1Samiɛl 7:10 - BII BILA

¹⁰ Telen Samiɛl va sálàá solio-o kínɛí Filistia hin le Israɛlla delɔɔ coo ni. Kɛ mí Mɛlɛka tosa mí taŋnden le piɔndi kpakan! Mí vanaa cɔvaa Filistia yɔŋnun laasi-laasi, mí Israɛlla nɔla nda.

1Samiɛl 7:10 Referans Kwoze

1Samiɛl 2:10

Mɛlɛka co a hiilɛi o halataala le yaamɔaa ndɔa tɛɛmbuuo, kani ndu co yamɛi lɛŋnden kpede kiolɔɔ ni. Ndu lueì masa vanaa ndɔa yoomuan ni, mò cɔɔlu vana o hɛli-o masalen.»

1Samiɛl 12:17

Vɛ̀ɛ̀ telen koavaa n'mallo le co hoo le? I co Mɛlɛka piɛi mó tuisi piɔɔ bɛndoo a taŋndan. O kon niaa co sina ni maa dɛnɛ vɔɔn bɛndoo pila niaa tosa Mɛlɛka o hɔl le masa celen yeemaa o ndu Hala kɔɔli ni.»

Masaa kialaa n'yamaa 5:20

Hali loeon co o halataala-on, mi n sɔɔnguu le cɔwvo. N lo coocoo pɔɔli, mi n cɔlɔba Sisera.

Yosue 10:10

Mí Mɛlɛka tosa mí Amoriia ɲaanun Israɛlla, mí Israɛlla diw nda diwvo pila Kabaɔn ciee-lekɔɔ lon, má ɲaanun nda kɔɔli le kɔlan helɔɔ Bɛt-Hɔrɔn, má lo kɔlan a nda koŋɔɔ háá má tiiya Aseka a Makeda.

Sakari 4:6

Mó mulul-la aa: ‹Diom Mɛlɛka dimul Sorobabɛl-lo co hoo ni aa: ‹O co a kpaaya le o co a mayoomu le niaa tosanin dɛnɛ kon te, kɛ a Kɔl nuu. Ya Mɛlɛka-Nɔ-Kpaayaa-Kpow-vo dimi lende e ni.›

Masaa kialaa n'yamaa 5:8

Vannda ndáà cii nin halaa sɛnɛiya hɛli, le hee mí cɔwlan la kandun, kɛ hali bállo pilɛ bɛɛ, kɔ̀ɔ̀ cɔwvo o pilɛ bɛɛ ve le vanaa cɔwva vaalan belehiɔɔlu le.

Masaa kialaa n'yamaa 4:15

Má kɔ del nda coo, mí Mɛlɛka mala Barak, mó nɔla Sisera a ɲɛla ɲaanannda ndɔla soa nan-ndan a vanaa ndɔa cɔwva kpede. Mí Sisera mɛi ɲɛ ɲaanan ndɔ soa nan-ndo, mó sɔndan.

1Samiɛl 7:11

Mí vanaa cɔvaa Israɛlla toaw Filistia, má diw nda cɔnɔnndo Mispa kɔlan tiiyaa háá Bɛt-Kar a ba too.

1Samiɛl 14:15

Mí siòònde bii Filistia tɔ̀a lo o dɔ́ɔ́ngɔ́ kon nin-nda a Filistia tɔ̀a va o tàndà kon nin-nda kpede. Mí siòònde bii a va cumullo-a, mí siòònde bii vɛlɛ kuubaa ndaa cɔwva taw. Handɔɔ o kon kpow coo, mí lɛŋnden le ɲiiya, mí kɔltan la laasian vannda kpede a dɛnɛ bɛndu Hala tosa kon-ndo.

Condii lisai 29:3

Diom Mɛlɛka-o co deŋio o mɛnndan coo, Hala biilaa co piɔndio maa piɔɔ deŋia, Mɛlɛka co o mɛmma bɛnduan coo.

Condii lisai 29:4

Diom Mɛlɛka-o nɔ kpaaya, Diom Mɛlɛka-o comul bɔɔ.

Tɔŋ miingua 28:7

Tuma yaamɔaa niaa cannin le niaa cɔlɔbaa-o, o yɔngunin niaa kpaayaa mì la tiw nda ba. Taa kei pɛ o nɛiyo ndu pilɛ coo le hunɔɔ niaa cɔlɔbaa, a ɲaanunnin niaa, mà sɔɔndian o nɛilan tan ŋɔmmɛw.

Condii lisai 18:15

Mó va kɔɔn ndɔn vuuo, mó va yaamɔɔa puusiaa, mí piɔɔ-volia va iŋuanndi-ŋuanndiei, má laasian kɔltan.

Condii lisai 78:66

Mó soaŋ yaamɔaa ndɔa o mundu kɔɔli, mó tuisi nda siɛmbula fɛɛn-fɛɛnndan.