1Samiɛl 7:2 - BII BILA

² Viovɔɔ pila kesu kpemaa viow Kiriat-Yearim ni, o cii lon le vɔsilan bidiin. O kon kɔɔli, mí Israɛlla kpow kandu cɛɛŋɔnndo le muungoo Mɛlɛka o ibuŋ.

1Samiɛl 7:2 Referans Kwoze

Matie 5:4

Dɛnɛ kɛndɔɔ co le vanaa co caŋndo-a, kani a sɔlanin ɲɔɔloo.

Yeremi 31:9

À co hunɔɔ a caŋndan, mì liilaa nda o tɛɛlɔnnda ndalan nin. I kɔanin a nda o peela pɔmbɔla mɛnndan ma co taw lan, mì kei a nda o nɛi co bɛɛn-bɛɛn o kɔlan-ndo, nɛɛ nda boŋnin mà del te-a. Kani fuɲaa ya co le Israɛl ni, Efraim co po ni tasoo ni.»

Yeremi 3:13

Sina tɛɛmbuu nɔmndo daama. Kani ya Mɛlɛka Hala nɔmndo n simul ni, má laasian kɔlan nɛɛ-nɛɛ ka halaa celen kɔɔli o yɔmii puiyɛi kpow bɛngu. A yeŋ ya nilan te few.› Ya Mɛlɛka soo lende ni.

Masaa kialaa n'yamaa 2:4

Lɔ́ɔ́ mɛlɛkanɔ Hala-o cii Israɛlla kpow sɔɔn mun dimul-lo, mí vannda kpow soli diomndan, má caŋ.

Yosue 9:17

O kon mí Israɛlla can kɔlan o kobila vanaa kan nin. O paale yàándɔlen, má tiiya Kabaɔn, Kefira, Beerɔt a Kiriat-Yearim.

1Samiɛl 7:1

Mí Kiriat-Yearimnda kɔ cua kesu Mɛlɛka-o, má hel a ndu o Abinadab lo cɛinin, o pembei coo. O kon kɔɔli, má pɔla Eleasar, po Abinadab-o, má siinguu ndu vana mandaa kesu kalaa.

1Samiɛl 7:3

Mí Samiɛl dimul nda aa: «Te o va pɛ a kɔlta niaalan kpede niaa yeema le muungoo Mɛlɛka o ibuŋ ni, mɛɛ la mal piɔmaa Astarteea sooloo few-few, mì la tiindan Mɛlɛka, mì la biilu ndu ndu pilɛ kpé. O baŋanin niaa Filistia o ba.»

1Dɛnnda lemasalan 13:3

O kon, mì n kɔ hunnun a kesu kpema Hala naa, kani o telen Saul-lo pɔ́ naa n pɔɛɛnun a sɔɛi kesu kpema kon ni.»

Yeremi 26:20

O telen kon, langbanɔ celen va vali tɛɛngaa-diom Hala-o tosaa o diola Mɛlɛka lan, diola ndɔlan Uria, po Semaya fula Kiriat-Yearim ndo. Mó soaa sáálélan a kobio ho a á lɛŋnden nden mɛ̀ɛ́-mɛ̀ɛ́ Yeremi soo nuaa yɛ.

1Dɛnnda lemasalan 13:5

Mí David cuungiaa Israɛlla kpow, kandɔɔ o pɛɛngulan a lɛŋnde Esipte len, kɔlan tiiyaa háá Hamat, le kɔlan Kiriat-Yearim, má kɔ hun a kesu kpema Hala-o.