1Samiɛl 6:5 - BII BILA

⁵ Lelan, la tuuliaa hindɔɔla ipawla niaala lan mì la tuuliaa vɛlɛ bɛlaa co kan lɛŋnde niaalen tɛɛmbuuo-a, o kon mì la biilu Hala Israɛlla. Bɔɔle mò faŋa niaa pila, piɔmaa niaa a lɛŋnde niaalen kpede sangaa coo!

1Samiɛl 6:5 Referans Kwoze

Yosue 7:19

O kon, mí Yosue dimul Akan aa: «Po nuu, ke Mɛlɛka Hala Israɛlla bɛɛlen ma biilu ndu. Cɔm ya dɛnɛ n tosa-o, nduyɛ vin ya ɲɛ-ɲɛ le.»

1Samiɛl 5:11

Mí nda bɛɛ veelu simlacia Filistia, má dimul nda aa: «La mingi kesu Hala Israɛlla nɛɛ o va-a, yɔŋii naa n cuu vu kpow.» Mí siòòŋii piɔ́mnde bii vannda o kobi kon nin taw. Kani ba Hala-o va vannda sangala bɛndulan tuisio coo taw, má va muungoo yulan-yulan.

Nsaŋ 9:24

Mí Faliisia veelu vɛlɛ langbanɔ va kon paandu o sumɛiyo-o, má dimul ndu aa: «Naa n sina maa vana lahakio vana singi nɔm kon-ndo co ni, lelan dimul naa toɲaa le Hala.»

Esai 42:12

O bɛnda mì Mɛlɛka sɔla biiloo, mi vannda tiw tɔ́ɔ́ ndɔɔ a ndu lisaa o lɛŋii co o mɛnndan tɛɛn-nde nin!

Yeremi 13:16

La biilu Mɛlɛka Hala niaa, lɔ́ɔ́ pá o hun tuisi ɲumndan, lɔ́ɔ́ pá niaa kandu boŋio o pembun co o ɲumndan nin-ndon. La va ɲɛ-tengaa kɔl, kɛ mó mangala ndu ɲumma bɛnduan, mó mingi ndu maa piɔɔ helaa.

Condii lisai 32:4

Idii a icɔl ba nɔmndo va ya kindilaa, yoomuan ma va vesanndo ya o n'dial mɛɛ valo levɔɔ veesiaa ɲɔɔ nuaa yɛ.

1Samiɛl 5:9

Kɛ ndáà tiiyaa dɔ́ɔ́ a ndu lon, mí Mɛlɛka tuisi vanaa va o kobi kon nin-nda kpow sangalan a kɔlta yulan-yulanndan coo. Mí nàà bondokpaa fula nda, kandɔɔ a cuaambɔa kɔ bii a kaasonnda kpede.

Dɛnnda cɔɔmuanndan 16:9

Mí vanndacieea ŋɔa a hangul vɔɔn-vɔɔndo. Má dimi sɔɔn tanan a diola Hala nɔ baa o dɛnnda palaala lan coo-o, a cɛl le mangalanndo mà biilu ndu le.

Dɛnnda cɔɔmuanndan 14:7

Mó va dimio coocoo kpélén aa: «La tuisin Hala o labɛngunin mì la ke ndu biiloo, kani telen o kialunin yamɛi ndɔɛi-yo tiiya. La baŋ vulan vana toosiaa halataalaa, lɛŋnden, mɛmma ihɛllan a peela leboltan-ndo o labɛngunin.»

Dɛnnda cɔɔmuanndan 11:13

O telen kon kínɛí, mí lɛŋnden le ɲiiya taw, mí kobio kpengei pilɛi komba. Mí vanndacieea vàálan tan ŋɔmmɛw a sɔla piɔ́mndo o lɛŋnde ɲiiyaale len nin, mí siòòŋii bɛnduei bii vanaa tɔ̀a, má ke Hala co o halataala-o biiloo.

Malasi 2:2

Te la yeŋ nilan o sɔɛi nii mì la handu kɔllo le diola nilan biiloo le, i tuisinin niaa dɛnɛ palaa coo, mì siinguu duaa niaa dangaa. A toɲa, lende ya tosanin ni, kani la hendu kɔllo o sɔɔn nun coo le. Ya Mɛlɛka-Nɔ-Kpaayaa-Kpow-vo dimi lende ni.

Yɔɛl 2:25

I mingulnin niaa ɲɔɔn peelul le vɔsila sóónɔa, selennda, dɛlua a paaleŋaa yáà tuisi niaa coo-a tɛɛmbuu tɔlɔɔlan-ndan mangalaa.

Yeremi 3:13

Sina tɛɛmbuu nɔmndo daama. Kani ya Mɛlɛka Hala nɔmndo n simul ni, má laasian kɔlan nɛɛ-nɛɛ ka halaa celen kɔɔli o yɔmii puiyɛi kpow bɛngu. A yeŋ ya nilan te few.› Ya Mɛlɛka soo lende ni.

Esai 19:1

Sɔɛi dimin o lɛŋnde Esipte len coo-e yɔŋnun hee ni: La tofa vɔ, Mɛlɛka hel o yumbuyumbu felun-felunndo coo, o co hunɔɔ o lɛŋnde Esipte len nin. Piɔmaa co o lɛŋnde Esipte len nin-nda co ɲiiyaa ndu laci, kɔlta Esiptea la fula yoomuan po.

Condii lisai 66:3

La dimul Hala aa: «Dɛnnda nɔmndan la co bɔɔ dɛnnda kaamaala bɛndu! Le kpaaya nɔm bɛndoo, yaamɔaa nɔmnda co nɔm lisaa

Condii lisai 39:10

I meinun-ndɔɔ nihau, i co lɛhau ɲɛ-ɲɛ dimi le! Kani nɔm tuisi ya hee coo ni.

Condii lisai 18:44

Nɔm Mɛlɛka, a co ya baŋaa vanaa nila kalua o ba, o kɛsi ya simlacinɔ vanaa-mangalaa-isɔɔa coo, vanaa yáà sina paandu le-a cal o ba nuu bɛngu.

Kundalan 33:4

Esiptea va poaa ndaa tasea Mɛlɛka diw-va kumbɔɔ. Kani mí Mɛlɛka tuisi halaa Esiptea dɛnɛ palaa coo.

Fulaa 12:12

Icɔl kon, i keinin o lɛŋnde Esipte len tɛɛn, mì poaa tasea a cɔlua piaandua tasea Esipte kpede a sɔla piɔ́mndo, kandɔɔ a poaa tasea vanndacieea, kɔlan tiiyaa a cɔlua piaandua tasea cɔlua kom-nda. Mɛɛ nuaa ya kialunin halaa nda co sooloo Esipte-a iyama ni. Ya co Mɛlɛka ni.

Fulaa 8:24

O kon, mí Faraɔnnɔɔ dimi aa: «Mɛɛ i sɔɔ laba. I co niaa malɔɔ mì la kɔ solul Mɛlɛka sálàá o lɛŋnde veselɛilen nin, Hala niaa pɛɛn. Kɛ la kɔa levil te dɛ! La kɔɛ pɛ, la piɛi Mɛlɛka le ya.»

Fulaa 8:17

Kɛ taa kɛɛ pɛ le nda malɔɔ, o co niaa sunbungaa tuisi coo niaa vanaa nɔmaa baalaa a vanaa tɔ̀a kpow, mà pɛ o cɛila nɔmndan nin ca. A co piɔ o cɛilan nin mà kumbu lɛŋnden kpow.

Fulaa 8:5

Mí Moise dimul ndu aa: «Bala tiɔn, fallo. Kɛ mɛɛ n co vana bɛndoo yɛ, nɔm pila yom lɔ́ɔ́ ya bɛnda mì tɛɛlun Mɛlɛka le nɔm pila, le vanaa nɔmaa baalaa a le vanaa tɔ̀a kpow-vo, haliko mi ɲuna Mɛlɛka mò diw ŋɔɔŋɔɔnda, mà faŋan o nɔm ndo a o cɛila nɔmndan nin, mà lo o pee bɛndoo Nil kínɛí.»

1Samiɛl 6:8

Mì la cua kesu kpema Mɛlɛka-o, mì la kɛsi ndu o ɲɛ ɲaanan soa nan kon-ndo coo, mì la cua vɛlɛ ɲɛm niaa toosiaa a sianion le Hala keo le ndu sálàá solullo a mun-ndon, mì la vow mun o kesu pɔmbɔɔ nin, mì la kɛsi mun o kesoo ikɛi. La tosa pɛ lende, la mal nda kɔlan.

1Dɛnnda lemasalan 16:28

Niaa yungula vanaa súúla yɛ́-yɛ́a co o lɛŋnden coo-a, la yɔngu Mɛlɛka, la yɔngu Mɛlɛka bɛɛlen mì la cɔm kpaaya ndɔɔ.

1Dɛnnda lemasalan 16:29

La sangala diola Mɛlɛka lan, mì la hin a ɲɛm-kén niaan o ndu lo. La luɛi mì la tundun Mɛlɛka o labɛngunin telen diondɔɔ ndɔɔ fula ceen-ndo.

Yonas 3:9

Bɔɔle mì Hala ɲulul kɔl, mò yiyan le ɲɛ o dimi le tosaa-o mangalaa, o kon mì kɔl ndɔ tuwvo ɲulul, yɔŋii naa n cuu.»