1Samiɛl 7:12 - BII BILA

¹² Mí Samiɛl cua powvo pum, mó baŋ ndu Mispa a fonda nda veelu aa Ciŋnde-o tɛɛn, mó ke ndu diolan aa: «Pow mala vana-o». Mó dimi aa: «Kani háá hau, Mɛlɛka koni co naa malaa ni.»

1Samiɛl 7:12 Referans Kwoze

2Korɛntea 1:10

Ndu baŋa naa ni, nduyɛ o baŋanin naa o piɔ́m vaa lende sondoo. A toɲa, n nɔ tiindanndo maa o baŋanin naa vɛlɛ.

Yosue 4:9

Mí Yosue dii vɛlɛ powtan tɔ́ a latiɔn kundaa o peo kɔllo, nɛɛ vanaa-solia-lasálàá vá kɔlan a kesu kpemaa-a ndáà kɛsi pelon-nda. Háá paalen nden, powta lan la co vɔ o fonda kon.

Dɛnnda kiilaa 26:22

Kɛ háá paalen nden hau, Hala nɔ ya baa coo tuŋ. I co vɔ nanu le vannda kpede seilen nden tɛndallo, cuaambɔa a kaasonnda. I co ɲɛ-ɲɛ celen dimi le, mɛɛ ɲɛ vanaa-tɛɛngaa-diom Hala-a dimio a ɲɛ Moise dimi maa o co hunɔɔ tosanndo kínɛí.

O Kandɔɔ 22:14

Mí Abraham ke fonda kon diolan aa Adonai-Yiire (kon co dimio ni aa «Maalii nuwviaanin»). Lelan vannda co vɔ dimio háá hau a pembii ken o kɔɔ ni aa: «O pembii Mɛlɛka-e coo, Mɛlɛka pila nuwviaanin.»

O Kandɔɔ 35:14

Mí Yakɔb baŋ pow sálàá o fonda Hala soo kon o ndu lo-o kpeekpei. Mó soli sálà mamɔiyo lon, mó cuiŋi mɔima man o pow sálà kon coo, mó tala cuɛiyan lecoo.

1Samiɛl 5:1

Filistia hiɔlɔɔ kesu kpema Hala-o, má faŋa ndu Ebɛn-Esɛr, má kɔa a ndu Asdɔd,

Esai 19:19

O telen pilɛ kon nin, a cownin Mɛlɛka fonda-loamaa-lasálàá o lɛŋnde Esipte len tɛɛn, a tɔalnin pow sálàá o lɛŋnde Esipte len pɛɛngulan, le bɛɛle Mɛlɛka len cɔmndo.

Condii lisai 71:17

Òó Hala, nɔm pɛɛku ya kabi o felengiyɛi nii nin ni. Nduyɛ, háá hau, i co vannda dimullo a dɛnnda kaamaala nɔmndan o kɔɔ.

Condii lisai 71:6

Ndáà violɔɔ ya dɔ́ɔ́, mí tiindan nɔm. Nɔm soli ya kala nuu o dembe ni. I vanin nɔm lisaa lɔ́ɔ́-lɔ́ɔ̀.

1Samiɛl 4:1

Mí Israɛlla kpow a tuɛi a sɔɛi Samiɛl-le o kɔɔ. Paale pum, mí Israɛlla cuungian Ebɛn-Esɛr (kon co dimio ni aa «Pow mala vana-o») le bɔŋanndo a cɔwvo nda Filistia. Mí Filistia nda kila dɔ́ɔ́ngɔ́ ndaa Afɛk.

Fulaa 17:15

O kon mí Moise cɔaw fonda-loamaa-lasálàá, mó ke ndu diolan aa Adonai Nisi (kon co dimio ni aa «Mɛlɛka co lɛfɛ nuu ni.»)

1Samiɛl 7:11

Mí vanaa cɔvaa Israɛlla toaw Filistia, má diw nda cɔnɔnndo Mispa kɔlan tiiyaa háá Bɛt-Kar a ba too.

1Samiɛl 14:35

Mí Saul toosiaa fonda-loamaa-lasálàá le Mɛlɛka. Fonda-loamaa-lasálà tase o toosiaa le Mɛlɛka-o va kon ni.