛɛ mì vanaa co ndu biiloo-a biilu ndu a kɔllo a o toɲaa nin.»

Tɔŋ miingua 10:20

La bɛnda mì la nɔ siòòŋii Mɛlɛka Hala niaa, ndu niaa bɛnda le biiloo ni, ndu kínɛí niaa bɛnda le holnɔndo ni, o diola ndɔlan daama niaa bɛnda le mɛnanndo ni.

1Masaa 8:48

tàà ɲɔɔlu pɛ nɔm a kɔlta ndalan kpow a á yoomu ndaa kpow, tàà lo pɛ o lɛŋnde nda kɔɛ a nda o biyɔɔ nin-nden nin mà muli hɔlla kpengii lɛŋnde n ke sindɛ fuɲaa ndaa len, kpengii kobi n hɛli hoo-o a kpengii Cɛi ya baŋ hoo o diola nɔmndan-ndo le nɔm tɛɛlɔnndo,

Matie 6:24

«Vana-vana tiwba mò tosal vanaa bɛndua nda ŋiɔn baalaa o lepilɔɔ le. Kani o pilɛ nɛinunnin ndu, mò kaola o pilɔɔ, te kon te o yiinunnin a ò pilɛ, mò mulul o pilɔɔ kɔɔ. Lá tiwba mì la tosal Hala a volion baalaa o lepilɔɔ le.»

Matie 15:8

‹A n'cɔcɔ vannda ha co ya biiloo ni, kɛ kɔlta ndalan la co bɔɔ ya levil.

Masaa kialaa n'yamaa 10:6

Mí Israɛlla tosa vɛlɛ ɲɛ hɛnan Mɛlɛka loo. Má sooluu Baalla a Astarteea, piɔmaa Aramiia, piɔmaa Sidɔnnda, piɔmaa Moabua, piɔmaa Amɔnnda a piɔmaa Filistia. Má mulul Mɛlɛka kɔɔ, a ve lɛ ndu biilu le few.

1Dɛnnda lemasalan 22:19

La handu niko kɔlta niaalan a yiyannda niaalan kpow Mɛlɛka Hala niaa coo. La cɔn mì la tangul Fonda-Diandaa Mɛlɛka Hala-o. O cɛi kon nin niaa lueinin kesu kpema Mɛlɛka-o a ɲɛm baalan siŋnun teengen le ndu Mɛlɛka-on ni, o niaa tangulnin kon o diola ndɔla lan-ndo.»

O Kandɔɔ 35:2

O kon, mí Yakɔb dimul yungu ndɔɔ a vanaa va ndu o ba bɛngu-a kpede aa: «La faŋa piɔmaa co naa tɛɛn-nda naa tɛɛn few-few. La dindin, mì la mangala volɔɔla niaala cuɛinanndan.

Esekiɛl 18:31

La faŋa dɛnnda vɔɔnnda siinguu niaa vanaa yɔŋ vɔɔnda lan niaa ikɛi, mì la viow lan polon. La lueinun kɔlta sɛnɛilan a yiyannda sɛnɛilan nin. Éé niaa Israɛlla! Le yɛɛ nɛ niaa yeema yɛ le vuo kpeekpei?

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

Talelan 16:1

Vanndacieea nɔ tuulan, kɛ Mɛlɛka nɔ sɔɛi mɛɛlɛi o ba ni.

2Dɛnnda lemasalan 19:3

Nduyɛ, nɔm óò tosa dɛnɛ kɛndɔɔ, kani má loam sooluulan o lɛŋnde nɔmnden nin, má kela vɛlɛ o nɛila Hala lan coo a kɔl nɔmndo kpow.»

Masaa kialaa n'yamaa 10:16

Mí Israɛlla faŋan piɔmaa nda va sooloo-a kɔɔli, má muungu vɛlɛ Mɛlɛka biiloo. Le hee, mí Mɛlɛka yiyan nda coo le sangala bɛndula nda va lan-ndan.

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»

2Dɛnnda lemasalan 30:19

mal vanaa co kindinndo a kɔlta ndalan le Hala, o co Mɛlɛka-o nuwviaa-a haki, Hala fuɲaa ndaa mamaa pɛɛn! Hali a co bɛɛ a diandaa nuaa le, kɛ màá o mal nda haki!»

Masaa kialaa n'yamaa 2:13

Má mulul Mɛlɛka kɔɔ, má va Baal a Astartee sooloo.

1Samiɛl 31:10

O kon kɔɔli, má kɛsi ɲɛm cɔvun Saul-lon o máán piɔmndo Astartee nin, má kɔ landu ndu Saul o vílɛ́iyo o kpakio Bɛt-Sean.

Yosue 13:31

Kalaad táláá pilɔɔ, Astarɔt a Edrei, kobila lebolta Ɔk masaa Basan-ndan la va vɛlɛ o lɛŋnde ndale len nin. Mí lɛŋnde len kpow le yɔngun poaa Makir po Manase-o-a mɛɛ yungula ndalan la va yɛ.

1Masaa 11:33

I tosanin kon le tùú Israɛlla mulul-la kɔɔ, mà muungun Astartee, hala laandu Sidɔnnda, Kɛmɔs, hala Moabua a Milkɔm, hala Amɔnnda sooloo-o, a le tùú nda kɛɛ le kelaa o nɛila nilan coo má kɛɛ le dɛnɛ sandaa tosaa ya o hɔl-lo. A cɛl vɛlɛ le tɔŋndan a silala ndóò dimul nda lan biyɔɔ maa David fuɲaa ndu Salomɔn te.

Yeremi 24:7

I kenin nda sinapɛngoo, mà bii bila maa ya co Mɛlɛka ni. A muungunin ya o ibuŋ a kɔlta ndalan kpow. O kon a vanin vanaa nia, mì ya i va Hala ndaa.

Yeremi 36:3

Bɔɔle lɔ́ɔ́ vannda Yuda sinanin yiyan ya nɔ le nda dɛnɛ palaa tuisio coo-o, nda kpow a kindikindinnin le kela nda vɔɔndo malɔɔ, o kon i melnunnin nda le kela nda vɔɔndo, mì mal nda haki.

Esekiɛl 14:6

Lelan, dimul cuavaa Israɛlla aa nuaa Maalii, o co Mɛlɛka-o soo ni aa: ‹La mangala kaala niaalan mì la faŋa kɔllo o piɔmaa niaa kan. La faŋa hɔlla o dɛnnda niaala nɔɔlɛila lan kpede.›

Tɔŋ miingua 4:29

O kon la nuwviaanin Mɛlɛka Hala niaa. La saalunnin ndu, te la muungu pɛ ndu o ibuŋ a kɔlta niaalan kpow a á yoomu niaa kpow.

Masaa kialaa n'yamaa 2:11

Mí cuavaa Israɛlla tosa ɲɛ hɛnan Mɛlɛka loo, má sooluu Baalla.

2Masaa 17:39

Ya Mɛlɛka Hala niaa daama niaa bɛnda le biiloo ni. O kon i baŋanin niaa yaamɔaa niaa kpow o ba.»

2Masaa 23:15

Mí Yosia puusiaa vɛlɛ fonda-loamaa-lasálà va Betɛl-lo, tombii Yeroboam po Nebat-o ndóò tangul-le, Yeroboam kon pɛɛn, o ndóò luei Israɛlla balan o hakio nin-ndo. Mí Yosia loam tombii ken, mó komba fonda-loamaa-lasálà kon, mó loam vɛlɛ yɔm soolaa, mó mingi ɲɛm mun kpow cundoo.

2Dɛnnda lemasalan 20:33

Kɛ o faŋa tombun soolan te, vannda ndáà yiinun-ndɔ vɛlɛ a Hala fuɲa ndaa mamaa a kɔlta ndalan kpow le.

Yeremi 4:1

Mí Mɛlɛka dimi aa: «Israɛl, taa muungu pɛ ya o ibuŋ, taa mal pɛ piɔmnda sooloo, mà ve lɛ laasian te, mɛɛ a nɔla ma muungu ya o ibuŋ.